၀့ၫ်တကူၣ်ပာ်ဃုာ် ကီၫ်ခီဒီးကီၫ်စဲၣ်(၇)ဘ့ၣ်အပူၤ တၫ်ကိၫ်ဆူၣ်ဒိၣ်န့ၫ်ဒံးညီနုၫ်အသိးသ့

လါမးရှး(၁၈)သီ,၂၀၂၅နံၣ်

၀့ၫ်တကူၣ်ပာ်ဃုာ် ကီၫ်ခီဒီးကီၫ်စဲၣ်(၇)ဘ့ၣ်အပူၤ မုၫ်ဆါတၫ်ကိၫ်ဆူၣ်ထီၣ်ဒ်ညီနုၫ်အသိးသ့အဂ့ၫ် ဒီကလုာ်ဃူဖိးပဒိၣ် (NUG),ပှၤတ၀ၢတၫ်ဆီၣ်ထွဲမၤစၢၤဒီးတၫ်ပၢဆှၢရဲၣ်ကျဲၤန့ဆၢၣ်တၫ်လီၤဘၣ်ယိၣ်ကိတိာ်၀ဲၤကျိၤ(MOHADM) ထုးထီၣ် ဘိးဘၣ်ရၤလီၤ၀ဲလီၤ.

ဖဲလါမးရှး(၁၇)သီနံၤတုၤ(၂၃)သီနံၤ,လၢတနွံအတီၫ်ပူၤ တၫ်တယာ်မူခိၣ်ကလံၤသီၣ်ဂီၤအပူၤ ကီၫ်ပယီၤအဆၢခိၣ်တက ပၤဒီးတၫ်ခၢၣ်သးဟီၣ်က၀ီၤတဖၣ်အပူၤ ဖဲလါမးရှး(၂၂)သီန့ၣ် မူခိၣ်စူၤပူၤတီၤပူၤသ့၀ဲလီၤ.

ဖဲတၫ်ဆၢကတီၫ်၀ဲန့ၣ်အတီၫ်ပူၤ ၀့ၫ်တကူၣ်ကီၫ်ခီ,မါတလ့ကီၫ်ခီ,စကဲကီၫ်ခီ,မကွ့ကီၫ်ခီ, အ့ၣ်ယၣ်၀တံၣ်ကီၫ်ခီ,ပကိကီၫ်ခီ ဒီးရၢၫ်ခၢၫ်ကီၫ်စဲၣ်တဖၣ်အပူၤ မုၫ်ဆါတၫ်ကိၫ် ဆူၣ်ဒိၣ်န့ၫ်ဒံးညီနုၫ်အသိးသ့အဂ့ၫ် တဲ၀ဲလီၤ.

ဘၣ်ဆၣ် တနီသရံၣ်ကီၫ်ခီဒီးကခၠ့ၣ်ကီၫ်စဲၣ်တဖၣ်တခီ ဒ်တၫ်ကိၫ်ညီနုၫ်အသိး ကလီၤစှၤဆူအဖီလာ်သ့၀ံၤ ကီၫ်ခီဒီးကီၫ် စဲၣ်လၢအိၣ်တ့ၫ်တဖၣ်တခီ တၫ်ကိၫ်ကအိၣ်ဒ်ညီနုၫ်အသိးအဂ့ၫ် MOHADMဟ့ၣ်ဒုးသ့ၣ်ညါ၀ဲလီၤ.

ပှၤ၀့ၫ်တကူၣ်ဖိတဂၤတဲ၀ဲလၢ “လၢမုၫ်ဆါန့ၣ်တၫ်ကိၫ်ဆါမးလီၤ.လၢဟံၣ်န့ၣ်သူၣ်က့သးပှၫ်အိၣ် ဒီးကွၫ်ဆၢၣ်မဲာ်ဘၣ် တၫ် ကိၫ်နးမးလီၤ.လၢခံတလါဒုလီၤဂာ်လၢတၫ်ကိၫ်ကဆူၣ်န့ၣ်အ၀ဲအံၤလီၤ.”

လါမးရှး အပူၤမကွ့ကီၫ်ခီ,န့ၣ်ပၠံၣ်တီၣ်,ပကိကီၫ်ခီ,အ့ၣ်ယၣ်၀တံၣ်ကီၫ်ခီ, ၀့ၫ်တကူၣ်ကီၫ်ခီ,ကညီကီၫ်စဲၣ်,တလၢၤကီၫ်စဲၣ် ဒီးတနီသရံၣ်ကီၫ်ခီတဖၣ်အပူၤ မုၫ်ဆါတၫ်ကိၫ် ကအိၣ်တုၤလၢ (၄၀)ဒံၣ်ကရံၣ်စ့ၣ်တံၣ်ကရ့းအဆၢခိၣ်သ့အဂ့ၫ် ပှၤဃု သ့ၣ်ညါ မူခိၣ်ကလံၤသီၣ်ဂီၤ အူ၀့နဲၣ်ဟ့ၣ်ပလီၫ်ဃာ်၀ဲလီၤ.

ပှၤလၢဘၣ်မၤတၫ်လၢတၫ်ကိၫ်ကျါတဖၣ်,သူၣ်က့သးပှၫ်ဒီးဖိသၣ်ဆံးတဖၣ် အနီၫ်ခိပူၤထံနိတဖၣ် စှၤလီၤသ့၀ံၤ တူၫ်ဘၣ် (Heat-stroke)သ့အဃိ ကပလီၫ်ဘၣ်သးအဂီၫ် အူ၀့နဲၣ် တဲဆီၣ်တခူထီၣ်ဃာ်၀ဲလီၤ.

Ref:Mizzama