လါယူၤလံ(၇)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,ပသံၣ်ကီၫ်ရ့ၣ်,ကၠီၣ်ပၠီၣ်ကီၫ်ဆၣ်,တဲးယွၣ်သ၀ီကရူၫ်အပူၤ သုးကီၣ်ကးအသ၀ီသးပှၫ်န့ၣ် ပှၤလၢ လဲၤမၤတၫ်လၢကီၫ်ချၢတဖၣ်အလီၫ် ထၢ၀ဲကမျၢၫ်တၫ်ဘၣ်ကဲသုးစ့(၁)ကလီၫ်ကၠးလၢလီၫ်က၀ီၤဖိတဖၣ်အိၣ်အဂ့ၫ် တၫ် သ့ၣ်ညါဘၣ်လီၤ.
တဲးယွၣ်သ၀ီကရူၫ် ပၢပြးခိၣ် ကၠီၣ်မၠံးန့ၣ် စးထီၣ်ဖဲလါယူၤလံအဆိကတၢၫ်တနွံအပူၤ ဒူသ၀ီ(၇)ဖျၢၣ် ကီၫ်ချၢပှၤမၤတၫ်ဖိတဖၣ်အလီၫ် တဲ၀ဲလၢတၫ်ဆီၣ်ထွဲမၤစၢၤကမျၢၫ်တၫ်ဘၣ်ကဲသုးစ့၀ံၤ ထၢန့ၫ်ဆူၣ်၀ဲနီၫ်တဂၤ(၁)ကလီၫ်ကၠးအဂ့ၫ်န့ၣ်လီၤ.
လီၫ်က၀ီၤ ပိာ်မုၣ်တဂၤတဲ၀ဲလၢ “ပှၤလၢမၤတၫ်လၢကီၫ်ချၢတဖၣ် အစ့ဟဲနုာ်ဂ့ၤအသိး,လီၤဃာ်လၢပဒ့ၣ်ဟးဆှဲး တၫ်ဘၣ်ကဲသုးအဃိ သ၀ီသးပှၫ်န့ၣ် ထၢ၀ဲကမျၢၫ်တၫ်ဘၣ်ကဲသုးစ့(၁)ကလီၫ်ဘါအဂ့ၫ် “န့ၣ်လီၤ.
စ့တဖၣ်န့ၣ်လၢ(၅)သီအတီၫ်ပူၤတၫ်ကဘၣ်ဖၢနုာ်၀ဲတုၤလၢအ၀ံၤဒီးဖဲတၫ်ပာ်ပနီၣ်န့ၫ်မုၫ်နံၤမုၫ်သီအပူၤ တၫ်မ့ၫ်တလဲၤထၢနုာ်ဘၣ်န့ၣ် တဲပျံၤတဲဖုး၀ဲလၢကဖီၣ်၀ဲအဟံၣ်ဖိဃီဖိလၢအိၣ်တ့ၫ်တဖၣ်န့ၣ်လီၤ.
ပၢပြးခိၣ်ဒီးဟံၣ်တကယၤဖျၢၣ်အခိၣ်တဖၣ် ကိးလါဒဲးကမျၢၫ်တၫ်ဘၣ်ကဲသုးကျိာ်စ့တၫ်ဆီၣ်ထွဲန့ၣ် ထၢ၀ဲဟံၣ်တဖျၢၣ် (၃၀,၀၀၀)စုာ်စုာ်အသိး,ထၢစ့ၫ်ကီး၀ဲဖးဖီမုၫ်စရီစ့အဃိ စးထီၣ်ဖဲကမျၢၫ်တၫ်ဘၣ်ကဲသုးတၫ်ဘျၢအိၣ်ထီၣ်၀ံၤအလီၫ်ခံ ပှ့ၤဃာ်သိလ့ၣ်(၂)ခိၣ်အဂ့ၫ် တၫ်သ့ၣ်ညါဘၣ်လီၤ.
ref: dvb
