လါမ့ၤ(၂၇)သီ,၂၀၂၅နံၣ်
ကၠီၣ်တဲၣ်တၢ်ကရၢကရိတဖုလၢအမ့ၢ် တၢ်မၤစၢၤပှၤလၢတၢ်ဘၣ်ကူလဲၢ်မၤကၤပှၥ်ဘျးစဲကရၢ(CSNHTV)န့ၣ် ကီၢ်ချၢဖိတဖၣ်လၢ ကီၢ်ပယီၤအပူၤအိၣ် အိၣ်လဲတၢ်လံၣ်တၢ်လီကျိၥ်စ့ကဲတဖၣ် ဖီၣ်ဃၥ်၀ဲအံၤ ကထူၣ်ဖျဲးထီၣ်အဂီၢ် ဆီၣ်တခုဃ့ထီၣ်၀ဲန့ၣ်လီၤ.
CSNHTV န့ၣ် အဒိးန့ၢ်ဃၥ်၀ဲ ပှၤ(၁၅၈)ဂၤတဖၣ်လၢ တရူးထံကီၢ်ဖိန့ၢ်ပၢ ကၠါဖၠးကဲဖီၣ်ဃၥ်၀ဲစရီအဂ့ၢ်စံး၀ဲန့ၣ်လီၤ. ပှၤ(၁၅၈)ဂၤစရီအပူၤ က့ၣ်မရိ, အံၣ်သံၣ်ရီဘံယါ, အ့ၣ်ဒိၣ်နံရှါ, နၢၤကၠံရံယါ, ပၣ်က့ၣ်စတၣ်, တၣ်စါနံယါဒီး ယူၣ်ကၣ်နၣ်ထံဖိကီၢ်ဖိတဖၣ်ပၣ်ဃုၥ်၀ဲအဂ့ၢ် တၢ်သ့ၣ်ညါဘၣ်န့ၣ်လီၤ.
ပှၤကီၢ်ချၢဖိလၢ ကၠီၣ်တဲၣ်-ပယီၤကီၢ်ဆၢအိၣ်သူၣ်လီၤ ကၠါဖၠးကဲတဖၣ်ဖီၣ်ဃၥ်အီၤတဖၣ်န့ၣ် တၢ်ဖီၣ်ပၢၤဃၥ်အီၤလၢ ကညီသုးခိးကီၢ်ဆၢ(BGF), (DKBA)ပၢဆှၢဃၥ်ဟီၣ်က၀ီၤအပူၤ တၢ်လီၢ်လၢတဒ်သိးလိၥ်သးအပူၤအဂ့ၢ် CSNHTVစံး၀ဲန့ၣ်လီၤ.
ပှၤကီၢ်ချၢဖိလၢဘၣ်တၢ်ဖီၣ်ဃၥ်အီၤတဖၣ် တၢ်ပၢၤဃၥ်အီၤအဖၢမုၢ်န့ၣ် ခီဖျိထံဂုၤကီၢ်ဂၤတမၤတၢ်ဆီၣ်သနံးလၢ DKBA ဒီး BGFအဖီခိၣ် တုၤလီၤတီၤလီၤဘၣ်အဃိအဂ့ၢ် နဲၣ်ဖျါဃၥ်၀ဲန့ၣ်လီၤ.
ပှၤကီၢ်ချၢဖိကၠါဖၠးကဲတဖၣ် ဖီၣ်ဃၥ်၀ဲတဖၣ်န့ၣ် ဘၣ်တၢ်မၢဆူၣ်မၤဆိး, မၤဆူၣ်မၤဆါအီၤ တလီၤကုလီၤဂၥ်ဒီးပှၤကညီဘၣ်အဃိ ပှၤအါတက့ၢ်န့ၣ် လိၣ်ဘၣ်၀ဲတၢ်အိၣ်ဆူၣ်အိၣ်ချ့တၢ်ကဟုးကယၥ်အဂ့ၢ် CSNHTVဒုးသ့ၣ်ညါဃၥ်၀ဲန့ၣ်လီၤ.
ပှၤတဖၣ်အံၤ ကီၢ်ကၠီၣ်တဲၣ်အပူၤ ဒ်သိး တၢ်ကူစါယါဘျါသးအခွဲးကန့ၢ်အဂီၢ် တၢ်ကသုးလီၢ်သုးကလီၢ်န့ၢ်အီၤအဂီၢ် ဂုၥ်ကျဲးစၢးဟူးဂဲၤ၀ဲဘၣ်ဆၣ် န့ၢ်ဒၣ်ထဲစှၤဂၤလီၤအဂ့ၢ် စံး၀ဲန့ၣ်လီၤ.
လၢန့ၣ်အမဲၥ်ညါ အဟံၣ်ဖိဃီဖိတဖၣ်, မီၢ်သီ၀ဲၤဒၢးတဖၣ်, ပှၤတ၀ၢတၢ်ကရၢ ဃ့ထီၣ်တၢ်မၤစၢၤလၢ ပှၤဘၣ်မူဘၣ်ဒါလၢဘၣ်ထွဲတဖၣ်အအိၣ်ဘၣ်ဆၣ် တၢ်ကွၢ်ကပၤဃၥ်အီၤအဂ့ၢ် CSNHTV စံး၀ဲန့ၣ်လီၤ.
Ref- Enquirer
