လါအီကူာ်(၁၈)သီ,၂၀၂၅နံၣ်,အၣ်ထူခ့ၣ်တၢ်ကစီၣ်
ကညီကီၫ်စဲၣ်,ကီးတရံး-ရၤမတံအ့ရှၢၣ်ကျဲမုၫ် တၫ်ကပၢဆှၢက့ၤလၢအဆိအချ့အဂီၫ် ဖဲလါအီကူာ်(၁၄)သီအနံၤန့ၣ် သုးခီၣ်မံးရှၢၣ်အသုးန့ၣ် ဟဲထီၣ်ဒီးသုးကျိၤ(၆)ကျိၤဃုာ်ဒီးဂံၫ်ဘါ ၂,၀၀၀၀ဂၤအဂ့ၫ် တၫ်သ့ၣ်ညါဘၣ်လၢတၫ်ပၢၫ်ဆၢ ဂ့ၫ်ခီၣ်ထံးတၫ်ကစီၣ်အအိၣ်န့ၣ်လီၤ.
“ရဲၣ်ကျဲၤ၀ဲလၢကထီၣ်၀ဲတုၤဆူ အ့ရှၢၣ်ကျဲ,ညံၣ်နီၣ်-ရၤမတံအိၣ်၀ဲလီၤ.ဟဲထီၣ်၀ဲလံအဂ့ၫ် တၫ်သ့ၣ်ညါဘၣ်လီၤ.သုး ကျိၤ(၆)ကျိၤ,ဒုးယၤ(၂)ခါဒီးဂံၫ်ဘါအိၣ်(၂,၀၀၀)ဂၤအဂ့ၫ်”လီၫ်က၀ီၤဂ့ၫ်ခီၣ်ထံးတၫ်ကစီၣ်တဲ၀ဲလီၤ.
ကီးတရံး-ရၤမတံ တီနီၣ်ကစၢၫ်ဒီတကျိၤ လါအီကူာ်အပူၤ ကဒုးန့ၫ်က့ၤ၀ဲတုၤလၢအ၀ံၤအဂီၫ် သုးခီၣ်မံးရှၢၣ်အသုး တကပၤထုးထီၣ်ဃာ်တၫ်ကလုၫ်အဂ့ၫ် အ၀ဲတဲ၀ဲလီၤ.
သုးခီၣ်မံးရှၢၣ်အသုးတကပၤ ကျဲလီၫ်လံၤမ့ၫ်ဂ့ၤ,သူဃုာ်ကျဲသီဒီးဟဲထီၣ်သုးကျိၤအဂ့ၫ် အ၀ဲတဲ၀ဲလီၤ.
ဖဲလါအီကူာ်(၁၄)သီနံၤ မုၫ်ဃ့ၫ်လီၤအကတီၫ် လၢဖၣ်အၣ် သုးခီၣ်မံးရှၢၣ်အသုး လိလ့ၣ်(၆)ပၣ်(၄)ခိၣ် တီၣ်ဃုာ်သုးဖိဂံၫ် ဘါ(၃၀)ဂၤဃၣ်ဃၣ်၀ံၤ လဲၤဆှၢ၀ဲဆူကြူၫ်တုအဂ့ၫ် တၫ်ဒိးန့ၫ်တၫ်ကစီၣ်လီၤ.
ကီးတရံး,ယသ့းတီၣ် ဟီၣ်ခိၣ်လိၤတၫ်ထီၣ်ဒုးဃီၤတၫ်အပူၤ သုးကီၣ်ကးတကပၤ ဟဲတ့ၫ်လီၤမ့ၣ်ပိၫ်လၢကဘီယူၤ တကးဘၣ် တၫ်ဟးဆှၣ်တရံးတၫ်အဂီၫ် သူစ့ၫ်ကီး စကီးဒြိတဖၣ်၀ံၤ ဟ့ၣ်တၫ်ခးပနီၣ်ဆူကျိဖးဒိၣ်အိၣ်ဒီးတၫ်ခး လီၤကျိဖးဒိၣ်အဂ့ၫ် ဂ့ၫ်ခီၣ်ထံးတၫ်ကစီၣ်၀ဲန့ၣ်တဲ၀ဲလီၤ.
သုးခီၣ်မံးရှၢၣ်အသုးကျိၤထီၣ်လၢတၫ်မဲာ်ညါကန့ၫ်အဂီၫ် လၢကြုၫ်တုတကပၤခးစၢၤ၀ဲကျိဖးဒိၣ်ဒီး မၤဃုာ်ဒြိဒုးယၤ တဖၣ်န့ၣ်လီၤ.
ကီးတရံးဒီးအဆၢခိၣ်တၫ်လီၫ်တဖၣ်အပူၤ သုးခီၣ်မံးရှၢၣ်အသုးဒီးတၫ်ပၢၫ်ဆၢသုးပာ်ဖှိၣ်တဖၣ်အဘၢၣ်စၢၤ တၫ်ဒုးကဲ ထီၣ်၀ဲန့ၣ်လီၤ.
Ref: Salween Press
