လါဖ့ၤဘြၤအါရံၤ(၁၄)သီ,၂၀၂၅နံၣ်
လၢဟီၣ်ခိၣ်ဒီတဖျၢၣ် Transparency Internationalကရၢလၢ ဃုထံၣ်သ့ၣ်ညါ တၫ်အီၣ်ကဘျံးကဘျၣ်တဖၣ် အ ၂၀၂၄နံၣ် တၫ်အီၣ်ကဘျံးကဘျၣ်တၫ်မၤနီၣ်အပူၤ ကီၫ်ပယီၤန့ၣ် အပတီၫ်အိၣ်လၢ ၁၆၈န့ၣ်လီၤ.ထံကီၫ်အိၣ် ၁၈၀ အကျါ ကီၫ်ပယီၤန့ၣ်အိၣ်၀ဲလၢ အပတီၫ် ၁၆၈ တကးဘၣ် လၢအ့ရှၢၣ်မုၫ်ထီၣ်ကလံၤထံးအပူၤ မ့ၫ်ထံကီၫ်လၢအီၣ်က ဘျံးကဘျၣ်တၫ်အအၢကတၢၫ်စ့ၫ်ကီးအဂ့ၫ် Transparency Internationalပာ်ဖျါ၀ဲလီၤ.
Transparency Internationalကရၢလၢအိၣ်သူၣ်လီၤအသး ဖဲကီၫ်ကၠၢမနံၣ်အံၤ ဟံးန့ၫ်၀ဲအခီၣ်တဃာ်ခီဖျိတၫ်ဂ့ၫ်တၫ် ကျိၤဒီးတၫ်ဂ့ၫ်အကလုာ်ကလုာ်လၢ ပဒိၣ်၀ဲၤဒၢးတၫ်အီၣ်ကဘျံးကဘျၣ်တၫ်အိၣ်သး, ပှၤသ့ပှၤဘၣ်တဖၣ် ဒီးမုာ်ကျိၤ၀ဲၤ ကွာ်တ၀ၢ အတၫ်ပဲာ်ထံနီၤဖး,ဟီၣ်ခိၣ်ဒီဖျၢၣ်စ့တၢးဒီးဟီၣ်ခိၣ်ဒီဖျၢၣ်မုာ်ကျိၤ၀ဲၤကွာ်ဖိၣ်ရၣ်တဖၣ်၀ံၤ ညီနုၫ် ဟ့ၣ်၀ဲအမး, ပာ်ပနီၣ်န့ၫ်၀ဲအပတီၫ်တဖၣ်န့ၣ်လီၤ.
တၫ်အီၣ်ကဘျံးကဘျၣ်အပျီကတၢၫ်န့ၣ် ဟ့ၣ်၀ဲအမး ၁၀၀ အကျါ ကီၫ်ပယီၤ ဒိးန့ၫ်၀ဲထဲ ၁၆မးဧိၤလီၤ.အပူၤကွံာ်နံၣ်န့ၣ် အမးအိၣ် ၂၀ ဒီး အိၣ်လၢအပတီၫ် ၁၆၂န့ၣ်လီၤ.
ဟီၣ်ခိၣ်ချၢထံကီၫ်လၢ တၫ်အီၣ်ကဘျံးကဘျၣ်တအိၣ်အကျါ ကီၫ်ဒ့မးန့ၣ် ဒိးန့ၫ်၀ဲအမး ၉၀ဒီးမ့ၫ်နီၫ်ဂံၫ်(၁)၀ံၤ ကီၫ်ဖ့ၣ်လၣ်န့ၣ် ၈၈ဒီးမ့ၫ်နီၫ်ဂံၫ်(၂),စ့ၣ်ကဖူၣ် ၈၄မးဒီးမ့ၫ်နီၫ်ဂံၫ်(၃) န့ၣ်လီၤ.
Transparency Internationalန့ၣ် အိၣ်ခိးကွၫ်ဃုထံၣ်သ့ၣ်ညါ၀ဲ လၢဟီၣ်ခိၣ်ချၢသနူလၢဆီၣ်တခူထီၣ် တၫ်အီၣ်ကဘျံး ကဘျၣ်ဒီးပှာ်ဘျးစဲတဖၣ်၀ံၤ မ့ၫ်ကရၢလၢ ဂဲၤလိာ်လၢ တၫ်ဆီတလဲအဂီၫ်န့ၣ်လီၤ.
ထံကီၫ်တဖၣ်လၢ အၢန့ၫ်ဒံးကီၫ်ပယီၤ မ့ၫ်၀ဲ ကလံၤစိးခိၣ်ရံယါ,လံးပယါ,ယံၣ်မ့ၣ်,ဆံရံယါ, ဆိၣ်မၣ်လံၣ်ယၣ်ဒီးကလံၤ ထံးကီၫ်ဆူၣ်ဒၣ်တဖၣ်န့ၣ်လီၤ.
Ref: VOA
