လါအီကူာ်(၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
အ့ၣ်ယၣ်၀တံၣ်ကီၫ်ခီ,လ့မၠဲးနၣ်ကီၫ်ဆၣ် စဲးစဲးယိၣ်သ၀ီန့ၣ် သုးခီမံးရှၢၣ်အသုးဘၣ်ပျၫ်ကွံာ်၀ဲဒီးတၫ်ပၢၫ်ဆၢသုးပာ်ဖှိၣ် တဖၣ်ပၢဆှၢဃာ်၀ဲအဂ့ၫ် တၫ်သ့ၣ်ညါဘၣ်လီၤ.
အပူၤကွံာ် လါအီကူာ်(၅)သီအနံၤန့ၣ် သုးခီၣ်မံးရှၢၣ်အသုးဒီးတၫ်ပၢၫ်ဆၢသုးပာ်ဖှိၣ်တဖၣ်အဘၢၣ်စၢၤ တၫ်ဒုးကဲထီၣ်ဆူၣ်ဆူၣ်ကလဲာ်ဒီးသုးခီမံးရှၢၣ်ကျိဖးဒိၣ်သုး ခးစၢၤကျိဖးဒိၣ်တဖၣ်အဂ့ၫ် တၫ်သ့ၣ်ညါဘၣ်လီၤ.
“တၫ်ပၢၫ်ဆၢသုးဖိတဖၣ် ပၢဆှၢဃာ်စဲးစဲးယိၣ်သ၀ီဒီတဖျၢၣ်လံအဂ့ၫ် သ့ၣ်ညါဘၣ်လီၤ.ကျိဖးဒိၣ်သုးတခီ ခးလီၤနါစိၤတၫ်ကိးမုၫ်နံၤဒံးလီၤအဂ့ၫ်”ပှၤ၀့ၫ်လ့မၠဲးနၣ်ဖိတဂၤတဲ၀ဲလီၤ.
တၫ်ဒုးအပူၤ သုးခီမံးရှၢၣ်အသုးဖိ(၄၀)ဂၤဃၣ်ဃၣ် ဘၣ်သံ၀ဲဒီးလၢစဲးစဲးယိၣ် ကစၢၫ်ဖီခိၣ်ကၠိ, ဃိၣ်အဖီလာ် ခူၣ်တၫ်ပူၤဟံးန့ၫ်ဃာ်အလီၫ်တဖၣ် ဟီၣ်ခိၣ်လာ်ဒီးဘၣ်သံအနီၫ်ဂံၫ်နီၫ်ဒွးတဖၣ်တခီ တၫ်ဖၢနုာ်ဂံၫ်ဃုာ်၀ဲတအိၣ်ဘၣ်အဂ့ၫ် တၫ် သ့ၣ်ညါဘၣ်လၢCDMသုးခိၣ်စိ စ့ၣ်ယီၣ်အိၣ်န့ၣ်လီၤ.
တၫ်ပၢၫ်ဆၢသုးဖိတဖၣ် မၤန့ၫ်စ့ၫ်ကီး၀ဲ သုးခီၣ်မံးရှၢၣ် အကျိစုဘျၢ(၂)ခိၣ်,RPG(၁)ခိၣ်ဒီးကျိအကလုာ်ကလုာ်(၄၀) ဃၣ်ဃၣ်န့ၣ်လီၤ.
ဖဲလါအီကူာ်(၆)သီအနံၤဒီး(၇)သီအနံၤတဖၣ် ယ့ၣ်ကၠံၣ်ကျိဖးဒိၣ်သုး ခးလီၤတၫ်လၢစဲးစဲးယိၣ်သ၀ီအခိၣ်အဃၢၤဒီးကျိချံတဖၣ်န့ၣ် လဲၤလီၤတဲာ်ပိၫ်ဖး၀ဲဆူဒူသ၀ီလၢတၫ်ဒုးတကဲထီၣ်အလီၫ်တဖၣ်အပူၤအဃိ တၫ်ဘၣ်ဒိဘၣ်ထံးတဖၣ်အိၣ် ထီၣ်၀ဲန့ၣ်လီၤ.
ယ့ၣ်ကၠ့ၣ်ဒီးလ့မၠဲးနၣ်အဆၢ သယဲးပ့ၣ်ကၠံစူးယွၣ်အပူၤ တၫ်ဒုးကဲထီၣ်ဒီးသုးခီမံးရှၢၣ်အသုး ဒုးတ့ၫ်လီၤမ့ၣ်ပိၫ်လၢကလံၤကျါအဃိ သ၀ီဟးဂီၤဒီတဖျၢၣ်ဒီးဟံၣ်အိၣ်တ့ၫ်ဒၣ်ထဲ ဆံဆဲၣ်ဖျၢၣ်လီၤအဂ့ၫ်တၫ်သ့ၣ်ညါဘၣ်လီၤ.
Ref: AT
