လါဖ့ၤဘြူအါရံၣ် ၂၁သီ ၂၀၂၅နံၣ်
တလၢၤကီၢ်စဲၣ်ကၠဲးမယီကီၢ်ဆၣ်ပီးတီသ၀ီရီဘၢၣ်ကျီးပူၤမ့ၣ်ပိၢ်ဖးထီၣ်၀ဲဒၣ်အဃိဟံၣ်ဖိဃီဖိဘၣ်သံ၀ဲတဂၤဒီးဘၣ်ဒိလွံၢ်ဂၤအဂ့ၢ်လီၢ်က၀ီၤဖိတဖၣ်တဲ၀ဲန့ၣ်လီၤ.
လါဖ့ၤဘြူၤအါရံၣ်၁၉သီနံၤမုၢ်ထူၣ်၁၂နၣ်ရံၣ်ဘျဲၣ်အဆၢကတီၢ်ဟံၣ်ဖိဃီဖိတဒူလၢလုၢ်အီၣ်သးသမူဖံးမၤတၢ်လၢရီဘၢၣ်ကျီးအံၤထံၣ်န့ၢ်၀ဲမ့ၢ်ပိၢ်ခံဖျၢၣ်လၢတပိၢ်ဖးထီၣ်ဒံးဖဲကျဲမုၢ်ဖီခိၣ်၀ံၤက့ၤတီၢ်သ့ၣ်ဖးကွၢ်၀ဲဒၣ်ဒီးဟံၣ်ဖိဃီဖိအဆၢကတီၢ်ပိၢ်ဖးထီၣ်၀ဲဒၣ်န့ၣ်လီၤ.
ပိၥ်ခွါလၢတီၢ်သ့ၣ်ဖးကွၢ်တၢ်တဂၤန့ၣ်သံ၀ဲဒၣ်လၢအလီၢ်တဘျီဃီဒီးမ့မ့ၢ်လၢဖိသၣ်တဂၤပိၥ်ခွါခံဂၤဒီးပိၥ်မုၥ်တဂၤဘၣ်ဒိ၀ဲန့ၣ်လီၤ.
မ့ၣ်ပိၢ်လၢပိၢ်ဖးထီၣ်အံၤ မ့ၢ်သုးကီၣ်ကးအသုးနီၣ်ဂံၢ်(၁၂)တၢ်ထုးထီၣ်သုးတၢ်ပီးတၢ်လီသုး ထုးထီၣ် သိလ့ၣ်ဒိးမ့ၣ်ပိၢ်အကလုၥ်၀ံၤ မ့ၣ်ပိၢ်အံၤ မ့ၢ် နီၣ်ဂံၢ်(၁၂)ခီၣ်ချ့သုးရ့ၣ်လၢအိၣ်ကၠဲးမယီဒိးဃၥ်၀ဲအဂ့ၢ် တလၢၤကီၢ်စဲၣ်တၢ်ထူၣ်ဖျဲးသုးမုၢ်ဒိၣ် MLA ပၥ်ဖျါဃၥ်၀ဲ တၢ်ကစီၣ်ဖဲလါဖ့ၤဘြူၤအါရံၤ(၁၉)သီအနံၤန့ၣ်လီၤ.
ဒ်န့ၣ်အသိး ကမျၢၢ်တဖၣ်တခီ တၢ်သုတလဲၤဖီၣ်ဘူး သုးတၢ်ပီးတၢ်လီလၢတပိၢ်ဖးဒီးအိၣ်တ့ၢ်တဖၣ်, ဘၣ်ထွဲသုးတၢ်ပီးတၢ်လီအဂ့ၢ်ဒီး တၢ်ကဃ့တၢ်မၤစၢၤလၢ တၢ်ပၢၢ်ဆၢကရၢအိၣ်ဘူးဒီးဖဲန့ၣ်တဖၣ်အအိၣ်ဒ် ကမၤရှဲပျီကွံၥ်အဂီၢ်န့ၣ်လီၤ.
ဖဲအပူၤကွံၥ် လါယနူၤအါရံၤ(၉)သီအနံၤစ့ၢ်ကီး မ့ၣ်ပိၢ်ပိၢ်ဖးထီၣ်ကဲထီၣ်၀ဲဒၣ် ဖဲကၠဲးမယီကီၢ်ဆၣ်, မယါကိသ၀ီအနုၥ်လီၤအဃိ ဘၣ်သံ၀ဲပိၥ်ခွါတဂၤဒီး ဘၣ်ဒိ၀ဲပိၥ်မုၣ်တဂၤအဂ့ၢ် တၢ်သ့ၣ်ဘၣ်လၢ လီၢ်က၀ီၤဖိတဖၣ်အအိၣ်န့ၣ်လီၤ.
Ref: Than Lwin Times
