လါအီကူၥ်(၄)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
သုးကီၣ်ကးအသုးလၢတကွၢ်၀ဲထံဖိကီၢ်ဖိကမျၢၢ်အတၢ်ဘံၣ်တၢ်ဘၢဒီးဆိကမိၣ်ထဲအတၢ်စိတၢ်ကမီၤကအိၣ်ဂၢၢ်ကျၢၢ်အဂီၢ်၀ံၤ တဒိးသန့ၤထီၣ်လၢ ဖဲၣ်ဒရဲၣ်ဒံၣ်မိၣ်ကရ့ၣ်စံၣ်ကီၢ်စၢဖှိၣ်အံၤ ကမၤ၀ဲတၢ်ဃုထၢအယီၤအဘျၣ်အံၤန့ၣ် လၢၢ်ဒိၣ်ကီၢ်ဆၣ် ကညီဂ့ၢ်ဂီၤအူတၢ်မၤပူၤဖျဲးကမံးတံၥ်(KRC) ထီဒါဝဲဆူၣ်ဆူၣ်ကိၥ်ကိၥ်အဂ့ၢ် ထုးထီၣ်ပၥ်ဖျါဃၥ်၀ဲ အတၢ်ပၥ်သးန့ၣ်လီၤ.
ခီဖျိလၢတၢ်ကွၢ်၀ဲထံဖိကီၢ်ဖိကမျၢၢ်လၢအကွၢ်ဆၢၣ်မဲၥ်ဘၣ်တၢ်ကီတၢ်ခဲဒီးဘၣ်အိၣ်မူ၀ဲဒၣ်လၢတၢ်ပျံၤတၢ်ဖုးတၢ်လီၤဘၣ်ယိၣ်အဂီၢ်၀ံၤ အိၣ်ဂဲၤဆၢထၢၣ်ဃုၥ်ဒီးကမျၢၢ် ဘၣ်ထီဒါ၀ဲ တၢ်ဃုထၢအံၤအဂ့ၢ် လံၥ်ပၥ်ဖျါအပူၤ ပၥ်ဖျါဃၥ်၀ဲန့ၣ်လီၤ.
စးထီၣ်လၢ၂၀၂၁နံၣ်,လါဖ့ၤဘြူၤအါရံၤ(၁)သီ, သုးဟံးန့ၢ်ဆူၣ်ထံကီၢ်တၢ်စိတၢ်ကမီၤဒီး၀ံၤအလီၢ်ခံန့ၣ် ကညီဂ့ၢ်ဂီၤအူတၢ်မၤပူၤဖျဲးကမံးတံၥ်(KRC)အံၤ မ့ၢ်ကရၢတဖုလၢအိၣ်ဂဲၤဆၢထၢၣ်ဒီးထံဖိကီၢ်ဖိကမျၢၢ်တဖၣ် တဖံးဃီတညၣ်ဃီအဂ့ၢ် စံး၀ဲန့ၣ်လီၤ.
ကတီၢ်ခဲအံၤထံဖိကီၢ်ဖိကမျၢၢ်လၢအိၣ်ဖဲလၢၢ်ဒိၣ်ကီၢ်ဆၣ်ပူၤတဖၣ်အံၤခီဖျိလၢသုးကီၣ်ကးအသုးအတၢ်မၤကမၣ်သုးကွီၢ်မ့ၣ်တဖၣ်အဃိ ဘၣ်ကွၢ်ဆၢၣ်မဲၥ်ဒီးတၢ်မၤပျံၤမၤဖုးတၢ်ဘံၣ်တၢ်ဘၢလၢ နီၢ်သးဂ့ၢ်၀ီမ့ၢ်ဂ့ၤဒီးနီၢ်ခိမ့ၢ်ဂ့ၤန့ၣ်လီၤ.
၂၀၂၅နံၣ်,လါယူၤဒီးလါယူၤလံအတီၢ်ပူၤသုးကီၣ်ကးအသုးခးလီၤ၀ဲကျိဖးဒိၣ်(၈၂)ဖျၢၣ်,ဟဲဒုးတ့ၢ်လီၤတၢ်လၢဒြိ(၁၅)ဘျီတကးဘၣ် ကမျၢၢ်ဘၣ်သံ၀ဲ(၇)ဂၤ, ကမျၢၢ်လၢတၢ်ဖီၣ်န့ၢ်ဆူၣ်အီၤအိၣ်၀ဲ(၅)ဂၤ, ဘၣ်ဟးဂီၤကွံၥ်၀ဲ ဟံၣ်ဃီ(၅)ဖျၢၣ်, တၢ်သိၣ်ကၠိ(၂)ဖျၢၣ်ဒီး ဆၣ်ဖိကီၢ်ဖိ(၄)ဒုဘၣ်သံ၀ဲအဂ့ၢ် (KRC)အလံၥ်ထုးထီၣ်ပၥ်ဖျါအပူၤ ပၥ်ဖျါဃၥ်၀ဲန့ၣ်လီၤ.
လၢန့ၣ်အမဲၥ်ညါကတီၢ်ခဲအံၤန့ၣ်လၢၢ်ဒိၣ်ကီၢ်ဆၣ်အပူၤခီဖျိ၀ံၤဖၤကလံၤမုၢ်အဃိထံဒိၣ်နိယွၤကဲထီၣ်တ့ၢ်၀ဲဒီးသ၀ီလၢဘၣ်ကီဘၣ်ခဲထံအိၣ်ထီၣ်၀ဲ(၈၀)ဖျၢၣ်, ဟံၣ်ဃီ(၅,၄၉၅)ဖျၢၣ်, ပှၤနီၣ်ဂံၢ်ခဲလၢၥ်ပၥ်ဖှိၣ်(၂၈,၁၆၂)ဂၤ တကးဘၣ် ခီဖျိထံလုၢ်ဘၢကွံၥ်တၢ်သိၣ်ကၠိ(၃၇)ဖျၢၣ်အဃိ ပှၤကၠိဖိ(၂,၇၄၈)ဂၤစ့ၢ်ကီး ကဖံးလိမၤလိဘၣ်တၢ်အဂီၢ် တၢ်ကီတၢ်ခဲအိၣ်ထီၣ်၀ဲန့ၣ်လီၤ.
