လါဖ့ၤဘြူၤအါရံၤ(၂၇)သီ,၂၀၂၅နံၣ်
သုးကီၣ်ကးအသုးတပၤ ဒ်သိးကဒိၣ်စိက့ၤ ယိၤ-ကရ့ၣ်နံၣ်ကီၢ်စဲၣ်အဆၢ ၀့ၢ်မိပၠဲတပၤအဂီၢ် ဒုး၀ဲတၢ်ပၢၢ်ဆၢသုးပၥ်ဖှိၣ် တဖၣ်လၢ မ့ၣ်အူမ့ၣ်ပိၢ်လၢအိၣ်ဒီးအစုာ်အပျၫ်တဖၣ် လၢလါဖ့ၤဘြူၤအါရံၤ(၁၉)သီဒီး(၂၀)သီအနံၤ (၂)ဘျီအဂ့ၢ် တၢ်သ့ၣ်ညါဘၣ်လၢ PDFပှၤဘၣ်မူဘၣ်ဒါတဂၤအအိၣ်န့ၣ်လီၤ.
တၢ်လဲၤကွၢ်သမံသမိး၀ဲ မ့ၣ်အူမ့ၣ်ပိၢ် အူအီၣ်အလီၢ်အဆၢကတီၢ် တၢ်ထံၣ်န့ၢ်၀ဲလၢ မ့ၣ်အူအီၣ်တၢ်တုၤလၢဟီၣ်ခီၣ်လၥ်အဂ့ၢ် PDFပှၤဘၣ်မူဘၣ်ဒါတဂၤ စံး၀ဲန့ၣ်လီၤ.
“လၢမိပၠဲန့ၣ် ဟဲတ့ၢ်လီၤအါလၢ KNDFတပၤအဂ့ၢ် တၢ်သ့ၣ်ညါဘၣ်လီၤ. သုးဖိလၢအတူၢ်ဘၣ် မ့ၣ်အူမ့ၣ်ပိၢ်တဂၤတဲ၀ဲလၢ တၢ်မ့ၢ်သါဘၣ်အသ၀ံတဖၣ်န့ၣ် မဲၥ်ချံကိၢ်အူ, အဲၣ်ဒိးဘှီးအသး, အနၢန့ၣ်ဘၣ်နးညါအဂ့ၢ်” သုးဖိလၢအတူၢ်ဘၣ်တဂၤတဲ၀ဲအဖီခိၣ် PDFပှၤဘၣ်မူဘၣ်ဒါတဂၤ စံး၀ဲန့ၣ်လီၤ.
“မ့ၣ်အူမ့ၣ်ပိၢ်လၢအိၣ်ဒီးအစုာ်အပျၫ်တဖၣ်န့ၣ် သုးကီၣ်ကးအသု ဟးတ့ၢ်လီၤ၀ဲလၢဒြိတဖၣ်လီၤ. သုးကီၣ်ကးတပၤ ဟဲထီၣ်လၢတၢ်မဲၥ်ညါတန့ၢ်ဘၣ်. ဟဲထီၣ်၀ဲလၢ ကျဲကလုၥ်ကလုၥ်လီၤဘၣ်ဆၣ် ဟဲထီၣ်၀ဲတန့ၢ်ဘၣ်ဒီး ဂုၤက့ၤအခံလီၤ”အဂ့ၢ် ပှၤဘၣ်မူဘၣ်ဒါတဂၤ စံး၀ဲန့ၣ်လီၤ.
သုးကီၣ်ကးတပၤ ဟဲဒုး၀ဲ တၢ်ပၢၢ်ဆၢသုးပၥ်ဖှိၣ်တပၤလၢ ဒြိတဖၣ်တပယူၥ်ဃီအဂ့ၢ် စံး၀ဲန့ၣ်လီၤ.
ဒ်န့ၣ်အသိး သုးကီၣ်ကးအသုးဒီး(TNLA)အဘၢၣ်စၢၤ ဖဲတအီကီၢ်, သုးက့(၂)ဟီၣ်က၀ီၤ, နီၢ်ခၠိၣ်ကီၢ်ဆၣ်, တီၣ်ရှ့ၣ်ဒီးမၣ်မီၣ်သ၀ီအဘၢၣ်စၢၤ တၫ်ဒုးကဲထီၣ် ဖဲလါဖ့ၤဘြူၤအါရံၤ(၂၃)သီအနံၤ၀ံၤအလီၢ်ခံ သုးကီၣ်ကးတပၤ ဟဲတ့ၢ်လီၤမ့ၣ်အူမ့ၣ်ပိၢ်အဃိ ဘၣ်သံ၀ဲဖိသၣ်ပၥ်ဃုၥ်ကမျၢၢ်(၇)ဂၤ၀ံၤ ဘၣ်ဒိ၀ဲ(၁၅)ဂၤအသိး နီၢ်ခၠိၣ်တၢ်ဆါဟံၣ်, သီခါဖၠၣ်တၢ်သူၣ်ထီၣ်ဒီး ကမျၢၢ်အိၣ်ဟံၣ်(၁၁)ဖျၢၣ်ဘၣ်ဟးဂီၤကွံၥ်၀ဲန့ၣ်လီၤ.
Ref:Salweenpress
