လါစဲးပထ့ဘၢၣ်(၁၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
၀ီၫ်ရ့ၣ်ကီၫ်ဆၣ်,၀့ၫ်တကူၣ်-ဒ၀ဲၫ်ပၠံၣ်တီၣ်စူးကျဲတကပၤ တၫ်ဒုးကဲထီၣ်အဂ့ၫ် ယ့ပလူအခိၣ်တဲ၀ဲလီၤ.
သုးကီၣ်ကးအသုးကျိၤဟဲထီၣ်အဃိ တၫ်ဒုးကဲထီၣ် ဖဲကန့ၣ်ကမီးဒီးမီးကန့ၣ်သ၀ီတကပၤအဂ့ၫ် တဲ၀ဲလီၤ.
“တုၤအပူၤကွံာ် (၂)နွဃၣ်ဃၣ်န့ၣ် ပပၢဆှၢန့ၫ်ဃာ် ၀့ၫ်တကူၣ်-ဒ၀ဲၫ်ကျဲခဲလၢာ်လီၤဘၣ်ဆၣ်အခဲအံၤဒု တၫ်အိၣ်သးအိၣ် ဒၣ် ၅၀,၅၀ လီၤ.တၫ်ဒုးဒုကဲထီၣ်အဖၢမုၫ်ဒံးလီၤအဂ့ၫ် ယ့ပလူအခိၣ်တဲ၀ဲလီၤ.
၀့ၫ်တကူၣ်-ဒ၀ဲၫ် ပၠံၣ်တီၣ်စူးကျဲမုၫ် နီၫ်ဂံၫ်(၈)ပၠံၣ်တီၣ်စူးကျဲ တၫ်ကက့ၤထီၣ်မၤန့ၫ်ကဒါက့ၤအဂီၫ် သုးခီၣ်မံးရှၢၣ်အသုးန့ၣ် လၢလါအီကူာ်ထီၣ်သီလံၤလံၤ သူ၀ဲဂံၫ်ဘါလၢအကထိဂၤဒီးဟဲထီၣ်ဒုးကျိၤလီၤ.
သုးခီၣ်မံးရှၢၣ်အသုးကျိၤတဖၣ်န့ၣ် မ့ၫ်၀ဲ ခမရ(၄၀၉),ခမရ(၄၀၈),ခမရ(၄၀၇),ခလရ(၂၈၂),ခလရ(၂၇၃) သုးရ့ၣ်ဒီးမီ ယး၀တံၣ်ထံသုး သုးဖိတဖၣ်ပာ်ဃုာ်အဂ့ၫ် တၫ်သ့ၣ်ညါဘၣ်လီၤ.
ဖဲလါအီကူာ်အကတၢၫ်တနွံန့ၣ် နီၫ်ဂံၫ်(၈)ပၠံၣ်တီၣ်စူးကျဲမုၫ်,ယ့ၣ်ဖၠူၣ်ကီၫ်ဆၣ်တၫ်ဒုးအပူၤ တၫ်စုက၀ဲၤတဖၣ်ပာ်ဃုာ် သုးခီၣ်မံးရှၢၣ်အသုးဖိတဖၣ် တၫ်ပၢၫ်ဆၢသုးဖီၣ်မူန့ၫ်၀ဲလီၤ.
“နီၫ်ဂံၫ်(၈)ပၠံၣ်တီၣ်စူးကျဲ(မီၣ်လမၠဲၣ်-၀ီၫ်ရ့ၣ်-ဒ၀ဲၫ်)န့ၣ် လၢ(၃)လါအတီၫ်ပူၤ ကပၢဆှၢ၀ဲတုၤလၢအန့ၫ်တၫ်ရဲၣ်တၫ်ကျဲၤအိၣ် ၀ဲအဂ့ၫ်”သုးကျိၤအတၫ်ပညိၣ်တဖၣ် ဒုးယၤ(၃၃)ဒုးယၤလီၤဆီခိၣ် စီၤဒါကိၣ်ဟ့ၣ်ဒုးသ့ၣ်ညါ၀ဲလီၤ.
သုးခီၣ်မံးရှၢၣ်အတၫ်ဟဲထီၣ်ဒုးဃီၤတဖၣ်အဃိ နီၫ်ဂံၫ်(၈)ပၠံၣ်ဒီၣ်စူးကျဲဖီခိၣ် သ၀ီ(၇)ဖျၢၣ် ပှၤလီၫ်က၀ီၤဖိ(၅,၀၀၀)ဂၤ ဘျဲၣ် ပှၤစံၣ်သုးဒီးဘၣ်သံဘၣ်ပှၫ်တကးဘၣ် ပှၤလၢသုးခီၣ်မံးရှၢၣ်အသုးက့ၤဖီၣ်၀ဲစ့ၫ်ကီးအိၣ်န့ၣ်လီၤ.
