တၢ်မၤ၀ဲ သၢ၀ီတ၀ီ ကခၠ့ၣ်ကီၢ်စဲၣ် ပီညါအကလုၥ်ကလုၥ်ဖၠၣ်စိမိၤ တၢ်ဟ့ၣ်လီၤလံၥ်အုၣ်သးအမူးတၢ်ရဲၣ်တၢ်ကျဲၤ

လါဖ့ၤဘြူၤအါရံၤ(၂၄)သီ,၂၀၂၅နံၣ်

၂၀၂၅နံၣ်, လါဖ့ၤဘြူၤအါရံၤ(၂၂)သီအနံၤန့ၣ် တၢ်မၤ၀ဲ သၢ၀ီတ၀ီ ကခၠ့ၣ်ကီၢ်စဲၣ် ပီညါအကလုၥ်ကလုၥ်ဖၠၣ်စိမိၤ တၢ်ဟ့ၣ်လီၤလံၥ်အုၣ်သးအမူးတၢ်ရဲၣ်တၢ်ကျဲၤ ဖဲ၀့ၢ်လဲၣ်စၣ်လၢအမ့ၢ် KIOလီၢ်ခၢၣ်သး၀ဲၤလီၢ်ခိၣ်သ့ၣ်တၢ်လီၢ်န့ၣ်လီၤ.

သၢ၀ီတ၀ီ ကခၠ့ၣ်ကီၢ်စဲၣ် ပီညါအကလုၥ်ကလုၥ်ဖၠၣ်စိမိၤ တၢ်ဟ့ၣ်လီၤလံၥ်အုၣ်သးမူးတၢ်ရဲၣ်တၢ်ကျဲၤအပူၤ ကၠိဖိမုၣ်/ခွါဖျိထီၣ်၀ဲခဲလၢၥ်ပၥ်ဖှိၣ်(၂၀၅)ဂၤ၀ံၤ သုးခိၣ်ကျၢၢ်စိ ဆိလိးကိၣ်မီၣ်လၢအမ့ၢ် ဖၠၣ်စိမိၤပှၤဘၣ်မူဘၣ်ဒါစ့ၢ်ကီး ဟဲထီၣ်၀ဲအမူးတၢ်ရဲၣ်တၢ်ကျဲၤအံၤန့ၣ်လီၤ.

တၢ်ရဲၣ်တၢ်ကျဲၤအံၤ ဃံလၤဒိၣ်မးလၢ ကခၠ့ၣ်ကီၢ်စဲၣ်အဂီၢ်တကးဘၣ် ဃံလၤစ့ၢ်ကီးလၢ ကီၢ်စၢဖှိၣ်ထံဖိကမျၢၢ်ဖိတဖၣ်လၢ ဂုၥ်ကျဲးစၢးသူၣ်ထီၣ် ဖဲၣ်ဒရဲၣ်ဒံၣ်မိၣ်ခြ့ၣ်စံၣ်အဂီၢ်အသိး မ့ၢ်မုၢ်တနံၤလၢ လၢပှဲၤဒီးတၢ်ဆိၣ်ဆိၣ်၀ါအဂ့ၢ် သုးခိၣ်ကျၢၢ်စိကိၣ်မီၣ်တဲဆၢဂ့ၤဆၢ၀ါ၀ဲအဂ့ၢ် ပၥ်ဖျါဃၥ်၀ဲန့ၣ်လီၤ.

လၢန့ၣ်အမဲၥ်ညါ တၢ်ပညိၣ်သူၣ်ထီၣ် ကခၠ့ၣ်ကီၢ်စဲၣ်ပီညါအကလုၥ်ကလုၥ်ဖၠၣ်စိမိၤအံၤလၢ ဒ်သိးပှၤဒူပှၤဃိၤသးသဟီၣ်တဖၣ် ကအိၣ်ဖျဲၣ်ထီၣ်အီၤအဂီၢ်, ပှၤလၢဖျိထီၣ်တဖၣ်စ့ၢ်ကီး တၢ်ကူၣ်ဘၣ်ကူၣ်သ့လၢဒိးန့ၢ်၀ဲတဖၣ် ဒ်သိးကဟ့ၣ်ခီဟ့ၣ်နီၤမၤထီထီၣ်က့ၤ ပှၤအဂၤတၢ်အိၣ်မူအဂီၢ်, တၢ်လီၤဃိလီၤဃီၢ်တဖၣ် ကထိၣ်ဃူးက့ၤအဂီၢ်ဒီး တၢ်ကသူၣ်ထီၣ် ခါဆူညါလၢအိၣ်ဒီးတၢ်တြီတၢ်တြၢ်တဖၣ်အဂီၢ်စ့ၢ်ကီးတဲလီၤ၀ဲန့ၣ်လီၤ.