လါဖ့ၤဘြူၤအါရံၤ(၁၄)သီ,၂၀၂၅နံၣ်
ပနံာ်လၢကီၫ်ကၠီၣ်တဲၣ်ထုးထီၣ်အကျါ မ့ၣ်အူစဲး,စိၣ်လၣ်ဒီးလီမ့ၣ်အူတၫ်ပီတၫ်လီတနီၤ ကၠီၣ်တဲၣ်ပဒိၣ်ပတုာ်ကွံာ် တၫ်တီၣ်သွီနုာ်အီၤဖဲရၤမတံကီၫ်ဆၢအဂ့ၫ် တၫ်သ့ၣ်ညါဘၣ်လီၤ.
တၫ်ဖိတၫ်လံၤလၢ တၫ်ပတုာ်ကွံာ် တၫ်တီၣ်သွီနုာ်အီၤတဖၣ်မ့ၫ်၀ဲ လီတဲစိအသီတဖၣ်,ဘဲးထရံၣ်တဖၣ်,အ့ၣ်ဘၣ်တၣ်, မ့ၣ်အူစဲး,စိၣ်လၣ်,လီတဲစိ, CABLE, HARDWARE, SOFTWARE,ပနံာ်လၢဘၣ်ထွဲဒီးပှၤလံၣ်အီၣ်လီအီၣ်တၫ်တဖၣ်, အ့ၣ် ကၠ့ၣ်၀ဲၣ်ဒီး POWERBANK တၫ်ဖိတၫ်လံၤတဖၣ်န့ၣ်လီၤ.
“အခဲအံၤ စိၣ်လၣ်,ဖၣ်၀ၢၣ်ဘဲး,ဘဲးတရံၣ်,လီတဲစိ,WiFiစဲးဒီး iconတဖၣ်န့ၣ် တၫ်ဆှၢအီၤကီန့ၣ်လီၤ.အခဲအံၤမ့ၫ်လၢ တဲဃာ်၀ဲကိၫ်ကိၫ်လၢၤလၢၤအဃိ ဆှၢတန့ၫ်ဒံးဘၣ်.ဘၣ်ဆၣ်နာ်သက့ လၢအလီၫ်ခံဒု ကျဲလၢတၫ်ဆှၢ၀ဲကန့ၫ်န့ၣ် ကအိၣ် ထီၣ်၀ဲလီၤ.တၫ်လၢာ်ဘူၣ်လၢာ်စ့ၤဒု အါထီၣ်သ့အဂ့ၫ် ပှၤလၢလဲၤပှ့ၤပနံာ်လၢကၠီၣ်တဲၣ်ဒီးဟဲက့ၤတီၣ်ဆါ၀ဲ တဆီ ဆူရၤမ တံအပူၤ တဂၤတဲ၀ဲလီၤ.
တၫ်ဖိတၫ်လံၤတဖၣ်အံၤ တၫ်တပျဲတီၣ်သွီနုာ်အီၤလၢ ကၠီၣ်တဲၣ်ဆူရၤမတံဘၣ်အဃိ ပနံာ်လၢတၫ်တပျဲတီၣ်သွီနုာ်၀ဲတဖၣ် အပှ့ၤကလံၤဟဲဒိၣ်ထီၣ်၀ဲလီၤ.တၫ်ဖိတၫ်လံၤတဖၣ်အပှ့ၤကလံၤဒိၣ်ထီၣ်၀ံၤတၫ်အိၣ်သးအိၣ်ထီၣ်လၢ တၫ်ဘၣ်ဃုပှ့ၤ၀ဲကီန့ၣ်လီၤ.
“ကၠီၣ်တဲၣ်တကပၤ တၫ်ဖိတၫ်လံၤတဖၣ်တၫ်ပှ့ၤ၀ဲန့ၫ်ဘၣ်ဆၣ် တၫ်ဆှၢအီၤဆူ ရၤမတံကီၫ်ဆၢတန့ၫ်ဘၣ်. တၫ်ဆှၢအီၤ မ့ၫ်န့ၫ်အဆၢကတီၫ် အပှ့ၤကလံၤတဖၣ် တမ့ၫ်ကန့ၫ်ဒ်သိးဒီးအခဲအံၤလၢၤဘၣ်.အပှ့ၤကလံၤတခီ အါဒိၣ်န့ၫ်ဒံးအခဲအံၤ သ့အဂ့ၫ်” ပှၤကူၣ်လဲၫ်မၤကၤတၫ်လၢအဂၤတဂၤတဲ၀ဲလီၤ.
ကၠီၣ်တဲၣ်တကပၤ ပတုာ်ကွံာ်၀ဲဒ်သိးအံၤအဃိ အပူၤကွံာ်တုၤ၀့ၫ်တကူၣ် ဖၣ်၀ၣ်ဘဲးလၢလီၤတဲာ်ထဲ (၇၀၀၀၀)ကၠးအံၤ အခဲအံၤ အပှ့ၤဒိၣ်ထီၣ်တုၤလၢ တကလီၫ်ဘျဲၣ်ညါန့ၣ်လီၤ.
ကၠီၣ်တဲၣ်ပဒိၣ်န့ၣ် စးထီၣ်ဖဲလါဖ့ၤဘြူၤအါရံၤ(၅)သီအနံၤန့ၣ် ပတုာ်ကွံာ်တၫ်ဟ့ၣ်လီမ့ၣ်အူဒီးစဲဖီကဟၣ်သိဆူ၀့ၫ်ရၤမတံန့ၣ်လီၤ.
လီမ့ၣ်အူ,စဲးဖီကဟၣ်သိဒီးပနံာ်တနီၤလၢ ကၠီၣ်တဲၣ်တကပၤ နီၤဟ့ၣ်လီၤဆါန့ၫ်၀ဲဆူကီၫ်ပယီၤတကပၤတဖၣ် တၫ်သူ ၀ဲလၢ ကၠါဖျးတၫ်ဖံးတၫ်မၤ တၫ်မၤလီၫ်တဖၣ်အပူၤအဃိ တၫ်သ့ၣ်ညါဘၣ်လၢ ကၠီၣ်တဲၣ်တကပၤ ပတုာ်ကွံာ်၀ဲဒ်သိးအံၤ န့ၣ်လီၤ.
Ref: VOM
