လါစဲးပထ့ဘၢၣ်(၁၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
တၫ်ဒုးကဲထီၣ်တၫ်သးတလီၤပလိာ်လၢအမ့ၫ် သးနံၣ်(၇၆)နံၣ် ပှၤမၤထံရူၫ်ကီၫ်သဲးစဲာ်နီး မံးစထၢၣ် ထဲးဆ့ၣ်န့ၣ် စးထီၣ် လၢ ၂၀၀၁နံၣ်တုၤ၂၀၀၆နံၣ် တုၤသုးဟံးန့ၫ်တၫ်စိတၫ်ကမီၤ တၫ်ထုးလီၤတဲာ်ကွံာ်အီၤတစု ဟံးန့ၫ်တ့ၫ်မူဒါဒ်ကိတိာ်ခိၣ် ကျၢၫ်န့ၣ်လီၤ.အ၀ဲန့ၣ် လဲၤအိၣ်လၢကီၫ်ချၢယံာ်(၁၅)ဒီးဖဲ၂၀၂၃နံၣ်န့ၣ် ဟဲက့ၤဆူကီၫ်ကၠီၣ်တဲၣ်ဒီးလၢအတၫ်စိတၫ်ကမီၤ အိၣ်အကတီၫ် မုာ်ကျိၤ၀ဲၤကွာ်တၫ်သဘံၣ်သဘုၣ်တဖၣ်,သူကမၣ်တၫ်စိတၫ်ကမီၤဒီးတၫ်အီၣ်ကဘျံးကဘျၣ်အဂီၫ် တၫ်ဒုးလီၤအီၤဃိၣ်(၈)နံၣ်လီၤ.
ဘၣ်ဆၣ် Manchester City ဖျၢၣ်ထူကရၢအကစၫ်လီၫ်လံၤ မံးစထၢၣ်ထဲးဆ့ၣ်န့ၣ် တအိၣ်ဘၣ်လၢဃိၣ်ပူၤနီတနၤ ဘၣ်.ပာ်ထီၣ်တၫ်ဂ့ၫ်လၢတၫ်အိၣ်ဆူၣ်အိၣ်ချ့အဖီခိၣ်ဒီးလဲၤအိၣ်လၢာ်ဂီၤဃိၣ်တၫ်ကမၣ် လၢ၀့ၫ်ဘီကိာ် ပၢၤကီၫ်ပတီၫ်ထီ တၫ်ဆါဟံၣ်န့ၣ်လီၤ.
အလီၫ်ခံ ကၠီၣ်တဲၣ်စီၤပၤ မဟၣ်၀ံးစယးလီၣ်ကိန့ၣ် မၤစှၤလီၤန့ၫ်၀ဲ ထဲးဆ့ၣ်ဃိၣ်တၫ်ကမၣ်(၁)နံၣ်၀ံၤအလီၫ် ယံာ်(၆)လါ ၂၀၂၄နံၣ်,လါဖ့ၤဘြူၤအါရံၣ်အပူၤန့ၣ် တၫ်အုၣ်ကီၤအဖီခိၣ်ပူၤဖျဲးထီၣ်၀ဲလီၤ.
မံးစထၢၣ်ထဲးဆ့ၣ်န့ၣ် ကဟဲက့ၤဆူထံကီၫ်အဂီၫ် အဃိၣ်တၫ်ကမၣ်ကလီၤစှၤအဂီၫ်(မ့တမ့ၫ်)တၫ်ကပျဲပူၤအီၤ လၢတၫ် ကမၣ်အဂီၫ် ဟံးန့ၫ်တၫ်နၫ်ပၢၫ်လၢထံကီၫ်အပူၤတၫ်စိတၫ်ကမီၤဒိၣ် ကိၣ်ဆၢၣ်ဘ့တံးတဖၣ်အဂ့ၫ် ပှၤဃုသ့ၣ်ညါတၫ်ဖိ တဖၣ်နာ်၀ဲလီၤ.၂၀၂၃နံၣ် ထဲးဆ့ၣ် ဟဲက့ၤဆူထံကီၫ်အမုၫ်နံၤန့ၣ် အဟံၣ်ဖိဃီဖိပၣ်တံၣ်န့ၣ် ပၢဆှၢကဒါက့ၤ၀ဲပဒိၣ် လၢခံတဘျီန့ၣ်လီၤ.ဘၣ်ဆၣ်ဘၣ်ထွဲဒီးတၫ်ဂ့ၫ်ရဲၣ်တၫ်ကျဲၤအံၤန့ၣ် တမၤ၀ဲအဂ့ၫ် ထဲးဆ့ၣ်ဂ့ၫ်လိာ်ဃာ်၀ဲလီၤ.
ဖဲမုၫ်လွံၫ်နံၤန့ၣ် စံၣ်ညီၣ်ကွီၫ်ခိၣ်ကျၢၫ်တခီ မံးစထၢၣ်ထဲးဆ့ၣ် ထီၣ်တၫ်ဆါဟံၣ်တၫ်ဆၢကတီၫ်ယံာ်ထၢန့ၣ် ဆၢတဲာ်၀ဲလၢ တဖိးမံလိာ်အသးဒီးတၫ်ဘျၢဘၣ်ဒီးတၫ်ဒုးလီၤအီၤဃိၣ် ဖဲဘီကီာ် ယးမၣ်ဃိၣ်(၁)နံၣ်အဂ့ၫ် ကွီၫ်မ့ၣ်၀ဲၤဒၢးတဲ၀ဲလီၤ.
ဖဲလါယူၤအပူၤ ကီၫ်ကၠီၣ်တဲၣ်,ကသံၣ်ကီၣ်ကးန့ၣ် မံးစထၢၣ်ထဲးဆ့ၣ်အဃိၣ်တၫ်ကမၣ်န့ၣ် ဒုးထီၣ်၀ဲလၢတၫ်ဆါဟံၣ် အဃိ ကသံၣ်သရၣ်(၂)တၫ်ဒုးအိၣ်ဘှံးအီၤလၢတၫ်မၤဒီးအ၀ဲသ့ၣ်ခံဂၤန့ၣ် ထုးထီၣ်ဘိးဘၣ်ရၤလီၤ ဆူၣ်ချ့တၫ်ဂ့ၫ်တၫ် ကျိၤလၢကမၣ်တဖၣ်အဂ့ၫ် ဆၢတဲာ်၀ဲန့ၣ်လီၤ.လၢတၫ်ဆှၢခီ မံးစထၢၣ်ထဲးဆ့ၣ်ဆူတၫ်ဆါဟံၣ်အပူၤ တဖိးမံးလိာ်အသး ဒီးဆူၣ်ချ့တၫ်ဂ့ၫ်တၫ်ကျိၤတဖၣ်ဘၣ်အဃိ ဃိၣ်ကသံၣ်သရၣ်တဂၤ ဘၣ်တၫ်ဟ့ၣ်ပလီၫ်စ့ၫ်ကီးန့ၣ်လီၤ.
တၫ်ပာ်လီၤဃိၣ်တၫ်ကမၣ်၀ံၤအလီၫ်ခံ လၢပှၤတ၀ၢပှာ်ဘျးစဲအဖီခိၣ် မံးစထၢၣ်ထဲးဆ့ၣ်န့ၣ် တဲ၀ဲလၢတူၫ်လိာ်၀ဲ သဲးစး၀ဲၤဒၢးတၫ်ဆၢတဲာ်န့ၣ်လီၤ.
“တနံၤအံၤ တၫ်ဂ့ၫ်လၢအပူၤကွံာ်တဖၣ်ကဘၣ်လိာ်ဖိးဒ့ဒီးဃုထၢလၢကကွၫ်တၫ်ဆူတၫ်မဲာ်ညါလီၤ.ယနီၫ်ခိက့ၫ်ဂီၤ တၫ်သဘျ့မ့ၫ်တအိၣ်ဘၣ်ဆၣ်ထံကီၫ်ဒီးကလုာ်အဂီၫ်ဒု ဆိမိၣ်တၫ်လၢတၫ်သဘျ့အပူၤန့ၫ်ဒံးလီၤအဂ့ၫ်”တဲ၀ဲလီၤ.
လၢသဲစး၀ဲၤဒၢးအချၢ ထဲးဆ့ၣ်အဖိမုၣ် ကိတိာ်ခိၣ်ကျၢၫ်လီၫ်လံၤမံးစံးပ့ၣ်တီၣ်တၣ်ရှ့ၣ်နၣ်၀း တဲဘၣ်ပှၤဟံးန့ၫ်တၫ်က စီၣ်ဖိတဖၣ်လၢ “ယပၫ်ဒီးပဟံၣ်ဖိဃီဖိတဖၣ်န့ၣ် အသးဆူၣ်ဒံးအဖၢမုၫ်လီၤအဂ့ၫ်”တဲ၀ဲလီၤ.
ရှ့ၣ်န၀းဟံၣ်ဖိဃီဖိအဖွ့ၣ်ထဲပၣ်တံၣ်န့ၣ် ဒ်ကရၢလၢပြၢတၫ်တခါအသိး အ၀ဲသ့ၣ်အထံရူၫ်ကီၫ်သဲးမူဒါန့ၣ် ကမၤထွဲကဒီး၀ဲအဂ့ၫ်စ့ၫ်ကီးတဲ၀ဲလီၤ.
ကိတိာ်ခိၣ်ကျၢၫ်လီၫ်လံၤ မံးစံးပ့ၣ်တီၣ်တၣ်ရှ့ၣ်န၀းစ့ၫ်ကီး ဖဲအပူၤကွံာ်(၂)နွံတချူးတုၤန့ၣ် ဂ့ၫ်ခီၣ်ထံးထံကီၫ်သဲစး၀ဲၤဒၢး ထုးကွံာ်အီၤလၢလီၫ်လၤန့ၣ်လီၤ.တဲသကိးလီတဲစိဒီးကီၫ်ခဲၣ်ဘီဒံယါကိတိာ်ခိၣ်ကျၢၫ်လီၫ်လံၤန့ၣ် မ့ၫ်တၫ်မၤကမၣ် တၫ် ဘျၢအဂ့ၫ် သဲစး၀ဲၤဒၢးဆၢတဲာ်၀ဲလီၤ.
အပူၤကွံာ်(၂၅)နံၣ်အတီၫ်ပူၤ မံးစထၢၣ်ထဲးဆ့ၣ်န့ၣ် လၢကီၫ်ကၠီၣ်တဲာ်အပူၤ ဒုးအိၣ်ထီၣ်၀ဲ ထံရူၫ်ကီၫ်သဲးစၢၤသွဲၣ်လၢဖျိးစိ ၀ံၤမံၤဟူသၣ်ဖျါဒီးအ၀ဲအသိၣ်မှံၤခၢၣ်စးတဖၣ်န့ၣ် စးထီၣ်ဖဲ၂၀၀၁နံၣ် တၫ်ဃုထၢန့ၣ် ကယဲၫ်မ့ၫ်တၫ်ဃုထၢမၤနၢၤ၀ဲန့ၣ် လီၤ.
ဘၣ်ဆၣ် စၢၤသွဲၣ်၀ဲန့ၣ် လၢကတီၫ်ပှၤလၢတၫ်စိတၫ်ကမီၤအိၣ်တဖၣ် သးဟ့၀ဲဒီး ခီဖျိသုးဒီးသဲစး၀ဲၤဒၢးတၫ်မၤစၢၤအဖီ ခိၣ် ဘၣ်တၫ်ထုးလီၤတဲာ်ကွံာ်၀ဲတလီၫ်လီၫ်ဒီးရှ့ၣ်န၀းဟံၣ်ဖိဃီဖိအတၫ်ဒိၣ်စိတဖၣ် ပၢဆှၢဃာ်၀ဲလီၤ.
အဒ့မုၣ် မံးစံးယ့ၣ်လးန့ၣ် ထုးထီၣ်ကွံာ် မံးစထၢၣ်ထဲးဆ့ၣ်လၢသဲစး၀ဲၤဒၢးဒီးတုၤ၂၀၁၄နံၣ်သုးဟံးန့ၫ်တၫ်စိတၫ်ကမီၤ တီခိၣ်ရိၣ်မဲပဒိၣ်ဒီးမံးစထၢၣ်ထဲးစ့ၣ် အဒ့မုၣ်အ၀ၤစ့ၫ်ကီး ဖဲအ၀ဲတအိၣ်အကတီၫ် တီခိၣ်ရိၣ်မဲကီၫ်ကၠီၣ်တဲၣ်တစိၤတ လီၫ်ဒံးန့ၣ်လီၤ.
ကီၫ်ကၠီၣ်တဲၣ်အပူၤ ဟံၣ်ဖိဃီဖိ၀ဲန့ၣ်အတၫ်စိတၫ်ကမၤလီၤ၀ဲဒီးထံရူၫ်ကီၫ်သဲးဂ့ၫ်၀ီလၢအ၀ဲသ့ၣ်လုၫ်ဘၢ၀ဲန့ၫ်န့ၣ် အလီၫ်ခံကတၢၫ် အဂံၫ်အဘါလၢာ်ကွံာ်၀ဲသ့အဂ့ၫ် ပှၤဃုသ့ၣ်ညါတၫ်အါတက့ၫ် တယာ်ဃာ်၀ဲလီၤ.
ကၠီၣ်တဲၣ်ထံရူၫ်ကီၫ်သဲးန့ၣ် အိၣ်၀ဲဒၣ်လၢကျဲဘၢၣ်စၢၤအဖီခိၣ်န့ၣ်လီၤ.အပူၤကွံာ်အနံၣ်(၂၀)အတီၫ်ပူၤ ကီၫ်ကၠီၣ်တဲၣ်န့ၣ် ရှ့ၣ်လးဟံၣ်ဖိဃီဖိတဖၣ်,အစုတီၤဖီလာ်တဖၣ်(မ့တမ့ၫ်)သုး ပၢဆှၢ၀ဲန့ၣ်လီၤ.
အပူၤကွံာ် စှၤနွံအတီၫ်ပူၤ ရှ့ၣ်လးဟံၣ်ဖိဃီဖိနအ ဖွ့ၣ်ထဲပၣ်တံၣ်န့ၣ် ပဒိၣ်ထုးလီၤတဲာ်ကွံာ်အဃိ တၫ်အိၣ်သးတဖၣ် ဆီတလဲကွံာ်အသးလီၤ.
သဲးထ့ၣ်အပျဲၫ် ပှၤထံရူၫ်ကီၫ်သဲး မံးစထၢၣ်အနူးတ့ၣ်န့ၣ် တၫ်ပာ်အီၤလၢ မံးစံးပ့ၣ်တီၣ်တၣ်အလီၫ်အဂီၫ် ပၣ်လံၣ်မၣ် ဃုထၢထီၣ်အီၤ၀ံၤ လၢ(၂)နံၣ်အတီၫ်ပူၤ ကဲထီၣ်၀ဲကိတိာ်ခိၣ်ကျၢၫ်(၃)ဂၤတဂၤန့ၣ်လီၤ.
ပှၤလၢတီခိၣ်ရိၣ်မဲ ညါဖီကကဲထီၣ်ဖိးသဲစးအဂီၫ် ထံလီၫ်ကီၫ်ပူၤကိတိာ်ခိၣ်လီၫ်လံၤ မံးစထၢၣ်အနူးတ့ၣ်န့ၣ် ဒိးန့ၫ်တၫ် ပာ်ဂၢၫ်ပာ်ကျၢၤဖိးသဲစးလၢ ကၠီၣ်တဲၣ်စီၤပၤအိၣ်၀ံၤအလီၫ်ခံ ဖဲလါစဲးပထ့ဘၢၣ်(၁၄)သီန့ၣ် စးထီၣ်ဟံးန့ၫ်မူဒါ ဒ်ကၠီၣ်တဲၣ် ကိတိာ်ခိၣ်ကျၢ်အသိးန့ၣ်လီၤ.
