လါယူၤလံ(၇)သီ,၂၀၂၅နံၣ်
အမဲရကၤကီၫ်စၢဖှိၣ်,တဲကစဲးကီၫ်ဆၣ်တၫ်ခၢၣ်သး,လၢကွၣ်ဒၣ်လူၣ်ပံၣ်ထံကျိဒီတကျိၤ ဖဲလါယူၤ(၄)သီအနံၤန့ၣ် လီကလံၤမုၫ်ဒီးမူခိၣ်စူၤဖးဒိၣ်အဃိ ထံလုၫ်ဘၢတၫ်ကဲထီၣ်သတူာ်ကလာ်အဃိ အစှၤကတၢၫ်ပှၤ(၂၄)ဂၤဘၣ်သံ၀ံၤ ပှၤလီၤမၫ်လၢအဆံဘျဲၣ်အဂ့ၫ် ပှၤဘၣ်မူဘၣ်ဒါတဖၣ်တဲ၀ဲလီၤ.
၀့ၫ်ဆၣ်အၣ်ကၠးလိၣ် လၢအိၣ်ဖဲကိၣ်ခၠိၣ်ထံကၠိကပၤအံၤအပူၤ ဟံၣ်ဃီဒီးသိလ့ၣ်တဖၣ် ဘၣ်လီၤဘျၢ၀ဲအဂ့ၫ် တဲ၀ဲလီၤ.
ကွၣ်တၣ်လုးဖ့ထံကျိထံဒိၣ်ထီၣ်အဃိ ပှၤခရံာ်ဖိပိာ်မုၣ်ဖိသၣ်(၇၀၀)ဂၤလၢ ဟဲဟ့ၣ်ဃာ်အမံၤစရီလၢတၫ်ကိၫ်ခါတၫ်မၤ လိတတီၤအပူၤအကျါ ပှၤ(၂၀)ဂၤဘျဲၣ်ဃၣ်ဃၣ် လီၤမၫ်ဒီးတၫ်လူၤဃု၀ဲအဂ့ၫ် ပှၤဘၣ်မူဘၣ်ဒါတဖၣ်တဲ၀ဲလီၤ.
ပှၤအါတက့ၫ်န့ၣ် ပူၤဖျဲးဘၣ်ဆၣ် လၢကျဲမုၫ်ခိၣ် ထံဒိၣ်ဒီးတၫ်လဲၤထီၣ်က့ၤလီၤကီခဲအဃိ အ၀ဲသ့ၣ်တဖၣ်န့ၣ် တၫ်သုးန့ၫ်အလီၫ်အကျဲတန့ၫ်ဒံးဘၣ်အဂ့ၫ် တဲ၀ဲလီၤ.
တၫ်ကဘှါဆှဲတၫ်ဂ့ၫ်ကီအံၤအဂီၫ် အမဲရကၤပီၣ်လဲၣ်နံၤသုးဒီးဖဲၣ်ဒရၢၣ်ဂ့ၫ်ဂီၫ်အူတၫ်ပၢဆှၢရဲၣ်ကျဲၤအ့ၣ်ကၠ့ၣ်စံၣ် ပှၤမၤ တၫ်ဖိတဖၣ်စ့ၫ်ကီး မၤစၢၤဆီၣ်ထွဲ၀ဲ လီၫ်က၀ီၤပှၤဘၣ်မူဘၣ်ဒါတဖၣ်န့ၣ်လီၤ.
ကွၣ်ဒၣ်လုးဖ့ထံကျိကပၤ ဟီၣ်က၀ီၤတၫ်ကမှံၤကမီၫ်တဖၣ်,မူခိၣ်စူၤဒိၣ်ဒီးထံလုၫ်ဘၢတၫ်အဃိ တၫ်ဟးဂုၤဟးဂီၤအါ၀ဲ လီၤ.
ပှၤလၢလီၤမၫ်တဖၣ် တုၤလၢတၫ်တထံၣ်န့ၫ်၀ဲတစု တၫ်မၤပူၤဖျဲးသးသမူတၫ်ဖံးတၫ်မၤတဖၣ် တၫ်ကမၤထွဲ၀ဲ(၂၄)နၣ်ရံၣ် အဂ့ၫ် တဲကစဲးကီၫ်ဆၣ်ခိၣ် ကရဲးအဲးဘးဒီးပှၤဘၣ်မူဘၣ်ဒါတဖၣ် ဖဲမၤ၀ဲတၣ်ဟ့ၣ်ဒုးသ့ၣ်ညါတၫ်ဂ့ၫ်တၫ်ကျိၤအကတီၫ် ကါကီၣ်တံၣ်ပၢပြးခိၣ် လဲၣ်ရံၣ်လံၣ်သၣ်တဲ၀ဲလီၤ.
အမဲရကၤဒီကလုာ်မူခိၣ်ကလံၤသီၣ်ဂီၤ၀ဲၤကျိၤန့ၣ် မူခိၣ်စူၤဒိၣ်တုၤလၢခီၣ်ဘၢဒီးလီကလံၤမုၫ်တဖၣ်မၤဟးဂီၤတၫ်၀ံၤ အလီၫ်ခံ တဲကစဲး ဟ့ခါထရံဟီၣ်က၀ီၤပူၤ ထံဒိၣ်ထီၣ်သတူာ်ကလာ်သ့အဂ့ၫ် ထုးထီၣ်ဘိးဘၣ်ရၤလီၤ၀ဲဂ့ၫ်ဂီၫ်အူတၫ် အိၣ်သးန့ၣ်လီၤ.
ref: dvb
