သိလ့ၣ်လၢကလဲၤမၤပှဲၤသိ လၢကၠီၣ်တဲၣ်တကပၤအဃိ ရၤမတံကီၫ်ဆၢ သိလ့ၣ်ကတံာ်ဘၣ်ကဲထီၣ်

လါဖ့ၤဘြူၤအါရံၤ(၂၆)သီ,၂၀၂၅နံၣ်

တၫ်ကဒုးဖျိးကွံာ် အိၣ်လဲပှၤလီအီၣ်ကျိာ်စ့ကဲတဖၣ်အဂီၫ် ဒ်တၫ်ဟ့ၣ်တၫ်ဆီၣ်သနံးအသိး လၢကီၫ်ပယီၤတကပၤ တၫ်ပတုာ် ကွံာ် တၫ်ဟ့ၣ်စဲးဖီကဟၣ်အသိတဖၣ်အဃိ ရၤမတံတကပၤ သိလ့ၣ်အါတက့ၫ်န့ၣ် ကိးမုၫ်နံၤလဲၤဆူ ကၠီၣ်တဲၣ်တကပၤ ၀ံၤ မၤပှဲၤသိန့ၣ်လီၤ.အဃိတၫ်ဂ့ၫ်လၢပိာ်ထွဲထီၣ်အခံန့ၣ် သိလ့ၣ်ကျဲဘၣ်ကတံာ်ကွံာ်၀ဲအဂ့ၫ် The Nationတၫ်ကစီၣ်ပူၤ ပာ်ဖျါ၀ဲလီၤ.

စးထီၣ်ဖဲလါဖ့ၤဘြူၤအါရံၤ(၅)သီအနံၤန့ၣ် ဒ်သိးတၫ်ဟ့ၣ်တၫ်ဆီၣ်သနံးလၢတၫ်ဒုးလီၤပှီၫ်ကွံာ်ကျါဖၠးအဂီၫ် သူ၀ဲတဲာ်သၢတဲာ်၀ံၤ ကၠီၣ်တဲၣ်တကပၤ ဒီၣ်တဲာ်ကွံာ် တၫ်ဟ့ၣ်လီမ့ၣ်အူ,အ့ၣ်ထၢၣ်နဲးဒီးစဲးဖီကဟၣ်သိတဖၣ်န့ၣ်လီၤ.

ကီၫ်ကၠီၣ်တဲၣ်,၀့ၫ်မဲဆီး နီၫ်ဂံၫ်(၁)တၫ်ရ့လိာ်မုာ်လိာ်တိၤ အဟးထီၣ်ကျဲမုၫ်ဖီခိၣ်အပူၤ အိၣ်ပှဲၤဒီးကီၫ်ပယီၤတကပၤ သိလ့ၣ်လၢကလဲၤမၤပှဲၤစဲးသိတဖၣ်၀ံၤ စဲးသိ(၁)လံၣ်ထၢၣ်န့ၣ် ထီၣ်တုၤလၢ(၇၀)ဘးအသိး,ဒံၣ်စဲၣ်သိတလံၣ်ထၢၣ်န့ၣ် အပှ့ၤထီၣ်တုၤလၢ(၇၁)ဘးညါအဂ့ၫ် လီၫ်က၀ီၤဖိတဖၣ်တဲ၀ဲလီၤ.

တၫ်ဒီၣ်တဲာ်ကွံာ် စဲးဖီကဟၣ်သိ,လီမ့ၣ်အူဒီးအ့ၣ်ထၢၣ်နဲးတဖၣ်န့ၣ် ကဲထီၣ်လိာ်ထီၣ်လၢ တၫ်ဒုးဖျိးကွံာ်ကၠါဖၠးအဃိ ကမၤဆူၣ်ထီၣ်၀ဲအဂ့ၫ် ဖဲအပူၤကွံာ်စှၤသီန့ၣ် ကၠီၣ်တဲၣ်ဘၣ်မူဘၣ်ဒါတဖၣ်တဲ၀ဲလီၤ.