လါဖ့ၤဘြူၤအါရံၤ(၂၇)သီ,၂၀၂၅နံၣ်
တလၢၤကီၢ်စဲၣ်,ယ့ကီၢ်ဆၣ်, ကၠိၣ်လီသ၀ီလီၢ်လံၤတၢ်ဒုးအပူၤ သုးကီၣ်ကးအသုး သံ၀ဲ(၇၀)ဂၤဃၥ်ဃၥ်ဒီး ဘၣ်ဒိ၀ဲ(၄၀)ဂၤဃၥ်ဃၥ်အဂ့ၢ် KBDF Droneသုး သိၣ်ဒူပၣ်ပံၣ်လိၣ် စံး၀ဲန့ၣ်လီၤ.
ဖဲလါယနူၤအါရံၤ(၈)သီအနံၤန့ၣ် သုးကီၣ်ကးအသုး စကခ၁၉အစုတီၤဖီလၥ်သုးရ့ၣ်သုးဖိလၢအိၣ်ယ့ကီၢ်ဆၣ်ပူၤ အဂံၢ်အဘါအါအါဂီၢ်ဂီၢ် ဟဲထီၣ်သုးကျိၤဆူ ကၠိၣ်လီသ၀ီလီၢ်လံၤတပၤအဃိ တၢ်ပၢၢ်ဆၢသုးပၥ်ဖှိၣ်တဖၣ် ပၥ်ဖှိၣ်ဒုးအီၤဒီး တၢ်ဒုးဆူၣ်ထီၣ်တ့ၢ်၀ဲ(၃)သီဃၥ်ဃၥ်၀ံၤ သုးကီၣ်ကးအသုးသံ၀ဲ(၇၀)ဂၤဃၥ်ဃၥ်ဒီး ဘၣ်ဒိ၀ဲ(၄၀)ဂၤဃၥ်ဃၥ်အဂ့ၢ် တၢ်သ့ၣ်ညါဘၣ်န့ၣ်လီၤ.
လၢတၢ်ဒုးအပူၤ သုးကီၣ်ကးအသုးတဖၣ်ဒ်အမ့ၢ် အမတ ၃၁၆ ,ခလရ ၆၁, ခမရ ၅၈၃ သုးရ့ၣ်တဖၣ်, ခးစၢၤ၀ဲဒၣ်လၢ ၁၂၀ မမ , ၈၁ မမ၊ ၆၀ မမတဖၣ်၀ံၤ လဲၤလီၤတဲၥ်ပိၢ်ဖးထီၣ်၀ဲဒၣ်ဖဲ ကၠိၣ်လီသ၀ီလီၢ်လံၤအကပၤအဃိ ကၠိၣ်လီသ၀ီ, ကၠီးမံးကၠီသ၀ီပၥ်ဃုၥ်သ၀ီလၢအဘူးဖဲန့ၣ်တဖၣ်အပူၤ ကမျၢၢ်အကထိတဖၣ် ဘၣ်ဃ့ၢ်ပူၤဖျဲးသးအဂ့ၢ် တၢ်သ့ၣ်ညါဘၣ်န့ၣ်လီၤ.
တလၢၤ, ကညီဒီး PDFသုးပၥ်ဖှိၣ်တဖၣ် ဒုး၀ဲသုးကီၣ်ကးအသုးလၢ ဟဲထီၣ်တဖၣ်၀ံၤ မ့မ့ၢ်လၢ တၢ်ပၢၢ်ဆၢသုးပၥ်ဖှိၣ်တပၤတခီ တၢ်ဘၣ်ဒိဘၣ်ထံးတအိၣ်၀ဲဘၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
Ref:Khit Thit
