လါအ့ဖြ့ၣ်(၇)သီ,၂၀၂၂၅နံၣ်
ကီၫ်ပယီၤလၢတူၫ်ဘၣ်ဟီၣ်ခိၣ်ဟူးတၫ်ဘၣ်ဒိဘၣ်ထံးအံၤအပူၤ ဒ်သိးတၫ်မၤ၀ဲ တၫ်မၤပူၤဖျဲးထီၣ်တၫ်ဖံးတၫ်မၤဒီး တၫ် က့ၤသူၣ်ထီၣ်ဆီလီၤတဖၣ်ကန့ၫ်အဂီၫ် တၫ်ကမၤအါထီၣ်ဘၣ် တၫ်ပတုာ်တၫ်ခးသးသမူအဂီၫ် မလ့ရှါထံဂုၤကီၫ်ဂၤကိ တိာ် Datuk Seri Mohamad Hasanတဲဆီၣ်တခူထီၣ်သုးကီၣ်ကးန့ၣ်လီၤ.
အၣ်စံၣ်ယၣ်ထံကီၫ်တဖၣ် လီၤဆီဒၣ်တၫ် ကီၫ်မလ့ရှါန့ၣ် မုၫ်လၫ်၀ဲလၢ တၫ်မၤအါထီၣ်တၫ်ပတုာ်တၫ်ခးသးသမူ ကအါဒိၣ်န့ၫ်ဒံးအပူၤကွံာ် သုးကီၣ်ကးဘိးဘၣ်ရၤလီၤတ့ၫ်၀ဲအဂ့ၫ် တဲ၀ဲလီၤ.
ကီၫ်ပယီပူၤ ဟီၣ်ခိၣ်ဟူး အသဟီၣ်ဆူၣ် အပတီၫ်အိၣ်(၇.၇)ဟူး၀း၀ံၤအလီၫ်ခံ တုၤလါအ့ဖြ့ၣ်(၂၂)သီ,လၢ(၃)နွံအတီၫ်ပူၤ ပတုာ်တၫ်ခးအဂ့ၫ် ဖဲလါအ့ဖြ့ၣ်(၂)သီအနံၤန့ၣ် သုးကီၣ်ကးဘိးဘၣ်ရၤလီၤ၀ဲလီၤ.
တၫ်ဘိးဘၣ်ရၤလီၤအံၤ အၣ်စံၣ်ယၣ် တူၫ်လိာ်ဘၣ်၀ဲအဂ့ၫ် တဲ၀ဲလီၤ.” ကွၫ်ဆၢၣ်မဲာ်ဘၣ်န့ဆၢၣ်တၫ်မၤဘၣ်ဒိဘၣ်ထံး ဒ် သိးအံၤအကတီၫ် ထုးထီၣ်ဘိးဘၣ်ရၤလီၤ၀ဲန့ၣ် သးခုဒိၣ်မးလီၤ.ပှၤကိးဂၤဒဲး သုတမၤကဒီးတၫ်သဘံၣ်သဘုၣ်တဖၣ် တဂ့ၤ.တၫ်လၢအရ့ဒိၣ်ကတၢၫ်န့ၣ် ကမၤပူၤဖျဲးထီၣ်ပှၤကီၫ်ပယီၤဖိဒ်လဲၣ်ဒီးတၫ်မၤစၢၤတဖၣ် ကမၤန့ၫ်၀ဲဒ်လဲၣ်န့ၣ်လီၤ အဂ့ၫ်”ဖဲလါအ့ဖြ့ၣ်(၅)သီနံၤ ဘၣ်ထွဲကီၫ်ပယီၤ ပှၤတ၀ၢတၫ်မၤစၢၤတၫ်ဖံးတၫ်မၤ တချူးကတၢၫ်ကွံာ် တၫ်မၤ၀ဲတၫ်က စီၣ်တၫ်ရဲၣ်တၫ်ကျဲၤအကတီၫ် တဲတ့ၫ်၀ဲလီၤ.
Mr. Hasanဒီးကၠီၣ်တဲၣ်ထံဂုၤကီၫ်ဂၤကိတိာ် Maris Sangiampongsaတဖၣ် ဖဲလါအ့ဖြ့ၣ်(၅)သီအနံၤန့ၣ် ဟဲဆူကီၫ် ပယီၤ၀ံၤ ထံၣ်လိာ်အသးဒီးသုးကီၣ်ကးအပှၤပၢၤလီၫ်ဆ့ၣ်နီၤ မ့အီၣ်လဲၣ်န့ၣ်လီၤ.
လၢတၫ်ထံၣ်လိာ်သးအံၤအပူၤ ကီၫ်မလ့ရှါ ဟ့ၣ်တၫ်အၢၣ်လီၤလၢကမၤစၢၤ၀ဲအကျါ ဒ်တနီၤအသိး ပှၤတ၀ၢတၫ်မၤစၢၤ (၁၅)တၣ် ဟ့ၣ်ခီဃီၤ၀ဲလၢဖိးသဲစးအပူၤအဂ့ၫ် တဲ၀ဲလီၤ.
ကဘီယူၤလၢဟဲတီၣ်တၫ်မၤစၢၤလၢအဂၤတဖၣ်စ့ၫ်ကီး လါအ့ဖြ့ၣ်(၇)သီနံၤန့ၣ် ကတုၤလၢန့ၣ်ပၠံၣ်တီၣ်အဂီၫ် ရဲၣ်ကျဲၤ ဃာ်၀ဲအဂ့ၫ် ကိတိာ် Datuk Seri Mohamad Hasanတဲ၀ဲအဂ့ၫ် Bernamaတၫ်ကစီၣ် ပာ်ဖျါ၀ဲလီၤ.
Ref: rfa
