လါမ့ၤ(၂၇)သီ,၂၀၂၅နံၣ်
အ့ရှၢမုၢ်ထီၣ်ကလံၤထံးထံကီၢ်တဖၣ်ကရၢ(အၣ်စံၣ်ယၣ်)ကရၢဖိထံကီၢ်တဖၣ်အပူၤအိၣ် ခီပနံၥ်(၅၄)ခါအံၤ ကီၢ်ပယီၤပူၤသုးဟံးန့ၢ်ဆူၣ်ထံကီၢ်တၢ်စိတၢ်ကမီၤ၀ံၤအလီၢ်ခံဒီးတုၤခဲအံၤန့ၣ် ဆဲးမၤသကိးမုၥ်ကျိၤ၀ဲၤကွၢ်တဖၣ် ဒီးသုးကီၣ်ကးအဂ့ၢ် Justice For Myanmarထုးထီၣ်ပၥ်ဖျါဃၥ်၀ဲန့ၣ်လီၤ.
လါမ့ၤ(၂၄)သီအနံၤ Justice For Myanmar (JFM) အလံၥ်ပၥ်ဖျါအပူၤ ခီပနံၥ်ဒီးခီပနံၥ်(၇)ခါအံၤ အဘျးစဲလိၥ်သး ဒီး သုးကရူၢ်အတၢ်ပၢဆှၢဖီလၥ် ခီပနံၥ်တဖၣ်အဂ့ၢ် ပၥ်ဖျါဃၥ်၀ဲဃုၥ်ဒီးအမံၤတဖၣ်န့ၣ်လီၤ.
ခီပနံၥ်လၢ အဘျးစဲလိၥ်သးဒီးသုးကီၣ်ကးတဖၣ်မ့ၢ်၀ဲ ကီၢ်ကၠီၣ်တဲၣ်ပဒိၣ်န့ၢ်ပၢ PTTEP, မလ့ရှါရ့ၣ်နီၣ်ခီပနံၥ် ENRA Group, ကီၢ်စ့ၣ်ကပူၣ်အိၣ်သူၣ်လီၤ Interra Resources, ဘံၣ်ယဲးနၣ်ထံကီၢ်န့ၢ်ပၢခီပနံၥ် Viettel Global Investment, စ့ၣ်ကပူၣ် သ့ၣ်ခီပနံၥ်တဖၣ်ဒ်အမ့ၢ် Greenply Alkemal, Natural Forest ဒီးValency, မလ့ရှါထံကီၢ်န့ၢ်ပၢ MAMEE-Double Deckerဒီး ကီၢ်ကၠီၣ်တဲၣ်န့ၢ်ပၢ CP Groupဒီး စ့ၣ်ကပူၣ်ခီပနံၥ် Krislite Groupတဖၣ်န့ၣ်လီၤ.
ခီပနံၥ်လၢတၢ်ပၥ်ဖျါထီၣ်အမံၤတဖၣ်အကျါ တနီၤန့ၣ် ဘၣ်တၢ်ထုးထီၣ်မၤဖျါအီၤအဆိကတၢၢ်တဘျီ၀ံၤ ခီပနံၥ်တဖၣ်န့ၣ် ဆီၣ်ထွဲမၤစၢၤသုးကရူၢ်အံၤလၢ ရ့ၣ်နီၣ်ဒီးဂၥ်သ၀ံ, သ့ၣ်တၢ်ဖံးတၢ်မၤတဖၣ်, ဒိးဟ့ၣ်လီၤတၢ်လီၢ်ဒီးဟ့ၣ်၀ဲအခိတဖၣ်တဆီ မၤစၢၤ၀ဲလၢခိသွဲတဖၣ်, ကဘီယူၤသိ, တၢ်ဆဲးကျိးဆဲးကျၢဒီး ပ့ၢ်ဆှါစဲးဖီကဟၣ်ပီညါတဖၣ်၀ံၤ ဆီၣ်ထွဲဟ့ၣ်ဂံၢ်ဟ့ၣ်ဘါသုးကရူၢ်အတၢ်မၤကမၣ်သုးကွီၢ်မ့ၣ်တဖၣ်လၢ ထံဖိကီၢ်ဖိကမျၢၢ်တဖၣ်အဖီခိၣ်အဂ့ၢ် JFM စံး၀ဲန့ၣ်လီၤ.
အၣ်စံၣ်ယၣ်အတၢ်အၢၣ်လီၤ(၅)ထံၣ်လၢကီၢ်ပယီၤသုးဟံးန့ၢ်ဆူၣ်ထံကီၢ်တၢ်စိတၢ်ကမီၤအခိၣ်မ့အီၣ်လဲၣ်အၢၣ်လီၤ၀ဲလၢကပတုၥ်ကွံၥ်တၢ်မၤပျီၢ်မၤဂီၤတဖၣ်တဘျီဃီတၢ်ရဲၣ်တၢ်ကျဲၤန့ၣ်ယံၤထီၣ်၀ဲ(၄)နံၣ်ဘျဲၣ်ဘၣ်ဆၣ်တၢ်အဆၢတအိၣ်ထီၣ်နီတမံၤဒံးဘၣ်ဒီးမ့မ့ၢ်တခီအၣ်စံၣ်ယၣ်ထံကီၢ်ကရၢတဖၣ်အပူၤအိၣ်ခီပနံၥ်ဒီးအပဒိၣ်အမုၥ်ကျိၤ၀ဲၤကွၢ်တဖၣ်အံၤအဘျးစဲလိၥ်သးဒီးသုးကရူၢ်အံၤဒီးသုးကရူၢ်အံၤမၤအါထီၣ်၀ဲတၢ်မၤအၢမၤသီတဖၣ်လၢထံဖိကီၢ်ဖိကမျၢၢ်တဖၣ်အဖီခိၣ်အဂ့ၢ် JFMအလံၥ်ပၥ်ဖျါအပူၤ ပၥ်ဖျါဃၥ်၀ဲန့ၣ်လီၤ.
အၣ်စံၣ်ယၣ်ထံကီၢ်ကရၢဖိအပဒိၣ်တဖၣ် တခီ တၢ်ကဒီၣ်တဲၥ်ကွံၥ် သုးကီၣ်ကးအစ့ပၥ်ကီၤ, စုက၀ဲၤ, ဖဲးဖီကဟၣ်တၢ်ဖိတၢ်လံၤ, စဲးဖီကဟၣ်ပီညါဒီး ကဘီယူၤသိတဖၣ်အဆိအချ့အဂီၢ် Justice For Myanmar ဃ့ထီၣ်၀ဲန့ၣ်လီၤ.
လၢန့ၣ်အမဲၥ်ညါ အၣ်စံၣ်ယၣ်တခီ ကဆီၣ်ထွဲဘၣ် ကမျၢၢ်ပှၤတ၀ၢတၢ်ကရၢကရိတဖၣ် ဃ့ထီၣ်၀ဲဒ်အမ့ၢ် ကီၢ်ပယီၤထံဖိကီၢ်ဖိနီၢ်ကစၢ်တီခိၣ်ရိၣ်မဲ တၢ်ဘှါရှဲတၢ်ဂ့ၢ်ကီအံၤအကျိၤအကျဲအဂီၢ်ဒီး ကခီပတၥ်တၢ်အၢၣ်လီၤ(၅)ထံၣ်ဒီး တၢ်ကဘှါရှဲဘၣ် ကီၢ်ပယီၤတၢ်ဂ့ၢ်ကီအဂီၢ် Justice For Myanmar အလံၥ်ပၥ်ဖျါအပူၤ ဆီၣ်တခူထီၣ်ဃၥ်၀ဲန့ၣ်လီၤ.
