လါမ့ၤ(၁၀)သီ,၂၀၂၅နံၣ်
ကီၫ်အမဲရကၤ,ကဲၣ်လံၣ်ဖိနံယါကီၫ်ဆၣ်,၀့ၫ်လီးအ့ၣ်ကၠ့ၣ်လံး, Edward R. Roybalဖဲၣ်ဒရၢၣ်တၫ်သူၣ်ထီၣ်က ပၤ ဖဲလါယူၤ(၈)သီအနံၤန့ၣ် ပှၤသူၣ်ဆူၣ်သးဂဲၤလၢထီဒါပာ်ဖျါထီၣ်တၫ်ပာ်သးတဖၣ် ဖဲပၢၤကီၫ်တဖၣ် မၤလီၤ ပြံပြါအီၤအကတီၫ် တၫ်သဘံၣ်သဘုၣ်ဆူၣ်ထီၣ်၀ဲလီၤ.
ကဲၣ်လံၣ်ဖိနံယါကီၫ်ဆၣ်,ပၢပြးဘၣ်မူဘၣ်ဒါန့ၣ် တဃ့တၫ်မၤစၢၤဘၣ်ဆၣ် အမဲရကၤကီၫ်ခိၣ်ဒီနၢၣ်ထရၢး တခီ ပျၫ်လီၤဃာ်၀ဲသုးခိးထံကီၫ်(၂,၀၀၀)ဂၤအဖီခိၣ် တၫ်သဘံၣ်သဘုၣ်ဘၣ်ဆူၣ်ထီၣ်၀ဲလီၤ.
ထရၢးတခီတဲဃာ်၀ဲလၢ တၫ်ပာ်ဖျါထီၣ်သးလၢကကဲထီၣ်တၫ်မၤတံာ်တာ် လၢပှၤဘၣ်မူဘၣ်ဒါ(မ့တမ့ၫ်) တၫ်မၤအၢမၤသီကိးကလုာ်န့ၣ် ကပာ်ပနီၣ်၀ဲ ဒ်တၫ်ပူထီၣ်ထီဒါအဂ့ၫ်န့ၣ်လီၤ.
လၢအ၀ဲအ Truth Socialပူၤတခီပာ်ဖျါ၀ဲလၢ “ပှၤထီဒါတၫ်ဖိတဖၣ်န့ၣ် ဂုၫ်ကျဲးစၢးမၤပတုာ်ကွံာ် ပဒိၣ်အတၫ်နီ ဟးထီၣ်ပှၤကညီဒီးထီဒါ ဖဲၣ်ဒရၢၣ်ပဒိၣ်ပှၤဘၣ်မူဘၣ်ဒါတဖၣ်”န့ၣ်လီၤ.
ဒံၣ်မိၣ်ကရဲးတံးကရၢဖိ ပၢပြးဘၣ်မူဘၣ်ဒါ ကၣ်ဘ့ၣ်နယူဆၣ်တခီ တၫ်ကထုးကွံာ် ထရၢးအတၫ်ကလုၫ်အ ဂီၫ် ဖဲလါယူၤ(၈)သီနံၤန့ၣ် ဃ့ထီၣ်၀ဲလၢဖိးသဲစးအပူၤလီၤ.လၢအ၀ဲၤဒၢးဆှၢဃာ်၀ဲလံာ်တဘ့ၣ်အပူၤန့ၣ် တဲဃာ်၀ဲလၢ တၫ်ပျၫ်လီၤသုးခိးထံကီၫ်န့ၣ် မ့ၫ်ဒ်သိးတၫ်အိၣ်သးကအၢထီၣ်အဂီၫ် လၢတၫ်ပညိၣ်အိၣ်အပူၤ တၫ်မၤကမၣ်တၫ်အဂ့ၫ်န့ၣ်လီၤ.
