လါအီးကထိဘၢၣ်(၃)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
သုးခီၣ်မံးရှၢၣ်အသုးကျိၤလၢဟဲထီၣ်ဆူ KNU,သုးက့နီၫ်ဂံၫ်(၅),မုၫ်တြီၤဟီၣ်က၀ီၤ,ကတၢးတံးဒီးဖၣ်ပူၣ်တဖၣ် ဘၣ်ဒိဆါအဃိ သုးခီၣ်မံးရှၢၣ်အသုး တ့ၫ်လီၤမ့ၣ်ပိၫ်လၢကလံၤကျါ လၢဒူသ၀ီတဖၣ်အပူၤအဂ့ၫ် တၫ်သ့ၣ်ညါဘၣ်လၢ KNLA ဂ့ၫ်ခီၣ်ထံးတၫ်ကစီၣ်အိၣ်န့ၣ်လီၤ.
လၢကတီၫ်အံၤ သုးခီၣ်မံးရှၢၣ်အသုး,BFGဒီးဘိၣ်ဘံးတီခိၣ်ရိၣ်မဲDKBAသုးပာ်ဖှိၣ်တဖၣ် ဖဲဟဲထီၣ်သုးကျိၤဆူ ကတၢးတံးဒီးဖၣ်ပူၤတကတီၫ်ဃီ တ့ၫ်လီၤမ့ၣ်ပိၫ်လၢဘီယူၤတဖၣ်အဂ့ၫ် ဂ့ၫ်ခီၣ်ထံးတၫ်ကစီၣ်၀ဲန့ၣ်တဲ၀ဲလီၤ.
“တၫ်ဒုးမ့ၫ်ကဲထီၣ်ဒီးပာ်ဂံၫ်ပာ်ဘါကဘီယူၤဒီးကိး၀ဲလီၤ.မ့ၫ်ဘၣ်ဒိဆါလံန့ၣ်ဒီးကိးကဘီယူၤလီၤ.လၢဖၣ်ပူၣ်ဒုးယၤသုးကလၢၤစ့ၫ်ကီး ပပှၤစုဘျၢတဖၣ်ခးအီၤဒီးမ့ၫ်သံန့ၣ် တယံာ်ဘၣ်ကဘီယူၤဟဲခးလီၤတၫ်လီၤ.အ၀ဲသ့ၣ် အတၫ်အိၣ်သးအိၣ် လၢဘၣ်အိၣ်လၢဘၣ်ယိၣ်ဘၣ်ဘှီဒီးတၫ်ပျံၤတၫ်ဖုးအပူၤအဂ့ၫ်”KNLAသုးဘၣ်မူဘၣ်ဒါတဂၤတဲ၀ဲလီၤ.
ဖဲလါစဲးပထ့ဘၢၣ်(၂၈)သီအနံၤန့ၣ် မုၫ်တြီၤကီၫ်ရ့ၣ်,ဘုသိၣ်ကီၫ်ဆၣ်,ရှါကဲ,ကလါကဲဒီးဘီထၣ်သ၀ီအပူၤ ဟဲတ့ၫ်လီၤမ့ၣ်ပိၫ်တဖျၢၣ်စုာ်စုာ်အဃိ ဟံၣ်ဃီဟးဂီၤ၀ဲအိၣ်ဘၣ်ဆၣ် ပှၤကညီတၫ်ဘၣ်ဒိဘၣ်ထံးတအိၣ်ဘၣ်အဂ့ၫ် ဂ့ၫ်ခီၣ်ထံးတၫ်ကစီၣ်၀ဲန့ၣ်တဲ၀ဲလီၤ.
ဒ်န့ၣ်အသိး လၢဒွဲၣ်လိကီၫ်ဆၣ်,ကတၢးတံးအဆၢလာ် နိၣ်လီၤဆှူသ၀ီပူၤ အပူၤကွံာ်တနွံအတီၫ်ပူၤ သုးခီၣ်မံးရှၢၣ်အသုးဒုးတ့ၫ်လီၤမ့ၣ်ပိၫ်လၢကဘီယူၤဒီးဖိသၣ်ဆံး(၂)ဂၤဘၣ်ဒိတဆံးတက့ၫ်အဂ့ၫ် ပှၤလီၫ်က၀ီၤဖိလၢဘၣ်ပာ်တ့ၫ်ဒူသ၀ီ ဃ့ၫ်ပူၤဖျဲးသးတဂၤတဲ၀ဲလီၤ.
လၢကတီၫ်အံၤ သုးခီၣ်မံးရှၢၣ်လၢဂဲၤလိာ်၀ဲလၢကဟဲထီၣ်သုးကျိၤအံၤ KNLAသုးပာ်ဖှိၣ်တဖၣ် က၀ီၤကးတံာ်ဒုးအီၤအဃိ ဟဲထီၣ်ဆူတၫ်မဲာ်ညါတန့ၫ်ဘၣ်ဒီး က့ၤဆီလီၤက့ၤအသးဖဲ၀ါဒူသ၀ီဒီးမၤပှဲၤဂံၫ်ဘါဒီးဆီလီၤကျိဖးဒိၣ်တဖၣ်အဂ့ၫ် တၫ်သ့ၣ်ညါဘၣ်လၢလီၫ်က၀ီၤဂ့ၫ်ခီၣ်ထံးတၫ်ကစီၣ်အိၣ်န့ၣ်လီၤ.
