လါမးရှး(၁၉)သီ,၂၀၂၅နံၣ်
လၢထဲၣ်၀ဲၣ်ကီးအကပၤ တရူးသုးမုၫ်ဒိၣ်ဂဲၤလိသုးတၫ်ဂီၤမူန့ၣ် ထဲၣ်၀ၣ်တၫ်ဒီသဒၢကိတိာ်၀ဲၤကျိၤ ရၤလီၤ၀ဲဖဲလါမးရှး(၁၇)သီအနံၤန့ၣ်လီၤ.
ထဲၣ်၀ၣ်ကီၫ်ခိၣ် လဲၣ်ခၠ့တဲၣ်န့ၣ် ကရၢကရိဟူးဂဲၤသူကဒီး၀ဲတၫ်ထုးဖးသးတၫ်ဘျၢတဖၣ်အဃိ ဒ်တၫ်ဟ့ၣ်အီၤ တၫ်ကမၣ်အသိး တၫ်ဂဲၤလိသုးဒ်သိးအံၤအဂ့ၫ် တရူးကီၫ်မိၫ်ပှၫ်ပဒိၣ် ဘိးဘၣ်ပာ်ဖျါ၀ဲ၀ံၤအလီၫ်ခံ ထဲၣ်၀ၣ်ရၤ လီၤတၫ်ဂီၤမူဒ်သိးအံၤလီၤ.
ထဲၣ်၀ၣ်လၢဘၣ်တၫ်ပၢဆှၢအီၤဒ်ဒံၣ်မိၣ်ကရ့ၣ်စံၣ်အသိးအံၤ,ကမၤ၀ဲဒ်သိးကအိၣ်ကဒါက့ၤ၀ဲလၢအစုတီၤဖီလာ်အဂီၫ် ကျိၤကျဲလၢတၫ်သူဂံၫ်ဘါန့ၣ် တရူးတပတုာ်၀ဲနီတဘျီဘၣ်အသိး,လၢတနံၣ်အံၤအပူၤ ဟ့ၣ်ဆီၣ်သနံးအါထီၣ် ထဲၣ်၀ဲလၢသုးဂ့ၫ်၀ီဒီးထံရူၫ်ကီၫ်သဲးဂ့ၫ်၀ီတဖၣ်န့ၣ်လီၤ.
တရူးန့ၣ် ဒ်တၫ်ပာ်ဖှိၣ်ဒုးသဃဲၤတၫ်က့ၫ်ဂီၤအသိးအိၣ်ကတီၤအသး၀ံၤ ဂီၤတဘျီ,ဟါတဘျီ ဟးတရံးကွၫ်စုာ်တၫ်အိၣ်၀ဲအဂ့ၫ် ထဲၣ်၀ၣ်တၫ်ဒီသဒၢကိတိာ်၀ဲၤကျိၤတဲ၀ဲလီၤ.
လၢထဲၣ်၀ၣ်အကပၤ လီၫ်က၀ီၤတဖၣ်အပူၤ တၫ်ပျၫ်လီၤဃာ်၀ဲ J-10ကဘီယူၤဒုးသုးပာ်ဃုာ် တရူးသုးကဘီယူၤ(၅၄)ခိၣ် အဂ့ၫ် တဲ၀ဲလီၤ.
တရူးကဘီယူၤတဖၣ်န့ၣ် ယူၤ၀့ၤ၀ီၤလၢ ထဲၣ်၀ၣ်အကလံၤစိး,မုၫ်နုာ်ကလံၤထံးဒီးမုၫ်ထီၣ်တကပၤတဖၣ်၀ံၤ တၫ်ကအိၣ် ခိးကွၫ်အဂီၫ် တၫ်ဟ့ၣ်လီၤဃာ် ထဲၣ်၀ၣ်ကလံၤသုးဒီးထံသုးမူဒါအဂ့ၫ် ထဲၣ်၀ၣ်တၫ်တီသဒၢကိတိာ်၀ဲၤကျိၤ တဲ၀ဲလီၤ.
Ref: DVB
