ကီၫ်ဆၣ်(၁၀၂)ဘ့ၣ်အပူၤ တၫ်ကမၤတၫ်ဃုထၢအကူာ်(၁)

လါအီကူာ်(၂၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ်

လါဒံၣ်စ့ဘၢၣ်(၂၈)သီအနံၤ တၫ်ဃုထၢအကူာ်(၁)လၢတၫ်ကမၤ၀ဲအံၤ တၫ်ကမၤ၀ဲလၢ ကီၫ်ခီဒီးကီၫ်ဆၣ်(၁၅)ခါအပူၤ ကီၫ်ဆၣ်ခဲလၢာ်ပာ်ဖှိၣ်(၁၀၂)ဘ့ၣ်အပူၤအဂ့ၫ် သုးခီၣ်မံးရှၢၣ်အစုတီၤဖီလာ် တၫ်ဃုထၢခီၣ်မံးရှၢၣ် ထုးထီၣ်ဘိးဘၣ် ရၤလီၤ၀ဲဖဲလါအီကူာ်(၂၁)သီအနံၤန့ၣ်လီၤ.

တၫ်ဃုထၢအကူာ်(၁)န့ၣ် ပာ်တ့ၫ်ကွံာ်၀ဲ၀့ၫ်လၢရၢၫ်ခၢၣ်သုးမုၫ်ဒိၣ်(AA)ထီၣ်ဒုးမၤန့ၫ်ဃာ်၀ဲတဖၣ်၀ံၤ ကမၤ၀ဲထဲကၠီးဖၠူၣ်,စံး တွ့ၣ်,မၣ်အီၣ်ကီၫ်ဆၣ်(၃)ဘ့ၣ်ဧိၤလီၤအဂ့ၫ် ဘိးဘၣ်ရၤလီၤ၀ဲဒီးလၢခၠီကီၫ်စဲၣ်တခီ တံတ့ၣ်,ဟါခါကီၫ်ဆၣ်(၂)ဘ့ၣ်,ကီၫ် ကရ့ၣ်နံၣ်တခီ လွဲၫ်ကီၫ်ဒီးဘီၣ်လခဲကီၫ်ဆၣ်(၂)ဘ့ၣ်,ကခၠ့ၣ်ကီၫ်စဲၣ်အပူၤ မၠံးကၠံနါဒီးမိည့,ပူၣ်တၣ်အိၣ် ကီၫ်ဆၣ်(၆)ဘ့ၣ် ဒီးမါတလ့ကီၫ်ခီအပူၤ ခၠါအ့သၣ်စၣ်,ပၠ့ၣ် အူလွ့ၣ်,ညီၣ်အူ,ကၠီးဆဲၣ်ကီၫ်ဆၣ်(၈)ဘ့ၣ်အပူၤ ကမၤတၫ်ဃုထၢအဂ့ၫ် ဘိးဘၣ်ရၤလီၤ၀ဲလီၤ.

ကညီကီၫ်စဲၣ်ပူၤန့ၣ်ကီၫ်ဆၣ်(၃)ဘ့ၣ်,စကဲကီၫ်ခီပူၤ ကီၫ်ဆၣ်(၁၂)ဘ့ၣ်,တနီသရံၣ်ကီၫ်ခီပူၤ ကီၫ်ဆၣ်(၄)ဘ့ၣ်,ပကိကီၫ်ခီ ပူၤ ကီၫ်ဆၣ်(၈)ဘ့ၣ်,မကွ့ကီၫ်ခီပူၤ ကီၫ်ဆၣ်(၉)ဘ့ၣ်,တလၢၤကီၫ်စဲၣ်ပူၤကီၫ်ဆၣ်(၅)ဘ့ၣ်,၀့ၫ်တကူၣ်ကီၫ်ခီ ပူၤကီၫ်ဆၣ် (၁၂)ဘ့ၣ်,ယိၤဒိၣ်ကီၫ်စဲၣ်ပူၤ ကီၫ်ဆၣ်(၁၂)ဘ့ၣ်,အ့ၣ်ယၣ်၀တံၣ်ကီၫ်ခီပူၤကီၫ်ဆၣ်(၈)ဘ့ၣ်ဒီးန့ၣ်ပၠံၣ်တီၣ်အပူၤ ကီၫ်ဆၣ် (၈)ဘ့ၣ် ကမၤတၫ်ဃုအဂ့ၫ် ဘိးဘၣ်ရၤလီၤဃာ်၀ဲလီၤ.

တၫ်န့ၣ်အဃိ သုးခီၣ်မံးရှၢၣ်န့ၣ် တၫ်ဃုထၢအကူာ်(၁)န့ၣ် ပာ်တ့ၫ်ကွံာ်၀ဲ တၫ်လီၫ်လၢကလုာ်ဒူၣ်ဖီၣ်စုက၀ဲၤကခၠ့ၣ်တၫ်သဘျ့သုးမုၫ်ဒိၣ်(KIA),ကလံၤစိးသိၣ်မှံၤဒီပုၫ်၀ဲၫ်(၃)ဖုဒီးဒီကလုာ်ဃူဖိးပဒိၣ်(NUG)အစုတီၤဖီလာ် တၫ်ပၢၫ်ဆၢသုးပာ်ဖှိၣ် တဖၣ်ထီၣ်ဒုးမၤန့ၫ်ဃာ်၀ဲတဖၣ်ဒီးရဲၣ်ကျဲၤ၀ဲလၢကမၤတၫ်ဃုထၢန့ၣ်လီၤ.