ကီၢ်ပယီၤတပၤ ခီဖျိတၢ်ဖီၣ်သိလ့ၣ်လၢလဲၣ်စ့ၣ်တအိၣ်ဘၣ်တဖၣ်အဃိ သိလ့ၣ်လၢအကယၤတဖၣ် အိၣ်ကတၥ်အသးလၢ ကၠီၣ်တဲၣ်ကီၢ်ဆၢတပၤ

လါယူၤ(၂၅)သီ, ၂၀၂၅နံၣ်

ကီၢ်ပယီၤတကပၤ ခီဖျိတၢ်ဖီၣ်သိလ့ၣ်လၢလဲၣ်စ့ၣ်တအိၣ်ဘၣ်တဖၣ်အဃိ ယပၣ်သိလ့ၣ်အကယၤဃၣ်ဃၣ် လၢတၢ်ကဆှၢအီၤလၢကီၢ်ဆၢကျဲဒီးဆူကီၢ်ပယီၤတဖၣ်အိၣ်ကတၥ်အသးဖဲကၠီၣ်တဲၣ်ကီၢ်ဆၢတပၤအဂ့ၢ် ကၠီၣ်တဲၣ်တၢ်ကစီၣ်တဖၣ် ပၥ်ဖျါဃၥ်၀ဲန့ၣ်လီၤ.

ကီၢ်ကၠီၣ်တဲၣ်, မဲၢ်ဟီၣ်စီၣ်ကီၢ်ဆၢ တၢ်ကူလဲၢ်မၤကၤတြဲၤန့ၣ် သိလ့ၣ်အကယၤတဖၣ်လၢတၢ်ကဆှၢအီၤဆူ ကီၢ်ပယီၤတဖၣ် တၢ်ဆှၢအီၤတန့ၢ်ဘၣ်ဒီးအိၣ်ကတၥ်သးအဃိ ကၠီၣ်တဲၣ်ပှၤဘၣ်မူဘၣ်ဒါတဖၣ် မၤတၢ်သမံသမိး ဖီၣ်အီၤတဖၣ်အိၣ်ထီၣ်၀ဲအဂ့ၢ် တၢ်ကစီၣ်တဖၣ် စံး၀ဲန့ၣ်လီၤ.

သုးကီၣ်ကးအသုး ပၥ်လီၤတၢ်ကလုၢ်လၢသိလ့ၣ်ဒီးမီၣ်တီၣ်တုၥ်တဖၣ်လၢတီၣ်ထီၣ်ဃၥ်ခိၣ်ဂီၤတအိၣ်ဒီးတဟ့ၣ်အခိတဖၣ် တၢ်ကဖီၣ်အီၤအဂီၢ်၀ံၤအလီၢ်ခံ ဖဲအပူၤကွံၥ်(၂)နွံအတီၢ်ပူၤ ယပၣ်သိလ့ၣ်လၢတၢ်တီၣ်သွီနုၥ်လီၤဆူ ကီၢ်ပယီၤပူၤတဖၣ် အိၣ်ပတုၥ်သးအသိး သိလ့ၣ်လၢအိၣ်ကတၥ်အသးတဖၣ်စ့ၢ်ကီး ကၠီၣ်တဲၣ်ပှၤဘၣ်မူဘၣ်ဒါတဖၣ် မၤတၢ်သမံသမိးဖီၣ်အီၤအိၣ်ထီၣ်၀ဲန့ၣ်လီၤ.

မဲၢ်ဟီၣ်စီၣ်ပၢပြးခိၣ်န့ၣ် လဲၤသမံသမိး၀ဲ ယပၣ်သိလ့ၣ်လၢတၢ်တီၣ်သွီနုၥ်လီၤဆူ ကီၢ်ပယီၤလၢကီၢ်ကၠီၣ်တဲၣ်တဆီတၢ်ဖံးတၢ်မၤတဖၣ်၀ံၤ အ့ၣ်ကၠ့ၣ်စံၣ်ခဲလၢၥ်န့ၣ် ဒ်သိးကမၤလၢပှဲၤအမူအဒါလၢ တၢ်မ့ၢ်တၢ်တီအပူၤအဂီၢ် တဲလီၤ၀ဲန့ၣ်လီၤ.

သိလ့ၣ်လၢ တၢ်ကတီၣ်သွီနုၥ်ဆူကီၢ်ပယီၤတဖၣ်အံၤ လဲၣ်စ့ၣ်ဒီး တၢ်တီၣ်ဃၥ်ခိၣ်ဂီၤတအိၣ်ဘၣ်အသိး သိလ့ၣ်တဖၣ်အပူၤန့ၣ် တီၣ်ဃၥ်၀ဲစ့ၢ်ကီး သိလ့ၣ်တၢ်ဖိတၢ်လံၤအက့အခီတဖၣ်ဒီး တၣ်ယၣ်တဖၣ်၀ံၤ အခိအလဲစ့ၢ်ကီး တၢ်ဟ့ၣ်၀ဲတအိၣ်ဘၣ်အဂ့ၢ်န့ၣ် ကၠီၣ်တဲၣ်တၢ်သမံသမိး ပှၤဘၣ်မူဘၣ်ဒါတဖၣ် ထုးထီၣ်တဲဖျါဃၥ်၀ဲန့ၣ်လီၤ.

ref: the irrawaddy