လါအီကူာ်(၁၈)သီ,၂၀၂၅နံၣ်,အၣ်ထူခ့ၣ်တၢ်ကစီၣ်
ရၢၫ်ခၢၣ်ကီၫ်စဲၣ်,ကၠီးဖၠူၣ်ကီၫ်ဆၣ်ပူၤ တၫ်လီၫ်တစှၤန့ၫ်(၇)တီၤအပူၤ သုးခီၣ်မံးရှၢၣ်အသုးဒီးရၢၫ်ခၢၣ်သုးမုၫ်ဒိၣ်(AA)အဘၢၣ်စၢၤ တၫ်ဒုးကဲထီၣ်၀ဲလီၤ.
ဖဲလါအီကူာ်(၁၇)သီအနံၤန့ၣ် ကၠီးဖၠူၣ်အပူၤ လ့းခမီၣ်သ၀ီသီ,ပၠ့ၣ်ရှ့ၣ်,နါဖဲတီၣ်,မ့တးတီၣ်,ပၠါတဲ,သပၠူးတီၣ်, ကးသ ပၠ့ၣ်,ရှီးခၠီဒီးစံၣ်မီၣ်တၫ်လီၫ်တဖၣ်အပူၤ တၫ်ဒုးဆူၣ်၀ဲအဂ့ၫ် တၫ်သ့ၣ်ညါဘၣ်လၢလီၫ်က၀ီၤဂ့ၫ်ခီၣ်ထံးတၫ်ကစီၣ်အအိၣ် န့ၣ်လီၤ.
“သူဂံၫ်ဘါအါအါဂီၫ်ဂီၫ်ဒီးသုးခီၣ်မံးရှၢၣ်ဟဲထီၣ်သုးကျိၤလီၤ.အိၣ်လံ(၁)နွံဘျဲၣ်လံ.AAတခီတဂုၤအခံဘၣ်အမဲာ်ညါ ခီၣ်ဆၢဒုး၀ဲအဂ့ၫ်”ရၢၫ်ခၢၣ်သုးဂ့ၫ်၀ီဂ့ၫ်ခီၣ်ထံးတၫ်ကစီၣ်တဲ၀ဲလီၤ.
သုးခီၣ်မံးရှၢၣ်အသုးန့ၣ် ဟဲထီၣ်ဒီးဂံၫ်ဘါအါအါဂီၫ်ဂီၫ်လၢAAအိၣ်အလီၫ်အဃိ တၫ်ဒုးကဲထီၣ်၀ဲအဂ့ၫ်န့ၣ်လီၤ.
အပူၤကွံာ်စှၤသီအတီၫ်ပူၤန့ၣ် သုးခီၣ်မံးရှၢၣ်အသုးတဖၣ် ဟဲနုာ်လီၤဆူ လ့းခမီၣ်သ၀ီသီဒီးလ့းခမီၣ်သ၀ီလီၫ်လံၤအပူၤ လၢဂံၫ်ဘါအါအါဂီၫ်ဂီၫ်ဒီးဒွဲၣ်အူကွံာ်ဒူသ၀ီန့ၣ်လီၤ.
ဒူသ၀ီလၢတၫ်ဒွဲၣ်အူကွံာ်၀ဲတဖၣ်န့ၣ် မ့ၫ်သ၀ီတဖၣ်လၢAAဘၣ်ဂုၤက့ၤအခံဒီးသုးခီၣ်မံးရှၢၣ်အသုးဟဲနုာ်လီၤအကတီၫ် မၤဟးဂုၤဟးဂီၤတၫ်အဂ့ၫ် တၫ်သ့ၣ်ညါဘၣ်လီၤ.
ရၢၫ်ခၢၣ်သုးမုၫ်ဒိၣ်(AA)န့ၣ် စးထီၣ်ဖဲလါအီကူာ်(၁၇)သီအနံၤ,ဂီၤအကတီၫ်န့ၣ် ခီၣ်ဆၢဒုးက့ၤတၫ်အဃိ ခံကပၤတၫ်ဒုး ဆူၣ်ထီၣ်၀ဲအဂ့ၫ် တၫ်သ့ၣ်ညါဘၣ်လီၤ.
Ref: AT
