လါဖ့ၤဘြူၤအါရံၤ(၂၅)သီ,၂၀၂၅နံၣ်
ရၢၫ်ခၢၣ်ကီၫ်စဲၣ်,ကွးကီၫ်ဆၣ်ပူၤ ကမျၢၫ်လၢတူၫ်ဘၣ်ဖံးဘ့ၣ်တၫ်ဆါ (၄၀၀၀)ဂၤဃၣ်ဃၣ် လိၣ်ဘၣ်ကသံၣ်ကသီ တၫ်မၤ စၢၤအဂ့ၫ် တၫ်သ့ၣ်ညါဘၣ်လၢပှၤမၤစၢၤတၫ်တဖၣ်အိၣ်န့ၣ်လီၤ.
ပိာ်ခွါ (၁၇၉၀)ဂၤဘျဲၣ်,ပိာ်မုၣ် (၂၀၀၀)ဂၤဘျဲၣ် တူၫ်ဘၣ်ဖံးဘ့ၣ်တၫ်ဆါ၀ံၤ လၢအကျါ သးနံၣ် ၁၀နံၣ် အဖီလာ် ဖိသၣ် (၆၀၀)ဂၤဒီးသးနံၣ် (၁၀)နံၣ်ဒီး (၁၈)နံၣ် အဘၢၣ်စၢၤ ဖိသၣ် (၆၀၀၁)ဂၤပာ်ဃုာ်၀ဲအဂ့ၫ် ကွးကီၫ်ဆၣ် တၫ်မၤစၢၤပှၤလီၫ် အိၣ်ကမှံကရၢပာ်ဖှိၣ် တဲ၀ဲလီၤ.
“ဟီၣ်က၀ီၤပူၤ ကသံၣ်တၫ်ကူစါယါဘျါဒီးတၫ်မၤစၢၤဆီၣ်ထွဲတဖၣ်န့ၣ် ဂဲၤလိာ်ပာ်ဖှိၣ်မၤသကိးဒီးကရၢအဂၤ တဖၣ် လီၤ.ကသံၣ်ကသီတလၢတလီၫ်ဘၣ်အဃိ တၫ်ကူစါယါဘျါအဂီၫ်ကီခဲ၀ဲလီၤ.လိၣ်ဘၣ်ကသံၣ် တၫ်မၤစၢၤလီၤ. ဟီၣ်က ၀ီၤပူၤ ကသံၣ်ကၤထီၣ်ဒီးကသံၣ်အပှ့ၤကလံၤဒိၣ်ထီၣ်တဖၣ်အဃိ လၢတၫ်မၤစၢၤတၫ်ဖံးတၫ်မၤအပူၤ ထံၣ်ဘၣ်တၫ်ကီ တၫ်ခဲအါမးအဂ့ၫ် ကရၢ၀ဲန့ၣ်တဲ၀ဲလီၤ.
တၫ်ဂ့ၫ်တၫ်ကျိၤတဖၣ်အံၤန့ၣ် မ့ၫ်ဒၣ်ကွးကီၫ်ဆၣ် တၫ်မၤစၢၤပှၤလီၫ်အိၣ်ကမှံကရၢပာ်ဖှိၣ် မၤနီၣ်ထၢဖှိၣ်တၫ်ဂ့ၫ်တၫ်ကျိၤ တဖၣ်၀ံၤ တၫ်ကဲထီၣ်သးနီၫ်နီၫ်လၢဟီၣ်က၀ီၤပူၤအနီၫ်ဂံၫ်နီၣ်ဒွးန့ၣ်ကမၣ်သ့အသိး,အါန့ၫ်ဒံးအ၀ဲသ့စ့ၫ်ကီးလီၤ.
“ပာ်ဖှိၣ်မၤသကိးတၫ်ဒီးဆူၣ်ချ့ပှၤမၤတၫ်ဖိတဖၣ်၀ံၤ လီၤလၢဟီၣ်က၀ီၤပူၤ သမံသမိး၀ဲ,ထၢဖှိၣ်တၫ်ဂ့ၫ် တၫ်ကျိၤ, ဘၣ် ထွဲဒီးဖံးဘ့ၣ် တၫ်လၢကဘၣ်ဟးဆှဲးဒီးတၫ်လၢကဘၣ်မၤတဖၣ် ဟ့ၣ်၀ဲတၫ်သ့ၣ်ညါတကးဘၣ် ပှ့ၤန့ၫ်၀ဲကသံၣ် ဒ်ဆူၣ်ချ့ ပှၤမၤတၫ်ဖိတဖၣ်နဲၣ်လီၤ၀ဲအသိး၀ံၤ နီၤဟ့ၣ်လီၤန့ၫ်၀ဲ ပှၤလၢတူၫ်ဘၣ်ဖံးဘ့ၣ်တၫ်ဆါအိၣ်အဂ့ၫ်” ကွးကီၫ်ဆၣ် တၫ်မၤ စၢၤပှၤလီၫ်အိၣ်ကမှံကရၢပာ်ဖှိၣ် တဲ၀ဲလီၤ.
စးထီၣ်ဖဲအပူၤကွံာ် (၂)လါဘျဲၣ်န့ၣ် ဒ်သိးဖံးဘ့ၣ်တၫ်ဆါအသိး အဆိကတၢၫ် စုသးဒီးလၢခံတဆီ ရၤလီၤအသးသကုၤ မိၫ်ပှၫ်ဒီတဂၤ၀ံၤ ကဲထီၣ်တၫ်ပူၤလီၫ်ဃ့,တၫ်ပူၤလီၫ်သံသိတဖၣ်အဂ့ၫ် ကွးကီၫ်ဆၣ် တၫ်မၤစၢၤပှၤလီၫ်အိၣ်ကမှံကရၢ ပာ်ဖှိၣ် တၫ်ဘိးဘၣ်ရၤလီၤ ပှၤဘၣ်မူဘၣ်ဒါ ကိၣ်နဲၣ်အီၣ်လ့တဲ၀ဲလီၤ.
Ref: western news
