လါယနူၤအါရံၤ(၇)သီ,၂၀၂၅နံၣ်
ပကိကီၫ်ခီ,ဒဲးအူဃိၣ်ပူၤ ဃိၣ်ပှၤဘၣ်မူဘၣ်ဒါအသီန့ၣ် တဲ၀ဲလၢ ပိာ်မုၣ်ထံရူၫ်ကီၫ်သဲးပှၤဃိၣ်ဖိ(၁၃)ဂၤန့ၣ် တဲဆၢက့ၤတၫ်လၢတဘၣ်ဘျီးဘၣ်ဒါအဃိ ဖဲလါယနူၤအါရံၤ(၂၄)သီ တုၤ လါဖ့ၤဘြူၤအါရံၤ(၆)သီနံၤန့ၣ် ဒုးတံာ်ဃာ်၀ဲအဂ့ၫ် ပိာ်မုၣ်ထံရူၫ်ကီၫ်သဲးပှၤလီၤဃိၣ်ဖိကရၢ(WOPP) ပာ်ဖျါ၀ဲလီၤ.
ပိာ်မုၣ်ထံရူၫ်ကီၫ်သဲးပှၤဃိၣ်ဖိကရၢ(WOPP) ပှၤဘၣ်မူဘၣ်ဒါ မးစူစူမ့ၣ်ယိ တဲ၀ဲလၢ ဃိၣ်ခိၣ်အသီန့ၣ် သူအတၫ်စိကမီၤ၀ံၤ ဆီၣ်တံၫ်မၤနၢၤ ပိာ်မုၣ်ထံရူၫ်ကီၫ်သဲးပှၤဃိၣ်ဖိတဖၣ်န့ၣ်လီၤ.
“လၢကတီၫ်အံၤ ပိာ်မုၣ်ထံရူၫ်ကီၫ်သဲးပှၤဃိၣ်ဖိ ၁၃ဂၤ ဘၣ်တၫ်ဒုးတံာ်အီၤတၫ်ဂ့ၫ်ခီၣ်ထံးန့ၣ် ဃိၣ်ခိၣ်အသီတဲ၀ဲလၢ ပိာ်မုၣ်ထံရူၫ်ကီၫ်သဲးပှၤဃိၣ်ဖိတဖၣ် တဲဆၢက့ၤတၫ်လၢတဘၣ်ဘျီးဘၣ်ဒါအဃိ သူ၀ဲအတၫ်စိတၫ်ကမီၤ ဆီၣ်တံၫ် မၤနၢၤ ပိာ်မုၣ်ထံရူၫ်ကီၫ်သဲးပှၤဃိၣ်ဖိတဖၣ်ဒီးဒုးတံာ်ဃာ်၀ဲလီၤန့ၣ် ပပဲာ်ထံနီၤဖး၀ဲသ့ဒ်န့ၣ်အဂ့ၫ်.”တဲ၀ဲလီၤ.
အခဲအံၤလၢဒဲးအူဃိၣ်ပူၤန့ၣ် ပိာ်မုၣ်ထံရူၫ်ကီၫ်သဲးပှၤဃိၣ်ဖိတဖၣ်လိၣ်ဘၣ်ကသံၣ်ကသီဘၣ်ဆၣ် ဃိၣ်တကပၤ ကသံၣ်လၢမၤဘျါတၫ်တကံတကးဒၣ်လဲၣ် တဟ့ၣ်၀ဲလၢၤဘၣ်အဂ့ၫ် တဲ၀ဲလီၤ.
လၢဒဲးအူဃိၣ် ပိာ်မုၣ်ဟံၣ်ဒွဲပူၤန့ၣ် တၫ်ဆါဟံၣ်ဒီးတၫ်ဟ့ၣ်ကသံၣ်ဒၢးတအိၣ်အဃိ ဂ့ၫ်ဂီၫ်အူတၫ်ဂ့ၫ်မ့ၫ်အိၣ်ထီၣ် တမံၤ မံၤန့ၣ် သ့ၣ်ညါဘၣ်လၢ တၫ်ဆၢကတီၫ်ယံာ် ၂ နၣ်ရံၣ်ညါအဂ့ၫ် မးစူစူမ့ၣ်ယိတဲ၀ဲလီၤ.
ဃိၣ်အံၤအပူၤ ပိာ်မုၣ်မိၫ်ဒၢတဖၣ်အိၣ်အသိး ထံရူၫ်ကီၫ်သဲးပှၤဃိၣ်ဖိ မိၫ်ဒီးဖိသၣ်ဆံးတဖၣ်အိၣ်၀ဲ၀ံၤ ဘၣ်ထွဲဆူၣ်ချ့ တၫ်ကဟုကယာ်တဖၣ် တူၫ်ဘၣ်၀ဲအၢအၢသီသီအဂ့ၫ် တဲ၀ဲလီၤ.
ပိာ်မုၣ်ထံရူၫ်ကီၫ်သဲးပှၤဃိၣ်ဖိကရၢ(WOPP)န့ၣ် လၢဃိၣ်ပူၤ တၫ်မၤကမၣ်ပှၤဂ့ၫ်၀ီခွဲးယာ်တဖၣ် ဃုထံၣ်၀ဲဒီးမၤစၢၤ၀ဲ တကးဘၣ်, တၫ်ဂ့ၫ်ဒ်သိးအံၤသုတကဲထီၣ်လၢၤတဂ့ၤအဂီၫ် ကဖံးသကိးမၤသကိးဃုာ်တၫ်ဒီး ကီၫ်ပူၤကီၫ်ချၢတၫ်ကရၢ ကရိလၢဘၣ်ထွဲတဖၣ်အဂ့ၫ် ကွဲးဖျါဃာ်၀ဲလီၤ.
တၫ်မၤစၢၤထံရူၫ်ကီၫ်သဲးပှၤလီၤဃိၣ်ဖိကရၢ(AAPP)အလါအီးကထိဘၢၣ်(၂၁)သီနံၤ တၫ်ဘိးဘၣ်ပာ်ဖျါအဖီခိၣ် သုးဟံးန့ၫ်ဆူၣ်တၫ်စိတၫ်ကမီၤအတီၫ်ပူၤ ပိာ်မုၣ်တကထိဘျဲၣ်(၁၂၃၆)ဂၤ ဘၣ်သံ၀ံၤ ဃုကထိဃၣ်ဃၣ်(၅၇၁၂)ဂၤ ဘၣ်တၫ်ဖီၣ်ဃာ်၀ဲလီၤ.
