လါဖ့ၤဘြူၤအါရံၤ(၁၂)သီ,၂၀၀၅နံၣ်
ရၢၫ်ခၢၣ်ကီၫ်စဲၣ်အ၀့ၫ်ခိၣ်,စံးတွ့ၣ်ကီၫ်ဆၣ်ပူၤ စးထီၣ်ဖဲလါဖ့ၤဘြူၤအါရံၤ(၇)သီနံၤန့ၣ် သုးကီၣ်ကးသုး ဒီးရၢၫ်ခၢၣ်သုးမုၫ်ဒိၣ်(AA)အဘၢၣ်စၢၤ ခးလိာ်သးကဒဲကဒဲလၢကျိဖးဒိၣ်န့ၣ်လီၤ.
တၫ်အိၣ်သးဒ်အံၤအဃိ စံးတွ့ၣ်ပှၤလီၫ်က၀ီၤဖိလၢကျိာ်စ့အိၣ်တနီၤ လၢကတီၫ်အံၤ လဲၤဃ့ၫ်သုးအသးဆူ၀့ၫ်တကူၣ် အိၣ်၀ဲလီၤ.
လၢစံးတွ့ၣ်၀့ၫ်ပူၤန့ၣ် အိၣ်တ့ၫ်ဒၣ်ထဲ ၀ဲၤကျိၤပှၤမၤတၫ်ဖိတဖၣ်, ပှၤဖံးအီၣ်မၤအီၣ်မုၫ်ဆ့ၣ်မုၫ်ဂီၤတဖၣ်ဒီး စံးတွ့ၣ် ကီၫ် ဆၣ်အကပိာ်ကပၤ ဒူသ၀ီပှၤလီၫ်အိၣ်ကမှံဖိလၢဟဲအိၣ်ကဒုတဖၣ်၀ံၤ ဘၣ်အိၣ်လၢတၫ်ဘၣ်ယိၣ်ဘၣ်ဘှီအပူၤအဂ့ၫ် တဲ၀ဲလီၤ.
စံးတွ့ၣ်ပှၤလီၫ်က၀ီၤဖိတဂၤတဲ၀ဲလၢ ”ကဘီယူၤလၢအိၣ်ဖဲစံးတွ့ၣ်ဒီးလဲၤဆူ၀့ၫ်တကူၣ်န့ၣ် ပှၤကညီပှဲၤလီၤ. အိၣ်လၢ ၀့ၫ်တကူၣ်ဒီးဟဲက့ၤဒုပှၤကညီစှၤ၀ဲလီၤ.ကိးမုၫ်နံၤဘၣ်အိၣ်လၢတၫ်ဘၣ်ယိၣ်အပူၤလီၤ.ကကဲထီၣ်စံးယံာ်လဲၣ်တသ့ၣ်ညါဘၣ်.ခးလီၤကျိဖးဒိၣ်ဒီးမ့ၫ်ခးလီၤ၀ဲဖဲလဲၣ်တကပၤလဲၣ်တသ့ၣ်ညါဘၣ်.ကိးမုၫ်နံၤဃၣ်ဃၣ်လီၤ.တမံဘၣ်ဂ့ၤဂ့ၤဘၣ်.တအီၣ်ဘၣ်ဘၣ်ဂ့ၤဂ့ၤဘၣ်.လၢ၀့ၫ်တကူၣ်န့ၣ် သမံသမိးတၫ်ဃံးအဃိ မိၫ်ပၫ်တဖၣ်စ့ၫ်ကီးက့ၤဖိ တဘူၣ်လၢၤဘၣ်. ပာ်လီၤ သးလၢကလဲၤဆူ၀့ၫ်တကူၣ်ဘၣ်ဆၣ် တၫ်သမံသမိးအါအဃိတလဲၤလၢၤဘၣ်. ဖဲအံၤန့ၣ်မ့မ့ၫ်မုၫ်ဆါခီတၫ်ဂ့ၫ်ကီတအိၣ် ဘၣ်.ပကီၫ်စဲၣ်ပဒူသ၀ီအဃိ ပကအိၣ်ဖဲအံၤလီၤအဂ့ၫ်”တဲ၀ဲလီၤ.
ဖဲAAထီၣ်ဒုးမၤန့ၫ် ၀့ၫ်ကၠီးတီၣ်၀ံၤအလီၫ်ခံ သုးကီၣ်ကး အသုးဟံၣ်ဖိဃီဖိလၢအိၣ်ဖဲ၀့ၫ်စံးတွ့ၣ်တဖၣ် တၫ်က့ၤသုးအီၤ ဆူ ကီၫ်မိၫ်ပှၫ်ပူၤအဂ့ၫ် ပှၤလၢအိၣ်ဘူးဒီးသုးဟံၣ်ဖိဃီဖိတဖၣ်တဲ၀ဲလီၤ.
လၢ၀့ၫ်စံးတွ့ၣ် ကျဲနုာ်လီၤ,ဟးထီၣ် ခိကျဲ,ထံကျဲခဲလၢာ် သုးကီၣ်ကး ကးတံာ်ဃာ်လၢသုးတြဲၤတဖၣ်၀ံၤ လၢ၀့ၫ်စံးတွ့ၣ် အပူၤဒၣ်လဲၣ် တၫ်လီၫ်လၢပှၤတဘၣ်လဲၤ သုးကီၣ်ကးပာ်ပနီၣ်ဃာ်၀ဲအိၣ်န့ၣ်လီၤ.
လၢကတီၫ်အံၤ ၀့ၫ်စံးတွ့ၣ်ပူၤ သုးကီၣ်ကးအသုးတဖၣ် အိၣ်ဟံးန့ၫ်အလီၫ်လၢတၫ်သူၣ်ထီၣ်ဖးထီတဖၣ် အဖီခိၣ်အိၣ် အသိး,လၢကၠိ,ခီလ့ၣ်ကၠိတဖၣ်အပူၤစ့ၫ်ကီး သုးကီၣ်ကးဟံးန့ၫ်ဃာ်တၫ်လီၫ်အိၣ်၀ဲအဂ့ၫ် လီၫ်က၀ီၤဖိတဖၣ်တဲ၀ဲလီၤ.
စံးတွ့ၣ်လီၫ်က၀ီၤဖိတဲ၀ဲလၢ ”ဖိသၣ်တဖၣ်မ့ၫ်ဘၣ်ဆှၢကျိဧါတဘၣ်ဆှၢဧါန့ၣ် တၫ်ဘၣ်ယိၣ်အိၣ်လီၤ. ကၠိန့ၣ် တၫ်အိး ထီၣ်၀ဲဒ်ညီနုၫ်အသိးလီၤ.ဖိသၣ်တဖၣ်စ့ၫ်ကီး ဘၣ်ထီၣ်ကၠိဒ်ညီနုၫ်အသိးလီၤ.မ့ၫ်နၫ်ဟူကျိသီၣ်န့ၣ် လဲၤအိၣ်ခိးတၫ်လၢကၠိ မဲာ်ညါလီၤ.တၫ်ဒိးစဲးအိၣ်အဃိ က့ၤဆူ၀့ၫ်တကူၣ်တန့ၫ်ဒံးဘၣ်.မ့ၫ်၀ံၤဒုဘၣ်က့ၤလီၤ. အခဲအံၤဘၣ်အိၣ်လၢတၫ်ဘၣ်ယိၣ် ပူၤလီၤအဂ့ၫ်”တဲ၀ဲလီၤ.
ဖဲလါဖ့ၤဘြူၤအါရံၤ(၁၀)သီနံၤ,ဂီၤ(၁၀)နၣ်ရံၣ်ဃၣ်ဃၣ်အကတီၫ်န့ၣ် လၢ၀့ၫ်စံးတွ့ၣ်,ပၠံၣ်တီၣ်သၣ်သ၀ီၤဒ့အကပၤ စံးတွ့ၣ်ထံကျိကၢၫ်နံၤန့ၣ် သုးကီၣ်ကးခးလီၤကျိဖးဒိၣ်ဒီးလီၤတဲာ်ပိၫ်ဖး၀ဲအိၣ်န့ၣ်လီၤ.သုးကီၣ်ကးတကပၤစ့ၫ်ကီး ၀့ၫ်စံးတွ့ၣ်သုတလီၤအဂီၫ် ခီဆၢ၀ဲဆူၣ်ဆူၣ်ကလဲာ်လၢကျိဖးဒိၣ်တဖၣ်န့ၣ်လီၤ.
Ref:DVB
