ကလံၤကျါတၫ်ဘၣ်ယိၣ်အဃိ လၢရၢၫ်ခၢၣ် တၫ်ဘၣ်သိၣ်လိလံာ်လၢဟံၣ်

လါယူၤ(၂၀)သီ,၂၀၂၅နံၣ်

သုးကီၣ်ကးန့ၣ် တၫ်လီၫ်လၢရၢၫ်ခၢၣ်သုးမုၫ်ဒိၣ်ပၢဆှၢ၀ဲတဖၣ် လၢကတီၫ်အံၤ တၫ်ဒုးကဲထီၣ်တအိၣ်ဘၣ်ဆၣ် လဲၤတ့ၫ်လီၤမ့ၣ်ပိၫ်လၢကလံၤကျါတလီၫ်လီၫ်အဃိ တၫ်သိၣ်လိကၠိတဖၣ် တၫ်အိးထီၣ်၀ဲတန့ၫ်ဘၣ်အမဲာ်ညါ တၫ်ဘၣ်သိၣ်လိလံာ်လၢဟံၣ်လီၤအဂ့ၫ် တၫ်သ့ၣ်ညါဘၣ်လၢ တၫ်ကူၣ်ဘၣ်ကူၣ်သ့တ၀ၢတဖၣ်အိၣ်န့ၣ်လီၤ.

သုးကီၣ်ကးန့ၣ် ပညိၣ်ဒုးတ့ၫ်လီၤမ့ၣ်ပိၫ်လၢ အပူၤကွံာ် ပဒိၣ်၀ဲၤကျိၤ၀ဲၤဒၢးတဖၣ်,တၫ်သိၣ်လိကၠိတဖၣ်ဒီး သီခါဖၠၣ်တဖၣ်အိၣ်၀ဲအဃိ တၫ်ကအိးထီၣ်ကၠိအဂီၫ် တၫ်ကီတၫ်ခဲကဲထီၣ်၀ဲအဂ့ၫ် ပီးတီကီၫ်ဆၣ် သးနံၣ်(၃၈)နံၣ်အိၣ် ကၠိသရၣ်မုၣ်တဂၤတဲ၀ဲလီၤ.

“မိၫ်ပၫ်တဖၣ် ဘၣ်ယိၣ်တၫ်လီၤ.ပနီၫ်ကစၫ်ဒၣ်လဲၣ်တၫ်ဘံၣ်တၫ်ဘၢတအိၣ်ဘၣ်.မ့ၫ်နၫ်ဟူကဘီယူၤသီန့ၣ် ပျံၤတၫ်ဒိၣ်မးလီၤ.တၫ်သိၣ်လိအလီၫ်စ့ၫ်ကီးတအိၣ်ဘၣ်.လဲၤသိၣ်လိလၢသီခါဖၠၣ်စ့ၫ်ကီးတဘူၣ်ဘၣ်.မ့ၫ်လၢသုးကီၣ်ကးန့ၣ်ပညိၣ်ခးလီၤကၠိဒီးသီခါဖၠၣ်အဃိ ဘၣ်ယိၣ်တၫ်အဂ့ၫ်”တဲ၀ဲလီၤ.

သရၣ်မုၣ်၀ဲန့ၣ် တဲကဒီး၀ဲလၢ”အခဲအံၤ သိၣ်လိန့ၫ်၀ဲလံာ် လၢဟံၣ်အိၣ်၀ဲလီၤ.မူခိၣ်စူၤကတီၫ်အဃိ သိၣ်လိလံာ်လၢဟံၣ် တဘၣ်လိာ်ဖိးဒ့ဘၣ်.တၫ်ခံးဒိၣ်မး.အဃိတၫ်ကီတၫ်ခဲဒုအိၣ်၀ဲအါမးအဂ့ၫ်”တဲ၀ဲလီၤ.

လၢတကပၤ ကၠိလံာ်လဲၫ်ဒီးတၫ်ပီးတၫ်လီတဖၣ် တၫ်ကပှ့ၤအဂီၫ် ကီခဲဒံး၀ဲအဃိ ပှၤလီၫ်အိၣ်ကမှံဖိသၣ်တဖၣ် လၢတၫ်သိၣ်လိမၤဒိးတကပၤ တၫ်ကီတၫ်ခဲအိၣ်အဂ့ၫ် သးနံၣ်(၄၀)နံၣ်အိၣ် ယသ့းတီၣ်ပှၤလီၫ်အိၣ်ကမှံဖိတဂၤတဲ၀ဲလီၤ.

“အခဲအံၤဒု မ့ၫ်ကတဲာ်ကတီၤန့ၫ်၀ဲကၠိဒၣ်လဲၣ် လိၣ်ဘၣ်လံာ်ဒီးကၠိတၫ်ပီးတၫ်လီတဖၣ်လီၤ.လၢကတပၤ ဘၣ်ပျံၤကလံၤ ကျါတၫ်လီၤဘၣ်ယိၣ်အဃိ တၫ်အိးထီၣ်ကၠိတန့ၫ်ဘၣ်အဂ့ၫ်”အ၀ဲတဲ၀ဲလီၤ.

တီၤတၫ်ဒိးစဲးန့ၣ် ကီၫ်ဆၣ်ပတီၫ် သမံသမိး၀ဲ၀ံၤ ပာ်ပနီၣ်န့ၫ်၀ဲ ဖျိလၢအပတီၫ်ပတီၫ်တဖၣ်၀ံၤ ထုးထီၣ်န့ၫ်၀ဲဖျိကၠိလံာ်အုၣ် သးအိၣ်၀ဲလီၤ.

ကၠိဖိလၢမၤလိလံာ်ဖဲန့ၣ်တဖၣ် တလါန့ၣ် တီၤဖုၣ်ကၠိဖိတဂၤန့ၣ် ဘၣ်ဟ့ၣ်၀ဲတၫ်သိၣ်လိတၫ်လၢာ်ဘူၣ်လၢာ်စ့ၤအိၣ်၀ဲ (၁၅၀၀၀)ကၠး,တီၤခၢၣ်သးတဂၤ(၅၀၀၀၀)ကၠး,တီၤထီတဂၤ(၉၀၀၀၀)ကၠးအဂ့ၫ် တၫ်သ့ၣ်ညါဘၣ်လၢ ကၠိဖိမိၫ်ပၫ်အိၣ်န့ၣ်လီၤ.

ဟံၣ်လၢကၠိဖိအိၣ်(၅)ဂၤန့ၣ် ဘၣ်ဟ့ၣ်၀ဲထဲဒၣ်(၃)ဂၤအဂီၫ်လီၤ၀ံၤ ဟံၣ်လၢကၠိဖိအိၣ်(၃)ဂၤတခီ ဘၣ်ဟ့ၣ်၀ဲထဲဒၣ်(၂)ဂၤ ဂီၫ်ဒီးမ့မ့ၫ်လၢတီၤဖုၣ်တဂၤအဂီၫ်ဒု တလိၣ်ဟ့ၣ်စ့ဘၣ်အဂ့ၫ် တၫ်သ့ၣ်ညါဘၣ်လီၤ.

ကတီၫ်အံၤ လၢရၢၫ်ခၢၣ်န့ၣ် တၫ်သိၣ်လိ၀ဲဒ်အပူၤကွံာ်တၫ်သိၣ်လိသနူအသိး၀ံၤ AAစ့ၫ်ကီး တၫ်ကူၣ်ဘၣ်ကူၣ်သ့သနူ တရံးသးကန့ၫ်အဂီၫ် ကိး၀ဲသရ,သရၣ်မုၣ်တဖၣ်ဘၣ်ဆၣ် ကလဲၤတရံးသးတုၤလီၤတီၤလီၤဒီး တၫ်အိးထီၣ်က့ၤကၠိ ကန့ၫ်အဂီၫ် ကလံၤကျါတၫ်လီၤဘၣ်ယိၣ်ပာ်ဃုာ် တၫ်ကီတၫ်ခဲအိၣ်၀ဲအါမးန့ၣ်လီၤ.

သူ၀ဲဒၣ် အပူၤကွံာ် တၫ်သိၣ်လိသနူအဖၢမုၫ်အဃိ ရၢၢ်ခၢၣ်လၢတၫ်ကးတံာ်ဃာ်တၫ်ကူၣ်လဲၫ်မၤကၤအကျဲအံၤ ကၠိလံာ် ညိၣ်သိၣ်ဒိၣ်တဖၣ် ကၤထီၣ်၀ံၤ အပှ့ၤကလံၤန့ၣ် တီၤဖုၣ်လံာ်ညိၣ်သိၣ်ဒိၣ်န့ၣ် ၅၀၀၀၀ကၠး,တီၤခၢၣ်သး ၇၀၀၀၀ ဒီးတီၤထီအိၣ်၀ဲ ၁၂၀၀၀၀ကၠး ဒိၣ်ထီၣ်၀ဲန့ၣ်လီၤ.

ref: than lwin khet