လါမးရှး(၂၆)သီ,၂၀၂၅နံၣ်
တၢ်ဒီၣ်တဲၥ်ကွံၥ် ပှၤဟီၣ်ခိၣ်ဖိတၢ်ဒိသူၣ်ဒိသးတၢ်ဆီၣ်ထွဲမၤစၢၤတဖၣ်အဃိ ဖိသၣ်လၢအိၣ်ဖျဲၣ်ထီၣ်သီတၢ်သံတၢ်ပှၢ်အနီၣ်ဂံၢ်နီၣ်ဒွး ဒိၣ်ထီၣ်သ့အဂ့ၢ် ဘီမုၢ်စၢဖှိၣ်ကရၢ ဟ့ၣ်ပလီၢ်လီၤ၀ဲဖဲ လါမးရှး(၂၄)သီအနံၤန့ၣ်လီၤ.
တၢ်ဒီၣ်တဲၥ်ကွံၥ်တၢ်ဆီၣ်ထွဲမၤစၢၤအဃိတၢ်ပိၥ်ထွဲထီၣ်အခံလၢအမ့ၢ်ဖိသၣ်လၢအိၣ်ဖျဲၣ်ထီၣ်သီတၢ်သံတၢ်ပှၢ်အထီကတၢၢ်တဖၣ်အိၣ်ထီၣ်၀ဲဒၣ်လၢအၣ်ဖရံးကၣ်ဆၣ်ဟၣ်ရၣ်မဲးမုၢ်ခိၣ်လီၢ်က၀ီၤဒီးအ့ရှၢကလံၤထံးလီၢ်က၀ီၤတဖၣ်အပူၤအဂ့ၢ် ဟ့ၣ်ပလီၢ်ဃၥ်၀ဲလၢ အလံၥ်ပၥ်ဖျါအပူၤန့ၣ်လီၤ.
၂၀၂၃နံၣ်အတီၢ်ပူၤ ဖိသၣ်လၢသးနံၣ်အိၣ်(၅)နံၣ်ဆူအဖီလၥ် ဘၣ်သံ၀ဲ(၄.၈)ကကွဲၢ်၀ံၤ ဖဲန့ၣ်အကျါ ဖိသၣ်လၢသးနံၣ်အိၣ်တလါဆူအဖီလၥ် ပၣ်ဃုၥ်၀ဲ(၂.၃)ကကွဲၢ်အဂ့ၢ် စံး၀ဲန့ၣ်လီၤ. ၂၀၀၀နံၣ်အလီၢ်ခံန့ၣ် စှၤလီၤကွံၥ်၀ဲ(၅၂)မျးကၥ်ၤအဂ့ၢ် ပၥ်ဖျါဃၥ်၀ဲန့ၣ်လီၤ.
တၢ်ဒီၣ်တဲၥ်ကွံၥ်တၢ်ဆီၣ်ထွဲမၤစၢၤတဖၣ်အဃိ ဆူၣ်ချ့ပှၤမၤတဖၣ်ကၤထီၣ်, တၢ်ဘၣ်ကးတံၥ်ကွံၥ် တၢ်ဆါဟံၣ်တဖၣ်, တၢ်ဘၣ်ပတုၥ်ကွံၥ် တၢ်ဆဲးတၢ်ဒီသဒၢကသံၣ်တဖၣ်, ဒီးကသံၣ်ကသီလၢတၢ်ကကူစါယါဘျါတၢ်ညၣ်ဂိၣ်တၢ်ဆါအဂီၢ် တလၢတလီၣ်ဘၣ်တၢ်ဂ့ၢ်ကီတဖၣ် အိၣ်ထီၣ်လံအဂ့ၢ် စံး၀ဲန့ၣ်လီၤ.
ကိးမုၢ်နံၤ ဟီၣ်ခိၣ်ဒီဘ့ၣ် ပိၥ်မုၣ်(၅)ကထိအံၤ ဘၣ်ကွၢ်ဆၢၣ်မဲၥ်ဘၣ်ဒီးအိၣ်ဖျဲၣ်ထီၣ်ဖိသၣ်အသံတဖၣ်အဂ့ၢ် လံၥ်ပၥ်ဖျါအပူၤစံး၀ဲန့ၣ်လီၤ.
တၢ်ဒုးလီၤပှီၢ်ကွံၥ်တၢ်ညၣ်ဂိၣ်တၢ်ဆါအပူၤတၢ်မ့ၢ်ဒီသဒၢန့ၢ်ဖိသၣ်လၢအိၣ်ဖျဲၣ်ထီၣ်သီတဖၣ်ဒီးဂံၢ်ခီၣ်ထံးတၢ်မၤစၢၤတဖၣ်တၢ်ဆီၣ်ထွဲဖိသၣ်တဖၣ်အဂီၢ်မ့ၢ်န့ၢ်န့ၣ် ဟံၣ်ဖိဃီဖိလၢအကကွဲၢ်တၢ်အိၣ်မူတဖၣ် ဆီတလဲအသးသ့အဂ့ၢ် ဟီၣ်ခိၣ်ဒီဘ့ၣ်ဆူၣ်ချ့ကရၢ (WHO)ပှၤနဲၣ်တၢ် Dr. Adhanom Ghegreyesus စံး၀ဲန့ၣ်လီၤ.
Ref:rfa
