လါယူၤ(၂၅)သီ, ၂၀၂၅နံၣ်
အသဟီၣ်ဆူၣ်ဟီၣ်ခိၣ်ဟူး၀းတ့ၢ်၀ဲလၢ လါမးရှး(၂၈)သီတုၤ(၃)လါအတီၢ်ပူၤ ခီဖျိသုးကီၣ်ကးအသုး မၤကလံၤကျါတၢ်ဒုးတဖၣ်အဃိ ပှၤ(၅၀၀)ဘျဲၣ်ဘၣ်သံ၀ဲ၀ံၤ ပှၤ(၁)ကထိဘျဲၣ်ဘၣ်ဒိ၀ဲအဂ့ၢ် ဒီကလုၥ်ဃူဖိးပဒိၣ်, ပှၤဂ့ၢ်၀ီခွဲးယၥ်ကိတိၥ်၀ဲၤကျိၤ အတၢ်ဂ့ၢ်တၢ်ကျိၤတဖၣ်အဖီခိၣ် တၢ်သ့ၣ်ညါဘၣ်န့ၣ်လီၤ.
တုၤလၢလါယူၤ(၂၀)သီနံၤအတီၢ်ပူၤ သုးကီၣ်ကးအသုး မၤကလံၤကျါတၢ်ဒုးအိၣ်ထီၣ်၀ဲ ခဲလၢၥ်ပၥ်ဖှိၣ်(၆၂၂)ဘျီ၀ံၤ ပှၤ(၅၀၁)ဂၤသံ၀ဲဒီး ပှၤ(၁၀၅၇)ဂၤဘၣ်ဒိ၀ဲအဂ့ၢ် စံး၀ဲန့ၣ်လီၤ.
စကဲကီၢ်ခီအပူၤ ပှၤသံ၀ဲ(၁၅၉)ဂၤဒီး အအါကတၢၢ်လီၤ၀ံၤ ပှၤသံတဖၣ်အကျါ ပှၤလၢသးနံၣ်အိၣ်(၁၈)နံၣ်ဆူအဖီလၥ် (၇၆)ဂၤ, (၁၈)နံၣ်ဆူအဖီခိၣ် (၁၆၄)ဂၤဒီး ပှၤ(၂၆၁)ဂၤလၢတၢ်တသ့ၣ်ညါအသးအနံၣ်တဖၣ် စ့ၢ်ကီးပၣ်ဃုၥ်၀ဲန့ၣ်လီၤ.
သုးကီၣ်ကးအသုး မၤကလံၤကျါတၢ်ဒုး ဖဲမါတလ့ကီၢ်ခီအပူၤ (၁၆၇)ဘျီဒီးအအါကတၢၢ်လီၤ၀ံၤ စကဲကီၢ်ခီပူၤ (၁၄၁)ဘျီ, မကွ့ကီၢ်ခီအပူၤ (၇၉)ဘျီ, ကညီကီၢ်စဲၣ်အပူၤ (၄၀)ဘျီ, ပကိကီၢ်ခီအပူၤ (၃၇)ဘျီ, ယိၤဒိၣ်ကီၢ်စဲၣ်အပူၤ (၃၀)ဘျီ, ရၢၢ်ခၢၣ်ကီၢ်စဲၣ်အပူၤ (၂၈)ဘျီ, ခၠီကီၢ်စဲၣ်အပူၤ (၂၇)ဘျီ, ကခၠ့ၣ်ကီၢ်စဲၣ်အပူၤ (၂၃)ဘျီ, အ့ၣ်ယၣ်၀တံၣ်ကီၢ်ခီအပူၤ (၁၆)ဘျီ, တနီသရံၣ်ကီၢ်ခီအပူၤ (၁၄)ဘျီ, တလၢၤကီၢ်စဲၣ်အပူၤ (၁၂)ဘျီဒီး ကရ့ၣ်နံၣ်ကီၢ်စဲၣ်အပူၤ (၇)ဘျီအဂ့ၢ် တၢ်သ့ၣ်ညါဘၣ်န့ၣ်လီၤ.
သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ သုးကီၣ်ကးအသုးန့ၣ် ဟီၣ်ခိၣ်ဟူး၀းကဲထီၣ်အဆၢကတီၢ်ဒီး၀ံၤအလီၢ်ခံစ့ၢ်ကီးန့ၣ် ဟးတ့ၢ်လီၤမ့ၣ်ပိၢ်လၢ ထံကီၢ်ဒီတဘ့ၣ်အပူၤ၀ံၤ DVBထၢဖှိၣ်ဃၥ်တၢ်ဂ့ၢ်တၢ်ကျိၤတဖၣ်အဖီခိၣ် ခီဖျိဟီၣ်ခိၣ်ဟူး၀းအဃိ ပှၤ(၄,၄၇၇)ဂၤ ဘၣ်သံ၀ဲအဂ့ၢ် DVBတၢ်ကစီၣ်ပၥ်ဖျါဃၥ်၀ဲန့ၣ်လီၤ.
ref: the irrawaddy
