လါအီကူာ်(၂၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
အ့ၣ်ယၣ်၀တံၣ်ကီၫ်ခီ,ဒ့ဒယဲကီၫ်ဆၣ်အပူၤ သုးခီၣ်မံးရှၢၣ်အသုးန့ၣ် ပှၤလီၫ်က၀ီၤဖိ(၄)ဂၤအလီတဲစိအပူၤ ထံၣ်၀ဲVPN ဒီးဖီၣ်ဃာ်၀ဲအံၤ နီၫ်တဂၤဃ့၀ဲ(၅)ကလီၫ်၀ံၤပျၫ်က့ၤ၀ဲအဂ့ၫ် ပှၤလီၫ်က၀ီၤဖိတဖၣ်တဲ၀ဲလီၤ.
သုးခီၣ်မံးရှၢၣ်အသုးဒီးပၢၤကီၫ်တဖၣ်န့ၣ် ဖဲလါအီကူာ်(၁၄)သီအနံၤန့ၣ် သမံသမိးန့ၫ်ဆူၣ်လီၫ်က၀ီၤဖိတဖၣ်အလီတဲစိ ဒီးလီတဲစိအပူၤထံၣ်၀ဲVPNအဃိ ကမျၢၫ်ဘၣ်ဖီၣ်(၄)ဒီးဖဲလါအီကူာ်(၂၀)သီနံၤတခီ ပှၤ(၁)ဂၤလၢဘၣ်တၫ်ဖီၣ်အီၤန့ၣ် တၫ်ဃ့၀ဲ(၅)ကလီၫ်၀ံၤပျၫ်က့ၤ၀ဲန့ၣ်လီၤ.
ပှၤတဂၤလၢအိၣ်ဘူးဒီးပှၤလၢဘၣ်တၫ်ဖီၣ်တဖၣ်တဲ၀ဲလၢ”စ့(၅)ကလီၫ်န့ၣ် ဘၣ်ဟ့ၣ်၀ဲသုးဒီးပၢၤကီၫ်တဖၣ်န့ၣ်လီၤ.တ မၢသူVPNဒီးပျၫ်ကွံာ်၀ဲလီၤ.လၢခံတဘျီန့ၣ် ကဖီၣ်ဒုးလီၤပှၤလၢဃိၣ်ပူၤအဂ့ၫ်”တဲ၀ဲန့ၣ်လီၤ.
ပှၤလၢဘၣ်တၫ်ဖီၣ်ဃာ်၀ဲတဖၣ်န့ၣ် တၫ်ဖီၣ်စၢဃာ်အီၤဖဲသုးခီၣ်မံးရှၢၣ်အသုး ဒ့ဒယဲကီၫ်ဆၣ်ပၢကီၫ်သုးကလၢၤအပူၤဒီး တၫ်ကပျၫ်ကွံာ်အဂီၫ် လၢက၀ီၤဒ့/ဒူသ၀ီပၢပြးခိၣ်အအိၣ်တဆီ တၣ်ကဟ့ၣ်ဘၣ်စ့ဆူသုးဒီးပၢၤကီၫ်တဖၣ်အိၣ်အဂီၫ် ဃ့န့ၫ်၀ဲန့ၣ်လီၤ.
ပှၤဘူးဒီးသုးခီၣ်မံးရှၢၣ်တဂၤတဲ၀ဲလၢ”ဖဲတၫ်သမံသမိးလ့ၣ်ယီၫ်စဲးအကတီၫ် ဘၣ်တၫ်ဖီၣ်ဖဲဒ့ဒယဲ၀့ၫ်အနုာ်လီၤန့ၣ်လီၤ.မ့ တပညိၣ်သမံသမိးVPNဘၣ်ဆၣ်နာ်သက့ မ့ၫ်လီကီစ့န့ၣ် တီၣ်ထီၣ်တၫ်ဂ့ၫ်ဒီးဃ့အီၣ်စ့အဂ့ၫ်”န့ၣ်လီၤ.
ဒ့ဒယဲကီၫ်ဆၣ်အပူၤ သုးခီၣ်မံးရှၢၣ်အသုးဒီးပၢၤကီၫ်တဖၣ် စးထီၣ်ဖဲလါအီကူာ်(၁)သီန့ၣ် ၀့ၫ်အနုာ်လီၤဟးထီၣ်တၫ်လီၫ် တဖၣ်အပူၤ သမံသမိး၀ဲလ့ၫ်ယီၫ်စဲးဒီးသိလ့ၣ်တဖၣ် ဃံးဃံးဒီး လီတဲစိအပူၤ မ့ၫ်ထံၣ်န့ၫ်VPNလံန့ၣ်ဒီးဖီၣ်၀ဲအဂ့ၫ် တၫ် သ့ၣ်ညါဘၣ်လၢပှၤအိၣ်ဘူးဒီးသုးခီၣ်မံးရှၢၣ်အအိၣ်န့ၣ်လီၤ.
