လါအီးကထိဘၢၣ်(၂၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ထံကီၫ်ခံဘ့ၣ်အဘၢၣ်စၢၤ ဆဲးလီၤတၫ်မုာ်တၫ်ခုၣ်တၫ်အၢၣ်လီၤ၀ံၤအလီၫ်ခံ ကၠီၣ်တဲၣ်ကီၫ်ဆၢဒီတကျိၤ သုးတၫ်စုက၀ဲၤ တဖၣ် ခၣ်ဘီဒံယါတကပၤ စးထီၣ်သုးလီၫ်သုးကျဲလံန့ၣ်လီၤ.
ခၣ်ဘီဒံယါထံကီၫ်ပၢမံၣ်ဒံၣ်ယၣ် Agence Kampuchea Presseအတၫ်ပာ်ဖျါအဖီခိၣ် တၫ်ထုးကွံာ်တၫ်စုက၀ဲၤ တၫ်ဖံး တၫ်မၤတဖၣ်န့ၣ် စးထီၣ်ဖဲလါအီးကထိဘၢၣ်(၂၆)သီဟါအကတီၫ် ခီဖျိလၢအၣ်စံၣ်ယၣ်ပှၤဃုထံၣ်သ့ၣ်ညါတၫ်ကရၢဒီး ဒီကလုာ်တၫ်ဒီသဒၢကိတိာ်၀ဲၤကျိၤတဖၣ် အတၫ်တီခိၣ်ရိၣ်မဲအဖီလာ်အဂ့ၫ် တၫ်သ့ၣ်ညါဘၣ်လီၤ.
တၫ်ထုးကွံာ်သုးဂ့ၫ်၀ီတၫ်ပီးတၫ်လီ အဆိကတၢၫ်တပတီၫ်န့ၣ် ဘၣ်တၫ်စးထီၣ်မၤ၀ဲ ဖဲစံၣ်ရၣ်ရံၤယးကီၫ်ဆၣ်, Banteay Sreiကီၫ်ရ့ၣ်န့ၣ်လီၤ.
ခၣ်ဘီဒံယါကိတိာ်ခိၣ်ကျၢၫ် ဟိၣ်မၣ်နဲးဒီးကၠီၣ်တဲၣ်ကိတိာ်ခိၣ်ကျၢၫ် အနူးတ့ၣ်ခၠၣ်ဘံၣ်ရၣ်ကူတဖၣ်န့ၣ် တၫ်မုာ်တၫ်ခုၣ် တၫ်အၢၣ်လီၤတဘျီအံၤန့ၣ် ဖဲတၫ်မၤ၀ဲ(၄၇)၀ီတ၀ီအၣ်စံၣ်ယၣ်ပတီၫ်ထီတၫ်အိၣ်ဖှိၣ်အကတီၫ် ဆဲးလီၤ၀ဲဒၣ်လၢ မလ့ရှါ ကိတိာ်ခိၣ်ကျၢၫ်အၣ်၀ၣ်အံၣ်ဘရၣ်ဟ့ၣ်ဒီးအမဲရကၤကီၫ်ခိၣ်ဒီနၢၣ်ထရၢးတဖၣ်အမဲာ်ညါန့ၣ်လီၤ.
“တၫ်ထုးကွံာ်တၫ်စုက၀ဲၤတဖၣ်န့ၣ် မ့ၫ်ခီၣ်ခါအဆိကတၢၢ်တခါဒီးတၫ်ကဒုးအိၣ်ထီၣ် ကွၣ်လၣ်လၣ်ပူၣ် တၫ်ဘိးဘၣ်ရၤ လီၤသဃဲၤ(KL Peace Accord)အဂီၫ် မ့ၫ်တၫ်ပာ်ဖျါထီၣ်တၫ်အၢၣ်လီၤအတၫ်ပနီၣ်တခါလီၤလီၤ”အဂ့ၫ် တၫ်ဒီသဒၢကိ တိာ်၀ဲၤကျိၤ သုးခိၣ်ကျၢၫ်စိ မၣ်လံၣ်ဆိၣ်ခၠံၣ်တၣ်န့ၣ် ဖဲမဟါနံၤန့ၣ် တဲလီၤ၀ဲလၢထံကီၫ်ပၢတၫ်ကစီၣ်သန့တဆီန့ၣ်လီၤ.
KL Peace Accord တၫ်မုာ်တၫ်ခုၣ်တၫ်အၢၣ်လီၤလံာ်ဃံးဃာ် ဘၣ်တၫ်ဆဲးလီၤအီၤန့ၣ် ခၣ်ဘီဒံယါဒီးကၠီၣ်တဲၣ်တဖၣ် ဖဲလါအီကူာ်(၇)သီနံၤ လၢ၀့ၫ်ကွၣ်လၣ်လၣ်ပူၣ် မၤ၀ဲကီၫ်ဆၢကမံးတံာ်ဂ့ၫ်ဂီၫ်အူတၫ်အိၣ်ဖှိၣ်အပူၤ ကီၫ်ဆၢတၫ်သဘံၣ် သဘုၣ်ကကတၢၫ်ကွံာ်အဂီၫ် အပူၤကွံာ်အၢၣ်လီၤတ့ၫ်ဃာ်၀ဲတဖၣ် မ့ၫ်ဒ်သိးကကဲထီၣ်ဖိးသဲစးအဂီၫ်န့ၣ်လီၤ.
လၢကီၫ်ဆၢတၫ်ဒုးစးထီၣ်ကဲထီၣ်လံၤလံၤ လၢကီၫ်ဆၢခံကပၤလၢာ် ပှၤနီၫ်ဂံၫ် ၃၀၀,၀၀၀ဃၣ်ဃၣ် ဘၣ်သုးလီၫ်သုးကျဲ န့ၣ်လီၤ.
