လါဖ့ၤဘြူၤအါရံၤ(၂၁)သီ, ၂၀၂၅နံၣ်
ကီၢ်ကၠီၣ်တဲၣ်ဒီတဘ့ၣ်အပူၤ ကၠီၣ်တဲၣ်ထံဖိကမျၢၢ်ဖိတဖၣ် ကပူၤဖျဲးဒီးတၢ်မၤအၢမၤသီအဂီၢ် ပှၤကီၢ်ချၢဖိလၢတလူၤပိၥ်ထွဲ သဲစးတၢ်ဘျၢတဖၣ် ကဟံးန့ၢ်ဂ့ၢ်၀ီတုၤလီၤတီၤလီၤအဂီၢ် ကၠီၣ်တဲၣ်ပၢၤကီၢ်ခိၣ်ကျၢၢ် Kitrat Panphet နဲၣ်လီၤ၀ဲဆူ ပၢၤကီၢ်သုးအအိၣ်န့ၣ်လီၤ.
ပှၤလၢမၤကမၣ်တၢ်သိၣ်တၢ်သီတဖၣ်, ပှၤလၢအမၤတံၢ်တံၥ် ထံဖိကမျၢၢ်ဖိတဖၣ်ဒီး ပှၤလၢအမၤလီၤကၠီၣ်တဲၣ်အသုးသ့ၣ်လၤကပီၤတဖၣ် တၢ်ကဟံးန့ၢ်ဂ့ၢ်ဂီၤအဂီၢ် နဲၣ်လီၤဃၥ်၀ဲန့ၣ်လီၤ. တၢ်နဲၣ်လီၤအံၤ ဆှၢဃၥ်၀ဲဆူ ကီၢ်ဆၢပၢၤကီၢ်သုးတဖၣ်ဒီး ထံကီၢ်ဒီတဘ့ၣ်အပူၤ ပၢၤကီၢ်သုးတဖၣ်အအိၣ်န့ၣ်လီၤ.
“ပၢၤကီၢ်တဖၣ်န့ၣ် တၢ်ကဘၣ်မၤဆိန့ၢ် ကမျၢၢ်အတၢ်ပူၤဖျဲးအဂီၢ်၀ံၤ ပှၤလၢမၤကမၣ် သဲစးတၢ်ဘျၢတဖၣ် တၢ်ကဟံးန့ၢ်ဂ့ၢ်၀ီ လီၤတံၢ်လီၤဆဲးအဂီၢ်” ပၢၤကီၢ်ခိၣ်ကျၢၢ် စံး၀ဲန့ၣ်လီၤ.
မဲၢ်ဟီၣ်စီၣ် Paiလီၢ်က၀ီၤအပူၤ လါဖ့ၤဘြူၤအါရံၤ(၈)သီအနံၤ လီၢ်က၀ီၤပှၤမၤမုၥ်၀ဲၤတၢ်မၤကစၢ်တဖၣ် ကးလီၤဃၥ်၀ဲ လံၥ်ဒုးသ့ၣ်တဖၣ်ဒ် တၢ်တဆါလီၤန့ၢ်တၢ်ဖိတၢ်လံၤတဖၣ်ဆူ အံၣ်စရ့ထံဖိကီၢ်ဖိတဖၣ်အအိၣ် တၢ်ဂ့ၢ်စ့ၢ်ကီး ကဲထီၣ်၀ဲဒၣ်လၢ ခီဖျိပၢၤကီၢ်ခိၣ်ကျၢၢ်အံၤ တၢ်နဲၣ်လီၤအဖီခိၣ်န့ၣ်လီၤ.
အံၣ်စရ့ပှၤဟးကသုၣ်တဖၣ်အံၤ တဲတရီတပါ၀ဲ Paiတၢ်ဆါဟံၣ် ဆူၣ်ချ့ပှၤမၤတၢ်ဖိ၀ံၤ တဲပျံၤတဲဖူး၀ဲစ့ၢ်ကီးလၢ ကမၤဟးဂီၤကွံၥ် တၢ်ဆါဟံၣ်တၢ်ဖိတၢ်လံၤတဖၣ် ကဲထီၣ်သး၀ံၤအလီၢ်ခံ ပှၤလီၢ်က၀ီၤတဖၣ် တၢ်သးတမံတဖၣ်အိၣ်ထီၣ်၀ဲန့ၣ်လီၤ.
Facebook Videoတခါအပူၤစ့ၢ်ကီး ပှၤကီၢ်ချၢဖိလၢအမဲၥ်ဟံးတဖၣ်အံၤ တဲပျံၤတဲဖူးတဲတရီတပါ တၢ်အီၣ်ကျးကစၢ် ပိၥ်မုၣ်(၂)ဂၤအဂ့ၢ် တၢ်ထံၣ်ဘၣ်၀ဲန့ၣ်လီၤ.
Ref : Thethaiger
