လါမ့ၤ(၂)သီ,၂၀၂၅နံၣ်
ကီၢ်ကရ့ၣ်နံၣ်, မိၤခံဟီၣ်က၀ီၤပူၤ ခီဖျိဂ့ၢ်ဂီၤအူတၢ်အိၣ်သးအဖီခိၣ် တၢ်ကးတံၥ်တၢ်သူ Star linkတလါအဂ့ၢ် ကီၢ်ရ့ၣ်ပၥ်ဖှိၣ်တၢ်ပၢတၢ်ပြးကမံးတံၥ် ထုးထီၣ်ပၥ်ဖျါဃၥ်၀ဲဖဲ လါအ့ဖြ့ၣ်(၂၈)သီအနံၤန့ၣ်လီၤ.
တၢ်ကးတ့ၥ်ဃၥ်တၢ်သူ Star link Wi-Fiတလါအတီၢ်ပူၤ၀ံၤ မ့မ့ၢ်လၢ ၀ဲကျိၤ၀ဲၤဒ့ဘၣ်ထွဲတၢ်ကရၢကရိတဖၣ်တခီ မ့ၢ်အဲၣ်ဒိးသူ Star linkန့ၣ် တၢ်ကဘၣ်လဲၤတီၣ် တၢ်ဟ့ၣ်တၢ်ပျဲတၢ်သူ Star link ခိၣ်ဂီၤစရီလၢ မိၤခံကရူၢ် တၢ်ပၢတၢ်ပြးအခိၣ်၀ဲၤဒၢးအဂ့ၢ် စံး၀ဲန့ၣ်လီၤ.
“တၢ်ဘံၣ်တၢ်ဘၢအဖီခိၣ် တၢ်ကကးတံၥ်တလါအဂီၢ် ဘိးဘၣ်ရၤလီၤဃၥ်လံၥ်တၢ်ကလုၢ်၀ံၤလံ. ထံဖိကီၢ်ဖိကမျၢၢ်ဒီး ပှၤမၤမုၥ်ကျိၤ၀ဲၤကွၢ်တဖၣ်အဂီၢ် တၢ်ကးတံၥ်ဃၥ်တလါန့ၣ်လီၤ. ဘၣ်ဆၣ်ဒီးလၢ ၀ဲၤကျိၤ၀ဲၤဒ့ကရူၢ်ကရၢတဖၣ်တခီ မ့ၢ်အိၣ်ဒိးသူန့ၣ်တၢ်ကဘၣ်ဟဲပၥ်ဖျါထီၣ်တၢ်ဂ့ၢ်တၢ်ကျိၤအဂ့ၢ်”ကီၢ်ကရ့ၣ်နံၣ်တၢ်ဘၢၣ်စၢၤပၢပြးကီၣ်ကး(IEC)နဲၣ်ရွဲၣ်သဃၢၤ(၂) အူပညါစံး၀ဲန့ၣ်လီၤ.
ဂ့ၢ်ဂီၤအူအကတီၢ် တၢ်အီၣ်ကျးဒီးတၢ်ဆါတၢ်ပှ့ၤကျးတဖၣ် တၢ်ဟ့ၣ်တၢ်ပျဲလၢ တၢ်ကအိးထီၣ်လၢဂီၤ(၈)နၣ်ရံၣ်တုၤဟါ(၆)နၣ်ရံၣ်အတီၢ်ပူၤ, ပှၤအါအါဂီၢ်ဂီၢ်ရိဖှိၣ်မူးပွဲတဖၣ်, တလါအတီၢ်ပူၤ တၢ်တဟ့ၣ်တၢ်ပျဲလၢတၢ်မၤ၀ဲတၢ်ဘူၣ်တၢ်ဘါမူးပွဲတဖၣ်, ဒူသ၀ီက၀ီၤဒ့တဖၣ်အပူၤ တၢ်တပျဲလ့ၤလိၤဟးထီၣ်လၢ ဟါ(၈)နၣ်ရံၣ်ဘျဲၣ်အဆၢကတီၢ်၀ံၤ ဂ့ၢ်ဂီၤအူတၢ်အိၣ်သးတဖၣ်အဖီခိၣ် ပၢပြးခိၣ်ဒီးတၢ်ဘံၣ်တၢ်လၢကရၢတဖၣ် အတၢ်ပျဲအဖီခိၣ် တၢ်ကဟ့ၣ်တၢ်ပျဲပၣ်ဃုၥ် တၢ်သိၣ်တၢ်သီတဖၣ် ပၥ်ဖျါဃၥ်၀ဲလၢ လံၥ်ဘိးဘၣ်ရၤလီၤအပူၤန့ၣ်လီၤ.
မိၤခံဟီၣ်က၀ီၤအပူၤ ဘၣ်ထွဲ ဒီးကလံၤကျါတၢ်ဒုးအဂ့ၢ် တၢ်ဂီၤ,တၢ်ဂီၤမူလၢတၢ်တီၣ်ဖျါထီၣ်တဖၣ် တၢ်ကးတံၥ်ဃၥ်၀ဲ၀ံၤ တၢ်သမံသမိးတြဲၤတဖၣ်အပူၤ တၢ်မၤဃံးထီၣ် တၢ်နုၥ်လီၤဟးထီၣ်တဖၣ်၀ံၤ ပၢပြးပှၤဘၣ်မူဘၣ်ဒါလၢဘၣ်ထွဲတဖၣ်ဒီးတၢ်ပၢဆှၢရဲၣ်ကျဲၤပှၤနုၥ်လီၤဟးထီၣ်၀ဲၤကျိၤ အလံၥ်အုၣ်သးမ့ၢ်ပၣ်မး ကပျဲလ့ၤလိၤဟးထီၣ်တၢ်ဂ့ၢ်တဖၣ်စ့ၢ်ကီး ပၣ်ဃုၥ်၀ဲန့ၣ်လီၤ.
ဖဲအပူၤကွံၥ် လါမးရှး(၂)သီ, လါအ့ဖြ့ၣ်(၂၄)သီဒီး(၂၆)သီတဖၣ်အပူၤ ခီဖျိသုးကီၣ်ကးအသုး ဟဲတ့ၢ်မ့ၣ်ပိၢ်လၢကလံၤကျါအဃိ လီၢ်က၀ီၤကမျၢၢ်(၈)ဂၤ သံ၀ဲ၀ံၤ ဘၣ်ဒိ၀ဲ(၁၃)ဂၤဒီး တၢ်သူၣ်ထီၣ်တနီၤဘၣ်ဟးဂီၤကွံၥ်၀ဲန့ၣ်လီၤ.
Ref: DVB
