လါအီကူာ်(၁၂)သီ,၂၀၂၅နံၣ်,အၣ်ထူခ့ၣ်တၢ်ကစီၣ်
သုးခီမံးရှၢၣ်လၢဟံးန့ၫ်ဆူၣ်ထံကီၫ်တၫ်စိတၫ်ကမီၤအံၤ သုးဂ့ၫ်၀ီတကပၤ ဘၣ်ဃၣ်ကွံာ်အသးတုၤလၢ၀ံၫ်ထီၣ်က့ၤအခိၣ် တန့ၫ်လၢၤဘၣ်ဒီးပညိၣ်ဒုးဃီၤ၀ဲ ရၢၫ်ခၢၣ်ထံဖိကီၫ်ဖိကမျၢၫ်၀ံၤ ဖီၣ်မၤသံကွံာ်၀ဲဒီးအတၫ်ဒုးဃီၤတဖၣ်အဃိ ကမျၢၫ် ၉၀၀ဂၤဘျဲၣ်ဘၣ်သံ၀ဲဒီး၂၀၀၀ဂၤဃၣ်ဃၣ် ဘၣ်ဒိဘၣ်ထံး၀ဲအဂ့ၫ် ရၢၫ်ခၢၣ်သုးမုၫ်ဒိၣ်(AA)ပှၤတဲတၫ်ပၢ အူခဲၣ်သူးခးန့ၣ် တဲလီၤ၀ဲ ဖဲလါအီကူာ်(၁၁)သီအနံၤ ဖဲတၫ်မၤ၀ဲတၫ်ပာ်ဖျါတၫ်ကစီၣ်တၫ်ဂ့ၫ်တၫ်ကျိၤအကတီၫ်န့ၣ်လီၤ.
သုးခီမံးရှၢၣ်အသုးန့ၣ် ၀့ၫ်လၢပၢဆှၢ၀ဲတန့ၫ်လၢလၢပှဲၤပှဲၤလၢအမ့ၫ် စံးတွ့ၣ်,ကၠီးဖၠူၣ်ပာ်ဃုာ် ကီၫ်ဆၣ်(၃)ဘ့ၣ်အပူၤ ကမျၢၫ်လၢတၫ်ကမၣ်တအိၣ်တဖၣ် မၤဆူးမၤဆါဖီၣ်မၤသံ၀ဲအသိး,၀့ၫ်ဒီးဒူသ၀ီတဖၣ်လၢရၢၫ်ခၢၣ်သုးမုၫ်ဒိၣ်ထီၣ်ဒုး မၤန့ၫ်၀ဲတဖၣ် လၢတၫ်ပညိၣ်အိၣ်အပူၤ ဒုးဃီၤ၀ဲလၢကလံၤကျါ,ထံကျါဒီးမၤကမၣ်သုးကွီၫ်မ့ၣ်တၫ်မၤကမၣ်ကိးမုၫ်နံၤ ဒဲးအဂ့ၫ် အူခဲၣ်သူးခးတဲ၀ဲလီၤ.
ဟီၣ်ခိၣ်လိၤတၫ်မၤနီၣ်တဖၣ်အဖီခိၣ် သုးကီၣ်ကးသုးအဃိ ကမျၢၣ် ၉၂၆ဂၤ ဘၣ်သံဒီး ၁၉၅၄ ဘၣ်ဒိဘၣ်ထံး၀ံၤ ပှၤဘၣ်တၫ်ဖီၣ်ဃာ်အိၣ်၀ဲ ၉၄၇ဂၤအဂ့ၫ် အူခဲၣ်သူးခးတဲ၀ဲလီၤ.
“အါန့ၫ်ဒံးတၫ်၀ဲအံၤသ့အဂ့ၫ်”စ့ၫ်ကီး အူခဲၣ်သူးခးအါထီၣ်၀ဲလီၤ.
သုးခီမံးရှၢၣ်အသုးအကလံၤကျါ,ကျိဖးဒိၣ်,တၫ်ဒွဲၣ်အူအီၣ်ကွံာ်တဖၣ်အဃိ ကမျၢၫ်အိၣ်ဟံၣ်ဃီ ၁၀,၅၀၂ဖျၢၣ်,တၫ်ဘူၣ်တၫ်ဘါ တၫ်သူၣ်ထီၣ် ၉၀ဖျၢၣ်,တၫ်သိၣ်လိကၠိ ၄၅ဖျၢၣ်,တၫ်ဆါဟံၣ်ဒီးတၫ်စ့ၣ်ကသံၣ်ဒၢး ၁၂ခါ,တိၤ ၁၂ခါ, UN/INGO/ NGO ပာ်ဃုာ် တၫ်သူၣ်ထီၣ် ၁၁,၀၀၀ဘျဲၣ် ဘၣ်ဟးဂီၤကွံာ်၀ံၤ AAတကပၤဒ်ဂံၫ်ဘါအိၣ်အသိး သူၣ်ထီၣ်န့ၫ်က့ၤ၀ဲအဂ့ၫ် တဲ ၀ဲလီၤ.
ပှၤရၢၫ်ခၢၣ်ကမျၢၫ်ဖိတဖၣ်န့ၣ် တူၫ်ဘၣ်သုးမၤဘၣ်ဒိဘၣ်ထံး,န့ဆၢၣ်တၫ်မၤဘၣ်ဒိဘၣ်ထံးတဖၣ် အဆူၣ်ကတၢၫ်အဂ့ၫ် တဲ၀ဲလီၤ.သုးကီၣ်ကးပညိၣ်ဒုးဃီၤတၫ်လၢတၫ်ပညိၣ်အိၣ်အပူၤအဃိ တၫ်ဘၣ်ဃ့ၫ်ပူၤဖျဲးကွံာ်သးအသိး,န့ဆၢၣ်တၫ်မၤဘၣ်ဒိဘၣ်ထံးတဖၣ်အဃိ ကမျၢၫ်လၢဘၣ်ပာ်တ့ၫ်ဟံၣ်ဃီအိၣ်၀ဲအါမးအဂ့ၫ် အူခဲၣ်သူးခးတဲ၀ဲလီၤ.
တၫ်မၤနီၣ်တဖၣ်အဖီခိၣ် လၢတၫ်မၤဘၣ်ဒိဘၣ်ထံးကိးကလုာ်ဒဲးအဃိ ပှၤဘၣ်ပာ်တ့ၫ်ကွံာ်တၫ်အိၣ်ဆိးလီၫ်အိၣ်လံ ကမျၢၫ်(၆)ကလီၫ်ဘျဲၣ်၀ံၤ ပှၤစံၣ်သုးအဟံၣ်ဖိဃီဖိဒီးဟံၣ်ဖိဃီဖိလၢတူၫ်ဘၣ်ထံတၫ်မၤဘၣ်ဒိဘၣ်ထံးတဖၣ်ပာ်ဃုာ် အဂ့ၫ် ဟ့ၣ်ဒုးသ့ၣ်ညါ၀ဲလီၤ.
ဘီမုၫ်စၢဖှိၣ်ကရၢ,ထံဂုၤကီၫ်ဂၤဒီးကီၫ်ပူၤတၫ်ကရၢကရိအတၫ်မၤစၢၤတဖၣ် သုးခီမံးရှၢၣ်ကးတံာ်ကွံာ်အဃိ ပှၤဘၣ်ကီ ဘၣ်ခဲဖိတဖၣ် တဒိးန့ၫ်ဘၣ်တၫ်ဆီၣ်ထွဲမၤစၢၤတုၤလီၤတီၤလီၤန့ၣ်ဘၣ်.
“ထံဂုၤကီၫ်ဂၤဒီးကီၫ်ချၢကရၢဆီၣ်ထွဲမၤစၢၤတၫ်တဖၣ်တကပၤ ကပာ်ဖှိၣ်မၤသကိးဘၣ်တၫ်ဒီးရၢၫ်ခၢၣ်ဒီကလုာ်ကရၢ ခိၣ်ကျၢၫ် ကရၢကရိဃာ် ပှၤတ၀ၢတၫ်မၤစၢၤဒီးတၫ်တၢၫ်ပီၣ်မၤသကိး၀ဲၤဒၢး(HTCO)၀ံၤ ပှၤတ၀ၢတၫ်မၤစၢၤတၫ်ဖံး တၫ်မၤတဖၣ် တၫ်ကြၢးမၤ၀ဲတုၤထီၣ်ထီၣ်ဘးဒိၣ်န့ၫ်ဒံးအလီၫ်န့ၣ် တဲဆီၣ်တခူထီၣ်၀ဲအဂ့ၫ်”အူခဲၣ်သူးခးတဲ၀ဲလီၤ.
Ref: PS
