လါအီးကထိဘၢၣ်(၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
သုးဟံးန့ၫ်ဆူၣ်ထံကီၫ်တၫ်စိတၫ်ကမီၤသုးခီၣ်မံးရှၢၣ်အသုးပူၤ လၢကျဲအကလုာ်ကလုာ်သးစၫ်လၢလဲၤတုၤတဖၣ် လၢ ကျဲတဘိဂ့ၤတဘိဂ့ၤ ကဟဲပာ်ဖှိၣ်မၤသကိးဘၣ်တၫ်ဒီးတၫ်ပၢၫ်ဆၢသုးဖိတဖၣ်အဂီၫ် KNU-ကညီဒီကလုာ်စၢဖှိၣ်ကရၢ, ဘျံး-ဒ၀ဲၫ်ကီၫ်ရ့ၣ် ကညီသးစၫ်ကရၢ(KYO) နဲၣ်ရွဲၣ် စီၤအဲၣ်ထံကီၫ် တဲဆီၣ်တခူ၀ဲလီၤ.
လၢကတီၫ်အံၤ သုးခီၣ်မံးရှၢၣ်အသုးဖိတဖၣ် ဟဲပာ်ဖှိၣ်မၤသကိးတၫ်လၢKNU,ဘျံး-ဒ၀ဲၫ်ကီၫ်ရ့ၣ်,ကညီဒီကလုာ်တၫ် ထူၣ်ဖျဲးသုးမုၫ်ဒိၣ်(KNLA),သုးက့နီၫ်ဂံၫ်(၄)အိၣ်တလီၫ်လီၫ်အဖီခိၣ် ဘၣ်ထွဲဒီးတၫ်အိၣ်သးန့ၣ် အ၀ဲတဲ၀ဲဒ်သိးအံၤန့ၣ်လီၤ.
“ဒ်သးစၫ်ခိၣ်နၫ်တဂၤအသိး အဲၣ်ဒိးတဲဘၣ်သးစၫ်တဖၣ်လၢ ကတီၫ်အံၤဒ်သ့အသိးလီၤ.သးစၫ်လၢဘၣ်တၫ်ထၢန့ၫ်ဆူၣ် မၢကဲသုးတဖၣ် ကဟးထီၣ်ဘၣ်လၢကျဲတဘိဂ့ၤတဘိဂ့ၤ.တၫ်မ့ၫ်ဆှၢလၢတၫ်မဲာ်ညါတၫ်ဒုးပျီဒၣ်လဲၣ် လၢကျဲအကလုာ် ကလုာ်ကဆဲးကျိးဘၣ်ဒီးတၫ်မဲာ်ညါတၫ်ပၢၫ်ဆၢသုးဖိတဖၣ်၀ံၤဃ့ၫ်ဟးထီၣ်ကွံာ်အဂီၫ်”စီၤအဲၣ်ထံကီၫ်တဲ၀ဲလီၤ.
သုးကီၣ်ကးအသုးဖိလၢတၫ်မၢန့ၫ်ဆူၣ်ကဲသုး သုးဖိအသီတဖၣ် လၢကတီၫ်အံၤ ဟဲပာ်ဖှိၣ်မၤသကိးတၫ်လၢKNLA,သုး က့နီၫ်ဂံၫ်(၄) အိၣ်လံ(၁၀)ဂၤဘျဲၣ်လံန့ၣ်လီၤ.
ဖဲလါအီးကထိဘၢၣ်(၁)သီအနံၤန့ၣ် ခလရ(၂၈၀)သုးရ့ၣ် သုးဖိ(၂)ဂၤန့ၣ် ဟဲဟ့ၣ်လီၤအသးလၢတပာ်ဃုာ်ဒီးကျိလၢတနီ သရံၣ်ကီၫ်ဆၣ်,KNLAသုးက့နီၫ်ဂံၫ်(၄),သုးရ့ၣ်(၁၁)အအိၣ်အသိး,လါစဲးပထ့ဘၢၣ်(၃၀)သီနံၤ ခလရ(၂၈၀)သုးရ့ၣ် သုး ဖိ(၄)ဂၤ ဟဲဟ့ၣ်လီၤအသးလၢတပာ်ဃုာ်ဒီးတၫ်စုက၀ဲၤ လၢKNLAသုးက့နီၫ်ဂံၫ်(၄),သုးရ့ၣ်(၁၁)အအိၣ်န့ၣ်လီၤ.လၢ (၁ ၇)သီအနံၤစ့ၫ်ကီး လၢပလီကီၫ်ဆၣ် သုးခီၣ်မံးရှၢၣ်အသုးဖိ(၇) ဟဲဟ့ၣ်လီၤအသးလၢတပာ်ဃုာ်ဒီးတၫ်စုက၀ဲၤ လၢ KNLAသုးက့နီၫ်ဂံၫ်(၄)အစုတီၤဖီလာ် KNDO သုးရ့ၣ်(၇),သုးဒ့(၅)အအိၣ်ဒံးန့ၣ်လီၤ.
ပှၤလၢဟဲဟ့ၣ်လီၤအသးတဖၣ် ဟဲစိာ်တၫ်စုက၀ဲၤလၢသုးခီၣ်မံးရှၢၣ်အအိၣ်မ့ၫ်န့ၫ်န့ၣ် ကဂ့ၤဒိၣ်၀ဲအဂ့ၫ် စီၤအဲၣ်ထံကီၫ်တဲ ဆီၣ်တခူထီၣ်၀ဲလီၤ.
“တၫ်စုက၀ဲၤမ့ၫ်ပာ်ဃုာ်န့ၣ် ဖဲတၫ်က့ၤတြီဆၢ၀ဲသုးခီၣ်မံးရှၢၣ်အကတီၫ် ကမ့ၫ်ဂံၫ်ဘါတခါအဂ့ၫ်”စီၤအဲၣ်ထံကီၫ်တဲ၀ဲလီၤ.
သုးခီၣ်မံးရှၢၣ်န့ၣ် ဂံၫ်ဘါလၢလိၣ်ဘၣ်၀ဲတဖၣ်အဂီၫ် သးစၫ်တဖၣ်န့ၣ်လူၤပာ်ဖှိၣ်ဒုးကဲ၀ဲသုး တပယူာ်ဃီအဃိ လၢတၫ်ဟးထီၣ်က့ၤလီၤအပူၤ ကအိၣ်ဘၣ်လၢတၫ်ပလီၫ်အဂီၫ် မ့ၫ်တၫ်လၢအရ့ဒိၣ်၀ဲအဂ့ၫ် အ၀ဲတဲဆီၣ်တခူထီၣ်၀ဲလီၤ.
သုးဟံးန့ၫ်ဆူၣ်ထံကီၫ်တၫ်စိတၫ်ကမီၤအံၤ လၢထံကီၫ်ဒီတဘ့ၣ်အပူၤ ထံဖိကီၫ်ဖိကမျၢၫ်တဖၣ်န့ၣ် လၢကျဲအကလုာ်က လုာ် လူၤကရၢကရိ၀ဲဒီးဒုးကဲ၀ဲသုး၀ံၤသူ၀ဲဒၣ်လၢတၫ်မဲာ်ညါတၫ်ဒုးပျီအပူၤန့ၣ်လီၤ.သူ၀ဲဒ်သိးပှၤကညီတၫ်ဒီသဒၢ အ သိးဒီးအပှၤသုးဖိလၢဘၣ်တၫ်ဖီၣ်န့ၫ်တဖၣ်န့ၣ် တၫ်ထံၣ်ဘၣ်လၢသူဃာ်ကသံၣ်မူၤဘှီးတဖၣ်အဂ့ၫ် ဒီကလုာ်ဃူဖိးပဒိၣ် (NUG)ကီၫ်စၢဖှိၣ်ကိတိာ်ခိၣ်ကျၢၫ်၀ဲၤဒၢး ပှၤတဲတၫ်ပၢ အူန့ၣ်ဘိလးန့ၣ် ဖဲလါအီးကထိဘၢၣ်(၁)သီနံၤအတၫ်ကတိၤလီၤ အပူၤ ဖၢနုာ်တဲဃုာ်၀ဲဒီးပှၤလၢဘၣ်တၫ်မၢန့ၫ်ဆူၣ်ကဲသုးတဖၣ် သုတတူၫ်သံသးတဂ့ၤဒီးကပာ်ဖှိၣ်မၤသကိးဘၣ်တၫ်ဒီး တၫ်ပၢၫ်ဆၢသုးတကပၤအဂီၫ် တဲဆီၣ်တခူထီၣ်ကဒီးဃာ်၀ဲလီၤ.
