လါအီကူာ်(၈)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
(KNU)ကညီဒီကလုာ်စၢဖှိၣ်ကရၢ,ကီၫ်သူလ့ၤတၫ်ပၢဟီၣ်က၀ီၤ,ပကိကီၫ်ခီ, ကီၫ်ရ့ၣ်ချၢၣ်လွံၫ်ထူၣ်,လၢၫ်ဒိၣ်,ဆီထံး,ဒီး ကီၫ်ဆၣ်မူတဖၣ်အပူၤ စးထီၣ်ဖဲလါယူၤလံ(၂၃)အနံၤတုၤလါအီကူာ်(၆)သီတၫ်စူၤဒီးထံဒိၣ်အဃိ သ၀ီ(၁၇၇)သ၀ီ ထံလုၫ်ဘၢကွံာ်ဒီးစံာ်အ့ကၢၫ်(၃၄,၂၅၀)ဘျဲၣ် ထံဘၢကွံာ်န့ၣ်လီၤ.
မူခိၣ်စူၤထံဒိၣ်အဃိ လီၫ်က၀ီၤကမျၢၫ်(၁)ကလီၫ်ဂၤဃၣ်ဃၣ် ကွၫ်ဆၢၣ်မဲာ်ဘၣ်ထံတၫ်ဂ့ၫ်ကီဒီးဟံၣ်(၂၅)ဟးဂီၤဒီးကၠိ (၅၅)ဖျၢၣ်စ့ၫ်ကီး ဘၣ်တၫ်ကးတံာ်ဃာ်၀ဲန့ၣ်လီၤ.
ပှၤလၢဟံၣ်ဃီဟးဂီၤတဖၣ် ဘၣ်လဲၤအိၣ်ကဒုလၢကၠိတဖၣ်အပူၤဒီးပှၤလၢသ့ၣ်ညါသ့ၣ်ခီး၀ဲတဖၣ်အအိၣ်အသိး ဟံၣ်ဃီလၢပှၤတအိၣ်တဖၣ်အပူၤစ့ၫ်ကီး လဲၤအိၣ်ကဒု၀ဲလီၤ.ထံဒိၣ်အဃိ တၫ်အိၣ်ဆိးအီၣ်အီအဂီၫ်ဒု တၫ်ကီတၫ်ခဲအိၣ်လီၤ.
လၢၫ်ဒိၣ်ပှၤလီၫ်က၀ီၤဖိတဂၤတဲ၀ဲလၢ”အခဲအံၤန့ၣ် လၢဖဲအံၤထံဒိၣ်၀ဲလီၤ.တၫ်အီၣ်တၫ်အီဒုဃံးထီၣ်တစဲးလီၤ.အီၣ်အီအဂီၫ် တဘၣ်လိာ်ဘၣ်စးကဲၣ်စိးဘၣ်.ထံရူၫ်ကီၫ်သဲးစ့ၫ်ကီး ထဲတၫ်သဘံၣ်သဘုၣ်လီၤ.ကျိဖးဒိၣ်ချံတဖၣ် လီၤတဲာ်ဆူန့ၣ်တဖျၢၣ်ဆူအံၤတဖျၢၣ် မၤတသ့နီတမံၤဘၣ်.အိၣ်ဒၣ်ဘၣ်ဃ့တၫ်လၢတၫ်ထံတၫ်တီကစၫ်အိၣ်လီၤအဂ့ၫ်”တဲ၀ဲလီၤ.
စးထီၣ်လၢလါယူၤလံ(၂၃)သီနံၤ တုၤလၢခဲကနံၤအံၤ မူခိၣ်စူၤထံဒိၣ်အဃိ ကီၫ်ဆၣ်မူလီၫ်က၀ီၤကမျၢၫ်အိၣ်ဟံၣ်(၁၄)ဖျၢၣ်လီၤထွံကွံာ်လၢထံကျါဒီးစံာ်အ့ကၢၫ် ၄,၂၅၀ဘျဲၣ်စ့ၫ်ကီးထံလုၫ်ဘၢမၤဟးဂီၤကွံာ်အသိး သ၀ီ(၅၇)သ၀ီ ထံလုၫ်ဘၢကွံာ်တကးဘၣ် ကၠိ(၁၈)ဖျၢၣ် တၫ်ဘၣ်ကးတံာ်ဃာ်၀ဲအဂ့ၫ် တၫ်သ့ၣ်ညါဘၣ်လီၤ.
ကီၫ်ဆၣ်လၢၫ်ဒိၣ်အပူၤစ့ၫ်ကီး ထံဒိၣ်အဃိ သ၀ီ(၈၀)ထံလုၫ်ဘၢကွံာ်၀ဲ၀ံၤ စံာ်အ့ကၢၫ် ၃၀,၀၀၀ဘျဲၣ် ထံလုၫ်ဘၢကွံာ်၀ဲ ဒီးတၫ်သိၣ်လိကၠိ(၃၇)ဖျၢၣ်စ့ၫ်ကီး ဘၣ်တၫ်ကးတံာ်ဃာ်၀ဲတစိၤတလီၫ်န့ၣ်လီၤ.
ကီၫ်ဆၣ်ဆီထံးအပူၤစ့ၫ်ကီး စးထီၣ်ဖဲလါယူၤလံ(၂၄)သီအနံၤ ထံဒိၣ်အဃိ သ၀ီ(၄၀)ဖျၢၣ်ဃၣ်ဃၣ် ထံလုၫ်ဘၢကွံာ်ဒီး ကလံၤအူအဃိ ဟံၣ်(၁၁)ဖျၢၣ်ဘၣ်ဟးဂီၤအသိး တၫ်ဘၣ်ကးတံာ်စ့ၫ်ကီးကၠိန့ၣ်လီၤ.
ကီၫ်ဆၣ်မူကညီဂ့ၫ်ဂီၫ်အူတၫ်မၤပူၤဖျဲးပှၤဘၣ်မူဘၣ်ဒါတခီ”အခဲအံၤန့ၣ် လၢတၫ်လီၫ်အါတက့ၫ်အပူၤထံဒိၣ်၀ဲလီၤ.ပပာ် ဖှိၣ်ထီၣ်သးဒီးဒူသ၀ီဂ့ၫ်ဂီၫ်အူတၫ်မၤပူၤဖျဲးကမံးတံာ်တဖၣ်၀ံၤဟ့ၣ်မၤစၢၤ ဒူသ၀ီလၢလိၣ်ဘၣ်ဟုသး,ခီနီဃ့အဘိၣ်ဖိ တဖၣ်ဒီးထံအီဖိတဖၣ်လီၤ.ဒူသ၀ီခဲလၢာ်ဒုတမ့ၫ်ဘၣ်.ထံဒိၣ်ကဲထီၣ်၀ံၤအလီၫ်ခံ ဒူသ၀ီအါတက့ၫ်ဒု ကွၫ်ဆၢၣ်မဲာ်ဘၣ် တၫ်အိၣ်တၫ်ဆိးအလီၫ်အဂီၫ်န့ၣ်လီၤ.လၢခံတခါတၫ်အီၣ်တၫ်အီလီၤ.တၫ်ကပိာ်ထွဲထီၣ်အခံဒ်သိးဆူၣ်ချ့တၫ်ဂ့ၫ်ကီတဖၣ်ကအိၣ်၀ဲလီၤ.ဒီးအ၀ဲသ့ၣ်စ့ၫ်ကီးလိၣ်ဘၣ်ကသံၣ်ကသီတဖၣ်အိၣ်၀ဲအဂ့ၫ်”တဲ၀ဲလီၤ.
ကညီကီၫ်စဲၣ်,၀့ၫ်ဒီၣ်ဖးဒိၣ်အပူၤစ့ၫ်ကီး တၫ်စူၤ(၂)သီတပယူာ်ဃီ၀ံၤအလီၫ်ခံ ဒူသ၀ီလၢအိၣ်ဘူးတဖၣ်ဒ်အမ့ၫ် လ့းပၠၣ်လ့ သ၀ီ,ခိၣ်၀ဲၣ်သ၀ီဒီးဒူသ၀ီလၢအဂၤတဖၣ် အ၀ဲသ့ၣ်အဂၢၤတဖၣ်အပူၤ ဟီၣ်ခိၣ်လာ်ဒီး ပှၤလီၫ်က၀ီၤဖိဟါမၫ်၀ဲအိၣ်န့ၣ် လီၤ.
တုၤလါအီကူာ်(၇)သီနံၤ ပှၤမၤပူၤဖျဲးတၫ်ဖိတဖၣ်တဲ၀ဲအဖီခိၣ် ပှၤဘၣ်သံအိၣ်ထီၣ်(၁၁)လံဒီးဟီၣ်ခိၣ်လာ်အဃိ ဂၢၤပူၤပှၤမၤတၫ်ဖိအါမး လီၤမၫ်၀ဲအဖၢမုၫ်ဒံးန့ၣ်လီၤ.
လၢတၫ်ကလဲၤမၤပူၤဖျဲး ပှၤလၢအိၣ်ကးတံာ်အသးဒီးတၫ်ကလဲၤဟံးန့ၫ်ပှၤအစိၣ်တဖၣ်အဂီၫ် ပှၤ၀့ၫ်ဖိတဖၣ်ဘၣ်မၤ၀ဲလၢ အနီၫ်ကစၫ်ဒၣ်၀ဲဒီး၀့ၫ်ပူၤ လီတဲစိတၫ်ဆဲးကျိးဒီးမ့ၣ်အူတဖၣ် ထီၣ်တဲာ်ကွံာ်၀ဲန့ၣ်လီၤ.
သိလ့ၣ်ကျဲလၢဆဲးကျိးဃာ် ၀့ၫ်ဒီၣ်ဖးခိၣ်ဒီး၀့ၫ်တီအူစ့ၫ်ကီး ဟီၣ်ခိၣ်လာ်အဃိ ကျဲတဖၣ်ကးတံာ်ကွံာ်သးအဃိ တၫ်ချၢပှၤမၤပူၤဖျဲးတၫ်ကရၢတဖၣ် ဟဲဆူ၀့ၫ်ဒီၣ်ဖးဒိၣ်တန့ၫ်ဒံးဘၣ်အသိး ပှၤလၢအိၣ်လၢ၀့ၫ်ပူၤတဖၣ်စ့ၫ်ကီး တၫ်အိၣ်သးအိၣ် လၢဟးထီၣ်လၢတၫ်ချၢတန့ၫ်ဘၣ်န့ၣ်လီၤ.
တၫ်အဃိ တၫ်မၤပူၤဖျဲးဒီးတၫ်မၤပျီကွံာ်ကျဲတဖၣ်အဂီၫ် ဘၣ်ဃ့ဃာ်တၫ်မၤစၢၤလၢပှၤအိၣ်လၢ၀့ၫ်ပူၤတဖၣ်အိၣ်ဒီး လၢ ကတီၫ်အံၤစ့ၫ်ကီး ကွၫ်ဆၢၣ်မဲာ်ဘၣ်ထံအီကၤထီၣ်လံန့ၣ်လီၤ.
လၢကတီၫ် ၀့ၫ်ဒီၣ်ဖးခိၣ်အပူၤ ဟံၣ်(၃၀)ဖျၢၣ်ဘၣ်ဟးဂီၤအသိး,မူခိၣ်စူၤတပတုာ်ဒံးဘၣ်အဃိ ဒူသ၀ီလၢတၫ်ဘၣ်ယိၣ် အိၣ်တဖၣ် တၫ်သုးန့ၫ်အလီၫ်အကျဲန့ၣ်လီၤ.
ပရဲလိာ်ကျိ မုၫ်နုာ်ဒီးမုၫ်ထီၣ်ကၢၫ်နံၤ ဒူသ၀ီတဖၣ် တူၫ်ဘၣ်ထံလုၫ်ဘၢတၫ်ဒီးထံဒိၣ်အဃိ စံာ်လၢသူၣ်ဃာ်ဘုအ့ကၢၫ် အါမး ထံလုၫ်ဘၢကွံာ်အသိး,ဘၣ်သုးလီၫ်သုးကျဲအဃိလိၣ်တၫ်အိၣ်ဆိးအီၣ်အီအဂီၫ်ဒီးကသံၣ်ကသီတၫ်မၤစၢၤ တဖၣ်န့ၣ်လီၤ.
Ref: DVB
