လါဖ့ၤဘြူၤအါရံၤ(၁၂)သီ,၂၀၂၅နံၣ်
တနီသရံၣ်ကီၫ်ခီ,တနီသရံၣ်ကီၫ်ဆၣ်ပူၤ တၫ်ဒုးတဖၣ်အဃိ ပှၤလီၫ်အိၣ်ကမှံ(၂)ကထိဂၤဃၣ်ဃၣ် လၢဘၣ်ပာ်တ့ၫ် ဟံၣ်ဃီဃ့ၫ်ပူၤဖျဲးသးတဖၣ် လိၣ်ဘၣ်တၫ်အီၣ်တၫ်အီဒီးကသံၣ်ကသီအဂ့ၫ် ဖဲလါဖ့ၤဘြူၤအါရံၤ(၁၁)သီနံၤန့ၣ် ပှၤလီၫ်က၀ီၤဖိတဖၣ်တဲ၀ဲလီၤ.
တၫ်ဒုးတဖၣ်အဃိ သဲဖၠူၣ်,ခၠီနးပီး,သ့ၣ်ခိဒီးထိၣ်ခါ သ၀ီ,သ၀ီဖိ(၂)ကထိဂၤဃၣ်ဃၣ်န့ၣ် မ့ၫ်ပှၤတဖၣ်လၢ ဘၣ်ပာ်တ့ၫ် ဟံၣ်ဃီဃ့ၫ်ပူၤဖျဲးအသး လၢ ၂၀၂၄နံၣ်,လါအီကူးအပူၤလံၤလံၤအဂ့ၫ် တဲ၀ဲလီၤ.
တုၤလၢကနံၤအံၤ က့ၤဆူတၫ်အိၣ်ဆိးလီၫ်ကျဲတန့ၫ်ဒံးဘၣ်ဒီးဘၣ်အိၣ်ဒၣ်လၢတၫ်ပူၤဖျဲးအလီၫ် လၢပှၫ်ပူၤအဃိ လိၣ်ဘၣ် တၫ်မၤစၢၤအဂ့ၫ် ပှၤမၤစၢၤပှၤလီၫ်အိၣ်ကမှံတဂၤတဲ၀ဲလီၤ.
“အိၣ်ဆိးအဂီၫ်တၫ်ဒီသဒၢ,ပ့ၫ်ပီၤ,ယၣ်လုးတအိၣ်ဒီးဘၣ်လဲၤခီဖျိ၀ဲဒ်န့ၣ်လီၤ.ကအီၣ်ဘၣ်အဂီၫ် ကီခဲ၀ဲလီၤ.ဖိသၣ်တဖၣ် စ့ၫ်ကီး တူၫ်ဘၣ်ဖံးဘ့ၣ်သး လီၤ.အါတက့ၫ် ကွၫ်ဆၢၣ်မဲာ်ဘၣ်ဆူၣ်ချ့တၫ်ဂ့ၫ်ကီလီၤ.ကအီၣ်အီအဂီၫ်ကီခဲအဃိ အဲၣ်ဒိး လၢထံၣ်န့ၫ် ပှၤလၢမၤစၢၤတၫ်တဖၣ်လီၤ.”
လၢကတီၫ်အံၤ သုးကီၣ်ကးအသုးကျိၤလၢဂံၫ်ဘါအိၣ်(၁၀၀)ဂၤဃၣ်ဃၣ်အံၤ အိၣ်ဆီလီၤအသးဖဲသ့ၣ်ခိဒီး ခၠီနးခွးသ၀ီ ပူၤအဃိ တညီလၢတၫ်ကက့ၤဆူတၫ်အိၣ်ဆိးလီၫ်ကျဲဘၣ်အဂ့ၫ် အ၀ဲတဲ၀ဲလီၤ.
ကျိာ်စ့တအိၣ်ဒီးဘၣ်ဟးဃ့ၫ်အိၣ်ကဒုဒ်ပှၤလီၫ်အိၣ်ကမှံအသိးအဃိ တၫ်အိၣ်ဆိးအီၣ်အီအဂီၫ်ကီခဲ၀ဲအဂ့ၫ်တဲ၀ဲလီၤ.
လၢထံကီၫ်ဒီတဘ့ၣ်အပူၤ စုက၀ဲၤတၫ်သဘံၣ်သဘုၣ်အဃိ ပှၤဘၣ်ပာ်တ့ၫ်ဟံၣ်ဃီ ဃ့ၫ်ပူၤဖျဲးသး အနီၫ်ဂံၫ်နီၫ်ဒွးဟဲအိၣ် အါထီၣ်၀ံၤ ဘီမုၫ်စၢဖှိၣ်ကရၢဘၣ်ထွဲပှၤထွဲပှၤတ၀ၢတၫ်မၤစၢၤတၫ်တၢၫ်ပီၣ်၀ဲၤဒၢး(UNOCHA)အလါယနူၤအါရံၤ(၃)သီနံၤ တၫ်ဘိးဘၣ်ပာ်ဖျါအဖီခိၣ် ကီၫ်ပူၤပှၤလီၫ်အိၣ်ကမှံ အိၣ်၀ဲ(၃)ကကွဲၫ်ဘျဲၣ်န့ၣ်လီၤ.
Ref: RFA
