လါအီကူာ်(၁၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
လါစဲးပထ့ဘၢၣ်လၢကဟဲအပူၤ အီးစထြ့လံယါန့ၣ် ကပာ်ပနီၣ်ပၣ်လဲးစတဲ ဒ်ထံကီၫ်အသိး လၢဖိးသဲစးအိၣ်၀ဲအဂ့ၫ် ကိတိာ်ခိၣ်ကျၢၫ် အၣ်တိၣ်နံၣ် အဲၣ်ဘၣ်နံၣ်(Anthony Albanese)တဲပာ်ဂၢၫ်ပာ်ကျၢၤ၀ဲ ဖဲလါအီကူာ်(၁၁)သီအနံၤန့ၣ် လီၤ.
တၫ်န့ၣ်အဃိ လၢတယံာ်ဘၣ်တၫ်ကမၤ၀ဲ ဘီမုၫ်စၢဖှၣ်ကရၢတၫ်အိၣ်ဖှိၣ်အပူၤ လၢတၫ်ပာ်ပနီၣ်န့ၫ် ပၣ်လဲးစတဲဒ်ထံကီၫ် လၢဖိးသဲစးအသိးအပူၤ အဲကလံး,ဖြၣ်စ့ၣ်,ခဲနဒၣ်ဒီးအီးစထြလံယါစ့ၫ်ကီး ပာ်ဃုာ်၀ဲလီၤ.
တၫ်အံၤ မ့ၫ်လၢဒိးန့ၫ်ဃာ်တၫ်အၢၣ်လီၤလၢပၣ်လဲးစတဲပဒိၣ်ကရၢ(PA) လၢပၢဆှၢမၤန့ၣ်ဃာ်တၫ်လီၫ်တနီၤ လၢအံၣ်စရ့ ပၢဆှၢဃာ် မုၫ်နုာ်တကပၤအဂ့ၫ် တဲ၀ဲလီၤ.
တၫ်အံၤအကျါ သုးဂ့ၫ်၀ီတၫ်ဟူးတၫ်ဂဲၤတဘၣ်အိၣ်လၢၤဘၣ်,တၫ်ကမၤန့ၫ်တၫ်ဃုထၢဒီးအံၣ်စရ့အတၫ်အိၣ်သူၣ်လီၤ သးအဖီခိၣ် တၫ်ကဘၣ်ပာ်ပနီၣ်န့ၫ်ကဒီးတၫ်ဂ့ၫ်တဖၣ်ပာ်ဃုာ်၀ဲလီၤ.
အလီၫ်ခံ”မုၫ်ထီၣ်တၫ်ခၢၣ်သးဟီၣ်က၀ီၤအပူၤ တၫ်မၤအၢမၤသီမၤသံမၤ၀ီတဖၣ်ကပတုာ်ကွံာ်ဒီးကၣ်စၣ် တၫ်သဘံၣ်သ ဘုၣ်,တၫ်ဖီၣ်တၫ်ယာ်ဒီးတၫ်သး၀ံၣ်လီၤဒိတဖၣ် တၫ်ကပတုာ်ကွံာ်အဂီၫ်န့ၣ် တၫ်ဘှါဆှဲအီၤလၢထံကီၫ်ခံဘ့ၣ်အိၣ်သဃဲၤ ဃုာ်န့ၣ် မ့ၫ်ပှၤဟီၣ်ခိၣ်ဖိစၢၤသွဲၣ်အတၫ်မုၫ်လၫ်လၢအဂ့ၤကတၢၫ်လီၤအဂ့ၫ်”Albanese တဲ၀ဲလီၤ.
တၫ်ကပတုာ်ကွံာ်တၫ်ဒုးအဂီၫ် အံၣ်စရ့လၢကွၫ်ဆၢၣ်မဲာ်ဘၣ် ထံဂုၤကီၫ်ဂၤအတၫ်ဆီၣ်သနံးအံၤတခီ တၫ်ပာ်ပနီၣ်ပၣ်လဲး စတဲဒ်ထံကီၫ်အသိးန့ၣ်”မ့ၫ်တၫ်ဟ့ၣ်ဂံၫ်ဟ့ၣ်ဘါဆီၣ်တခူထီၣ် တၫ်မၤအၢမၤသီသနူလီၤအဂ့ၫ်”တဲခီၣ်ဆၢက့ၤ၀ဲလီၤ.
ပၣ်လဲးစတဲပဒိၣ်ကရၢအကီၫ်ခိၣ် မၣ်မိးအၣ်ဘးစ့ၫ်ကီး ခါဆူညါတၫ်သူၣ်ထီၣ်ထံကီၫ်အပူၤ တမ့ၫ်လၢကဒုးပာ်ဃုာ် ဟါမးဘၣ်အဂ့ၫ် တဲဃာ်၀ဲလီၤ.
အံၣ်စရ့အသိၣ်မှံၤခိၣ်ကျၢၫ်လၢအမ့ၫ် အမဲရကၤတခီ တၫ်ကပာ်ပနီၣ်န့ၫ် ပၣ်လဲးစတဲဒ်ထံကီၫ်အသိးအဂီၫ် တၫ်ရဲၣ် တၫ်ကျဲၤတအိၣ်အသိး ဖဲန့ၣ်တအိၣ်ဒီးပဒိၣ်လၢလဲၤတရံးသးန့ၫ်ဂ့ၤဂ့ၤဘၣ်ဘၣ်အဂ့ၫ် ကီၫ်ခိၣ်ခံ ကၠ့ၣ်ဒံၣ်ဘးတဲ၀ဲလီၤ.
တကးဘၣ်,စပ့ၣ်,အဲၣ်ယၣ်လၣ်ဒီးနီၣ်၀့ထံကီၫ်တဖၣ်စ့ၫ်ကီး ဖဲအပူၤကွံာ်နံၣ်န့ၣ် ပာ်ပနီၣ်န့ၫ်ပၣ်လဲးစတဲဒ်ထံကီၫ်အသိးဒံး န့ၣ်လီၤ.
တုၤလၢကတီၫ်အံၤဒု ဘီမုၫ်စၢဖှိၣ်ကရၢထံကီၫ် ၁၉၃ ဘ့ၣ်အကျါ ထံကီၫ်၁၄၇ဘ့ၣ်န့ၣ် ပာ်ပနီၣ်န့ၫ်ဃာ် ပၣ်လဲးစတဲထံကီၫ်၀ံၤလံန့ၣ်လီၤ.
တၫ်န့ၣ်အဃိ ပၣ်လဲးစတဲန့ၣ် “မ့ၫ်ထံကီၫ်တဘ့ၣ်လၢထီၣ်ဒိကနၣ်တၫ်သ့ထီဘိ”အသိးဒီးလၢဘီမုၫ်စၢဖှိၣ်ကရၢ တၫ်အိၣ်ဖှိၣ်အပူၤ တၢၣ်ပီၣ်တဲသကိးတၫ်န့ၫ်၀ဲဘၣ်ဆၣ် ဟ့ၣ်တၫ်ဖးဒုအခွဲးအန့ၫ်ဒံးဘၣ်န့ၣ်လီၤ.
Ref: DVB
