လါဖ့ၤဘြူၤအါရံၤ(၂၁)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ,ကီၫ်သူလ့ၤတၫ်ပၢဟီၣ်က၀ီၤ,ဒူပျာ်ယာ်ကီၫ်ရ့ၣ်အပူၤ ဖဲ၂၀၂၅နံၣ်,လါဖ့ၤဘြူၤ အါရံၤ(၁၇)သီနံၤတုၤ(၁၈)သီနံၤ လၢ(၂)သီအတီၫ်ပူၤ တၢ်မၤ၀ဲ(Ethnic Youth Exchange)သးစၫ်တၫ်ဟ့ၣ်ခီဟ့ၣ်နီၤလိာ် သးတၫ်ရဲၣ်တၫ်ကျဲၤအဂ့ၢ် ခ့ၣ်အဲၣ်ယူၣ်-လီၢ်ခၢၣ်သး ပၥ်ဖျါဃၥ်၀ဲန့ၣ်လီၤ.
KYOကညီသးစၫ်ကရၢ(လီၫ်ခၢၣ်သး)တီခိၣ်ရိၣ်မဲ၀ဲဒီးကီၫ်ရ့ၣ်ပှၤဘၣ်မူဘၣ်ဒါတဖၣ်,KYOကညီသးစၫ်ကရၢ(လီၫ်ခၢၣ်သး),ကီၫ်ရ့ၣ်ဒီးဒူပျာ်ယာ်ကီၫ်ရ့ၣ်အပူၤ ကီၫ်ဆၣ်တဘ့ၣ်စုာ်စုာ် KYO-ကညီသးစၫ်ကရၢ ဘၣ်မူဘၣ်ဒါခၢၣ်စးတဖၣ်,ခ့ၣ်အဲၣ်ယူၣ်-ဒူပျာ်ယာ်ကီၫ်ရ့ၣ်ပူၤ ကလုာ်ဒူၣ်သးစၫ်ခၢၣ်စးတဖၣ်, ကီၫ်ရ့ၣ် ၀ဲၤကျိၤဘၣ်မူဘၣ်ဒါခၢၣ်စးတဖၣ် ပာ်ဖှိၣ်မၤသကိး၀ဲ (Ethnic Youth Exchange)သးစၫ်တၫ်ဟ့ၣ်ခီဟ့ၣ်နီၤလိာ် သးတၫ်ရဲၣ်တၫ်ကျဲၤအံၤအဂ့ၢ် တၢ်သ့ၣ်ညါဘၣ်န့ၣ်လီၤ.
(Ethnic Youth Exchange)သးစၫ်တၫ်ဟ့ၣ်ခီဟ့ၣ်နီၤလိာ် သးတၫ်ရဲၣ်တၫ်ကျဲၤ တၫ်ဘၣ်မၤအီၤအတၫ်ပညိၣ်န့ၣ် မ့ၫ်ဒ်သိး သးစၫ်တဖၣ်ကအဲၣ်လိာ်ကွံလိာ်သးဒီးကအိၣ်ဒီးတၫ်ရ့လိာ်မုာ်လိာ်လၢအဂ့ၤတဖၣ်အဂီၫ်,လီၫ်က၀ီၤပူၤ သးစၫ်တဖၣ် က ပာ်ဖှိၣ်မၤသကိးတၫ်တပူၤဃီကန့ၫ်အဂီၫ်,လီၫ်က၀ီၤပူၤ တၫ်ဂုၤထီၣ်ပသီထီၣ်ကအိၣ်အဂီၫ် ခါဆူညါတၫ်မၤကျဲသနူတဖၣ် ဒုးအိၣ်ထီၣ်၀ဲအမိၫ်လံၤမိၫ်ပှၫ်ကန့ၫ်အဂီၫ်, ထံရူၫ်ကီၫ်သဲးဂ့ၫ်၀ီ တၫ်ဂဲၤလိာ်တၫ်ဟူးတၫ်ဂဲၤ တၫ်အိၣ်သးတဖၣ်လၢ သးစၫ် ကြၢးသ့ၣ်ညါ ဟ့ၣ်ခီဟ့ၣ်နီၤလိာ်သးကန့ၫ်အဂီၫ်, သးစၫ်တၫ်ကရၢကရိစုာ်စုာ်အတၫ်ဟူးတၫ်ဂဲၤအကျါ တၫ်လၢကြၢးဟ့ၣ် ခီဟ့ၣ်နီၤလိာ်သးတဖၣ် ကဟ့ၣ်ခီဟ့ၣ်နီၤလိာ်သးအဂီၫ်ဒီး တၫ်အိၣ်မူကီခဲလၢသးစၫ်တဖၣ်ကွၫ်ဆၢၣ်မဲာ်ဘၣ်တဖၣ် ကထုး ထီၣ်ပာ်ဖျါ၀ံၤ ဃုသကိးကျဲ,ဟံးစုနဲၣ်ကျဲဆီၣ်ထွဲအဂီၫ် တၢ်မၤ၀ဲတၢ်ရဲၣ်တၢ်ကျဲၤအံၤအဂ့ၢ် စံး၀ဲန့ၣ်လီၤ.
တၢ်ရဲၣ်တၢ်ကျဲၤအံၤအပူၤတလၢၤသးစၫ်ကရၢခၢၣ်စးတဖၣ်,တလၢၤဖဲၣ်ဒရၢၣ်ကီၣ်ကးခၢၣ်စးတဖၣ်,မီၣ်လမၠဲၣ်ကၠိဖိကရၢခၢၣ်စးတဖၣ်,ဘၣ်ထွဲနိၣ်တကီကီၫ်ဆၣ်ဒီဘ့ၣ်နွ့ၣ်အူတၫ်ပၢၫ်ဆၢတၫ်ပာ်ဖျါထီၣ်သးကမံတံာ်ခၢၣ်စးတဖၣ်,ဒူပျာ်ယာ်ကီၫ်ရ့ၣ်ပူၤ ကီၫ်ဆၣ်တဘ့ၣ်စုာ်စုာ် ကလုာ်ဒူၣ်သးစၫ်ခၢၣ်စးတဖၣ်ဒီး KYO-ကညီသးစၫ်ကရၢ လီၫ်ခၢၣ်သး,ကီၫ်ရ့ၣ်,ကီၫ်ဆၣ် ခၢၣ်စးတဖၣ် ဟဲထီၣ်၀ဲခဲလၢာ်ပာ်ဖှိၣ် (၈၀)ဂၤဘျဲၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
