လါမးရှး(၁၈)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,ယ့ၣ်ကၠံၣ်ကီၫ်ဆၣ်,၀့ၫ်ငသဲခၠီ,မၠီးစါကျိဖးဒိၣ်သုး ၃၄၄သုးကလၢၤန့ၣ် သုးကီၣ်ကးကတီၤဃး၀ဲ ကျၢၤကျၢၤ၀ံၤ ဘၣ်ဆှၢသုးတၫ်မၤစၢၤအဂ့ၫ် တၫ်သ့ၣ်ညါဘၣ်လီၤ.
တၫ်ထီၣ်ဒုးဃီၤတဖၣ်န့ၣ် ကတုၤဃီၤဆူ ကျိဖးဒိၣ်သုးကလၢၤအိၣ်လီၤအဃိ ခိဖျိလၢကဟၣ်ခူၣ်ကပံာ် လၢဂ့ၫ်ဂီၫ်အူအပူၤဘၣ်ခူၣ်ဃာ်တၫ်၀ံၤ တၫ်ကလဲၤမၤစၢၤတၫ်အဂီၫ် ကိးန့ၫ်ဆူၣ်၀ဲ မ့းသလ့ၣ်,ဒယဲၫ်ခိၣ်,ယ့ၣ်သိ,ဆ့ၣ်သ့ၣ်,သံၣ်တၣ်ကိသ၀ီဖိတဖၣ်အဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်န့ၣ်လီၤ.
“ကျိဖးဒိၣ်သုး တၫ်အိၣ်ခိးလီၤတြီဆၢတၫ်အလီၫ်တဖၣ် တဲ၀ဲလၢတၫ်ကဘၣ်မၤ၀ံၤလၢအဆိအချ့အဃိ သ၀ီကပိာ်က ပၤပိာ်ခွါတဖၣ် ကိးမၢန့ၫ်ဆူၣ်၀ဲလီၤ.သုးသိလ့ၣ်တဖၣ်စ့ၫ်ကီး ကိးမုၫ်နံၤဒဲးနုာ်လီၤဟးထီၣ်အိၣ်၀ဲအဂ့ၫ်”ငသဲခၠီ ပှၤလီၫ်က ၀ီၤဖိတဂၤတဲ၀ဲလီၤ.
ကျိဖးဒိၣ်သုးကလၢၤအပူၤ တ့ထီၣ်ဃာ်တၫ်ခီၣ်ဆၢအလီၫ်ကျၢၤကျၢၤဒီးဒူၣ်တံာ်ဃာ်၀ဲတၫ်အဒူၣ်တဖၣ်လၢအဆိအချ့၀ံၤ ငသဲခၠီ-ကွးကျဲမုၫ်ခိၣ်, ဖဲတၢၣ်နီၫ်ဂံၫ် ၁၁တၢၣ်,၄ဖၣ်လိၣ် သံၣ်တၣ်က့အဆၢန့ၣ် ဆီလီၤဃာ်၀ဲကျိဖးဒိၣ်အလီၫ်တတီၤ ဖဲ ပှၤဆီၣ်ထွဲသုးကီၣ်ကးအဟံၣ်ကရၢၫ်ပူၤဒီးခးလီၤကျိဖးဒိၣ်ဒီးကျိဖိတဖၣ်ဆူ စၣ်အူးစါဒီးကၠီးတဲၣ်ဘွ့ၣ်သ၀ီတဖၣ်အပူၤ အဂ့ၫ် တၫ်သ့ၣ်ညါဘၣ်လီၤ.
သုးကီၣ်ကးန့ၣ် ခလရ-၃၆လၢအိၣ်ဆီလီၤအသးဖဲကၠီၣ်ပၠီၣ်အံၤ သူ၀ဲကၠိသိလ့ၣ်တဖၣ်၀ံၤ ဆှၢသုးတၫ်မၤစၢၤဆူ ကျိဖးဒိၣ်သုး နီၫ်ဂံၫ်၃၄၄ဒီးညီၣ်အဲၣ်,ခၠ့လဲၣ်,စဲးစဲးယိၣ်သ၀ီတဖၣ်အဂ့ၫ် တၫ်သ့ၣ်ညါဘၣ်လၢလီၫ်က၀ီၤဖိတဖၣ်အိၣ်န့ၣ်လီၤ.
ဒ်န့ၣ်အသိး,ဖဲလါမးရှး(၁၇)သီအနံၤန့ၣ် ခလရ ၃၉ ဆှၢဃီၤ၀ဲ သုးသိလ့ၣ်(၈)ခိၣ်ဆူ ကျိဖးဒိၣ်သုးကလၢၤပူၤအဂ့ၫ် သုးခိၣ်စ့ၣ်ယီၣ်တဲဃာ်၀ဲလီၤ.
လၢပသံၣ်-မိၣ်ယွၣ်ကျဲမုၫ်ခိၣ် စဲးစဲးယိၣ်သ၀ီကပိာ်ကပၤ ဖဲလါမးရှး(၁၇)သီ,စးထီၣ်ဖဲဂီၤ(၁)နၣ်ရံၣ်ဃၣ်ဃၣ်န့ၣ် တၫ်ဒုး ဆူၣ်ထီၣ်၀ံၤ ခံကပၤလၢာ်တၫ်ဘၣ်ဒိဘၣ်ထံးအိၣ်အဂ့ၫ် တၫ်သ့ၣ်ညါဘၣ်လီၤ.
လၢကျိဖးဒိၣ် နီၫ်ဂံၫ် ၃၄၄ဒီးကွ့ကီးသ၀ီအဘၢၣ်စၢၤ ဖဲခၠ့လဲၣ်သ၀ီန့ၣ် သုးကီၣ်ကးအသုးတဖၣ်နုာ်လီၤဟံးန့ၫ်ဃာ်တၫ် လီၫ်၀ံၤ ဟံးန့ၫ်ဃာ်လီၫ်က၀ီၤကမျၢၫ်အလီတဲစိတဖၣ်ဒီး ဖီၣ်သမံသမိး၀ဲဖဲစ့ၣ်တံၣ်တထီၣ်သီခါဖၠၣ်ကရၢၫ်ပူၤအဂ့ၫ် တၫ်သ့ၣ်ညါဘၣ်လီၤ.
Ref: Ayeyarwaddy Times
