လါယူၤ(၂၀)သီ,၂၀၂၅နံၣ်
ထံဖိကီၫ်ဖိအဂၤတဖၣ်လၢ ထီဒါပဒိၣ်တဖၣ်န့ၣ် ဖဲမဟါလၢကၠီၣ်တဲၣ်ပဒိၣ်ဟံၣ်အချၢ ပာ်ဖှိၣ်ထီၣ်သး၀ံၤ ဘၣ်ထွဲဒီးတၫ်တဲလီတဲစိဒီးကီၫ်ကၣ်ဘီဒံယါခိၣ်နၫ်လီၫ်လံၤ ဟိၣ်ဆၣ်ဟးထီၣ်အဖီခိၣ် ဃ့ထီၣ်၀ဲလၢ ကိတိာ်ခိၣ်ကျၢၫ် ပ့ၣ်ထီၣ်တၣ်ကဟးထီၣ်လၢ မူဒါလီၫ်လၤအဂီၫ်န့ၣ်လီၤ.
တၫ်ပာ်ဖျါထီၣ်တၫ်ဘၣ်သးလၢ တၫ်မၤ၀ဲ ဖဲတၫ်ကိၫ်ဆူၣ်ထီၣ်အကတီၫ်အံၤ သးပှၫ်ပှၤပာ်ဖျါထီၣ်သး လၢကၤဆ့ကၤဘီလၢအိၣ်ဆၢထၢၣ်ဒီးစီၤပၤပၢတၫ်သနူတဖၣ် ပာ်ဃုာ်အအါကတၢၫ်၀ံၤ တဲပဲာ်အၢပဲာ်သီ၀ဲလၢ သးနံၣ်(၃၈)နံၣ်အိၣ် ပ့ၣ်ထီၣ်တၣ်န့ၣ် မီၫ်သီမီၫ်လါကံၫ်စီတအိၣ်ဘၣ်ဒီးဒုးကဲထီၣ်တၫ်ဘၣ်ယိၣ်လၢ ဒီကလုာ်တၫ်ဘၣ်ဘျူးအဂီၫ်န့ၣ်လီၤ.
“ဖဲနၫ်ဟူ တၫ်ကလုၫ်File ဟးထီၣ်အကတီၫ် ယသးဟးဂီၤဒိၣ်မးလီၤ.ပ့ၣ်ထီၣ်တၣ်န့ၣ် တၫ်တၢၣ်ပီၣ်တဲကိးကံၫ်စီတအိၣ်ဘၣ်.ဆိမိၣ်လီၤအသးလၢမနုၤလဲၣ်ဒုတသ့ၣ်ညါဘၣ်.ထံကီၫ်အံၤ တမ့ၫ်န့ၫ်ပၢဘၣ်၀ဲဘၣ်အဂ့ၫ် သးနံၣ်(၆၈)နံၣ်အိၣ် Kanya Hanoteeတဲ၀ဲလီၤ.
ပှၤပာ်ဖျါထီၣ်သးတဖၣ်န့ၣ် ကၠီၣ်တဲၣ်နီၫ်တယၫ် ကွဲးလီၤဃာ်လံာ်လၢ ပ့ၣ်ထီၣ်တၣ်န့ၣ် မ့ၫ်ပှၤယိးကဒါဘှီဒီး၀ံၫ်၀ၫ်၀ဲ၀ံၤ “ဟးထီၣ်””လဲၤဆူလရၣ်”အဂ့ၫ် ကိးသတြီထီၣ်၀ဲဒီးဖဲန့ၣ်တကတီၫ်ဃီ သုးဖိလၢမၤလီၤပှီၫ်တၫ်မၤပျီၫ်မၤဂီၫ်တဖၣ် အိၣ်ခိးလီၤဃာ်တၫ်လၢတၫ်ကပၤန့ၣ်လီၤ.
ပှၤပာ်ဖျါထီၣ်သးအါတက့ၫ်န့ၣ် လၢ၂၀၀၀နံၣ်အလီၫ်ခံ မ့ၫ်ပှၤထီဒါ ရှ့ၣ်နၣ်၀းထရၣ် ထံရူၫ်ကီၫ်သဲးစၢၤသွဲၣ် လၢပာ်ဃုာ်လၢဆ့ကၤဘီတၫ်ဟူးတၫ်ဂဲၤအပူၤတဖၣ်န့ၣ်လီၤ.
ကီၫ်ကၠီၣ်တဲၣ်ပူၤ ၁၉၃၂နံၣ် အလီၫ်ခံ တၫ်ဟံးန့ၫ်တၫ်စိကမီၤ ကဲထီၣ်အဘျီလၢအဆံတဖၣ်၀ံၤ ကတီၫ်အံၤတၫ်ဃံးတၫ်စ့ၤအဃိ တၫ်ဟံးန့ၫ်တၫ်စိတၫ်ကမီၤကဲထီၣ်ကဒီးသ့ တၫ်သီၣ်၀ံသဲကလၤတဖၣ် အိၣ်ထီၣ်၀ဲန့ၣ်လီၤ.
ကီၫ်ကၠီၣ်တဲၣ်ပူၤ တၫ်ဟံးန့ၫ်တၫ်စိကမီၤတဖၣ် ကဲထီၣ်တလီၫ်လီၫ် တၫ်စံၣ်စိၤအိၣ်ဒၣ်လဲၣ် ကတီၫ်ခဲအံၤတၫ်ဃံးတၫ်စ့ၤ အပူၤ တၫ်ဟ့ၣ်ကူၣ်လၢသုးကနုာ်လီၤဘှါဆှဲ၀ဲန့ၣ် ပှၤပာ်ဖျါထီၣ်သးတနီၤ တူၫ်လိာ်၀ဲလီၤ.
“ယအဲၣ်ဒိးလၢ သုးပၢထံကီၫ်လီၤ.ပဆိမိၣ်လၢနံၣ်ထီအဂီၫ်လီၤ.သုးမ့ၫ်ပၢန့ၣ် ထံကီၫ်ကဂ့ၤထီၣ်၀ဲအဂ့ၫ်” Kanya Hanoteeတဲ၀ဲလီၤ.
ref: AFP
