လါဖ့ၤဘြူအါရံၤ(၂၅)သီ,၂၀၂၅နံၣ်
ကီၫ်ကၠီၣ်တဲၣ်ပူၤ ထဲဒၣ်ပှၤကီၫ်ကၠီၣ်တဲၣ်ဖိမၤတၫ်ပၢအခွဲးအိၣ် တၫ်ဖံးတၫ်မၤတဖၣ်န့ၣ် ထံဂုၤကီၫ်ဂၤတဖိးသဲစး ပှၤမၤ တၫ်ဖိ နုာ်လီၤမၤတၫ်တဖၣ် တၫ်ကမၤဖျိးကွံာ်အဂီၫ် ပာ်လီၤတၫ်တိာ်ကျဲၤဖီၣ်၀ဲအပူၤ ပှၤကီၫ်ပယီၤဖိ(၂၀)ဂၤလၢ မၤတၫ် ဖဲ၀့ၫ်ဘီကီာ် MBKတၫ်ဆါတၫ်ပှ့ၤကျးတဖၣ် ဘၣ်တၫ်ဖီၣ်အ၀ဲသ့ၣ်န့ၣ်လီၤ.
ဖဲလါဖ့ၤဘြူၤအါရံၤ(၂၂)သီနံၤ ကၠီၣ်တဲၣ်ပှၤမၤတၫ်ဖိကိတိာ်၀ဲၤကျိၤ ပှၤဘၣ်မူဘၣ်ဒါတဖၣ်ဒီးပၢၤကီၫ်တဖၣ် နုာ်လီၤဖီၣ် တၫ်လၢ MBKတၫ်ဆါတၫ်ပှ့ၤအပူၤအကတီၫ် ကီၫ်ပယီၤဖိ(၂၀)ဂၤ,ပှၤဆံရံယါဖိ(၁)ဂၤဒီးပှၤအ့ၣ်ဒံယါဖိ(၁)တၫ်တဲ၀ဲလၢ မၤတၫ်လၢတၫ်ဖံးတၫ်မၤလၢဖိးသဲစးအပူၤ မၤ၀ဲအခွဲးတအိၣ်ဘၣ်၀ံၤ က့ၤဖီၣ်၀ဲန့ၣ်လီၤ.
ပှၤလၢဘၣ်တၫ်က့ၤဖီၣ်တဖၣ် တၫ်က့ၤကိးအီၤဆူ ပသၣ်၀ၣ်ပၢၤကီၫ်၀ဲၤဒၢး၀ံၤ တၫ်ကဟံးန့ၫ်ဂ့ၫ်၀ီအဂီၫ် တၫ်သမံသမိး ၀ဲန့ၣ်လီၤ.
ကီၫ်ကၠီၣ်တဲၣ်ပူၤ ကီၫ်ချၢထံဖိကီၫ်ဖိ မၤ၀ဲအခွဲးတအိၣ်ဘၣ်ဒီး ထဲဒၣ်ပှၤကၠီၣ်တဲၣ်ဖိ မၤ၀ဲပၢ တၫ်ဖံးတၫ်မၤအိၣ်၀ဲအါမး၀ံၤ ထံဂုၤကီၫ်ဂၤပှၤမၤတၫ်ဖိတၫ်ဖံးတၫ်မၤခွဲးယာ်တဖၣ် တၫ်ဒီသဒၢန့ၫ်ဃာ်၀ဲဘၣ်ဆၣ် ပှၤကၠီၣ်တဲၣ်ဖိအါတက့ၫ်န့ၣ် တသီ ဒိးန့ၫ်ဘၣ်၀ဲအစှၤကတၢၫ် တၫ်ဖံးတၫ်မၤအဘူးအလဲ(၃၈၀)ဘးဒၣ်လဲၣ် တအဲၣ်ဒိးမၤ၀ဲလၢၤဘၣ်အမဲာ်ညါ အဲၣ်ဒိးမၤ၀ဲ လၢတသီန့ၫ်ဘၣ်၀ဲ(၁၀၀)ဘးအဂ့ၫ် လၢတၫ်ကစီၣ်အံၤအဖီလာ် ပှၤလၢလဲၤပဲာ်ထံနီၤဖး၀ဲအိၣ်န့ၣ်လီၤ.
လၢတၫ်ပဲာ်ထံနီၤဖးအဂၤအပူၤ ကၠီၣ်တဲၣ်ကျးကစၫ်တဖၣ်န့ၣ် မၢအီၣ်ပှၤကီၫ်ပယီၤဖိဒီးတသီန့ၣ်ဟ့ၣ်၀ဲထဲဒၣ် ၁၅၀,၂၀၀ ဘးလီၤအဃိ ဟ့ၣ်ဘၣ်ပှၤမၤတၫ်ဖိအဘူးအလဲကိညၣ်အသိး,တဲ၀ဲပယီၤကျိာ်,ကီၤလၤ၀ါကျိာ်တဖၣ်ဘၣ်အဃိ တၫ်မ့ၫ် မၢဆါတၫ်န့ၣ် ကိညၣ်၀ဲအဂ့ၫ် ကွဲးဖျါ၀ဲလီၤ.
Ref:Khaosod
