လါအီကူာ်(၂၉)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ကၠီၣ်တဲၣ် Krungthaiစ့တၢးတကပၤ ကီၫ်ပယီၤပှၤမၤတၫ်ဖိတဖၣ် ဆှၢထီၣ်ဆှၢလီၤစ့လၢလီတဲစိသုတအိၣ်တဂ့ၤ အဂီၫ် စးထီၣ်မၤဃံးထီၣ်၀ဲအဂ့ၫ် တၫ်သ့ၣ်ညါဘၣ်လၢ ပှၤကီၫ်ပယီၤဖိလၢအိၣ်ဖဲကၠီၣ်တဲၣ်တဖၣ်န့ၣ်လီၤ.
ပှၤကီၫ်ပယီၤဖိလၢအိၣ်ဖဲကၠီၣ်တဲၣ်တဖၣ် စ့တၢးလၢအိးထီၣ်ဃာ်၀ဲခီဖျိလၢCIလံာ်တဖၣ် တြီဃာ်၀ဲလၢတၫ်ကဆှၢထီၣ် ဆှၢလီၤစ့လၢလီတဲစိဒီးစ့လၢအိၣ်လၢစ့တၢးစရီပူၤတဖၣ် တၫ်ထုးထီၣ်အီၤလၢ ATM(မ့တမ့ၫ်)စ့တၢးအလံာ်သ့၀ဲလီၤ.
“ဖဲမဟါနံၤ သါကဆှၢလီၤန့ၫ်ယမိၫ်စ့လၢလီတဲစီဒီးနုာ်လီၤကဒါက့ၤAccount တန့ၫ်ဘၣ်အဃိ လဲၤဆူ Krungthaiစ့ တၢးဒီးစ့တၢးပှၤမၤတၫ်ဖိတဲ၀ဲလၢ မ့ၫ်အိးထီၣ်ဃာ်လၢCIလံာ်န့ၣ်လၢလီတဲစိပူၤထုးထီၣ်စ့တန့ၫ်လၢၤဘၣ်.စ့လၢအိၣ် လၢစ့တၢးစရီအပူၤတဖၣ်ဒု လဲၤထုးထီၣ်လၢATMန့ၫ်၀ဲအဂ့ၫ်”ပှၤကီၫ်ပယီၤဖိလၢမၤတၫ်ဖဲ၀့ၫ်မဲဆီးတဂၤတဲ၀ဲလီၤ.
ထဲဒၣ်စ့တၢးလၢတၫ်အိးထီၣ်၀ဲခီဖျိ လံာ်တၫ်အုၣ်ကီၤCIတဖၣ်တၫ်တြီဃာ်၀ဲဒီးမ့မ့ၫ်စ့တၢး လၢတၫ်အိးထီၣ်ဃာ်၀ဲလၢ လံာ်ခီကီၫ်(Passport)တခီဟ့ၣ်ဒုးသူ၀ဲဒ်အပူၤကွံာ်အသိးန့ၣ်လီၤ.
