လါယနူၤအါရံၤ(၇)သီ,၂၀၂၅နံၣ်
ကီၫ်ပယီၤလၢ သုးဟံးန့ၫ်ဆူၣ်ဃာ်တၫ်စိတၫ်ကမီၤအံၤ အတၫ်အိၣ်သးန့ၣ် အိၣ်ကဒီး၀ဲဒ် တၫ်မၤပျံၤမၤဖုး အမဲရကၤအထံဂုၤကီၫ်ဂၤတၫ်ဘျၢဒီးဒီကလုာ်တၫ်ဘံၣ်တၫ်ဘၢအဂ့ၫ် အမဲရကၤကီၫ်ခိၣ် ဒီၣ်နၢၣ်ထရၢး ပာ်ပနီၣ်၀ဲလီၤ.
တၫ်န့ၣ်အဃိ ပာ်ပနီၣ် ကီၫ်ပယီၤဒ်ထံကီၫ်လၢမၤပျံၤမၤဖုး အမဲရကၤဒီကလုာ်တၫ်ဘံၣ်တၫ်ဘၢအဃိ ဖဲ၂၀၂၁ နံၣ် လါဖ့ၤဘြၤအါရံၤ(၁၀)သီနံၤ ထုးထီၣ်ဘိးဘၣ်ရၤလီၤတ့ၫ်၀ဲတၫ်ကလုၫ် Executive Order 14014န့ၣ် ကီၫ်ခိၣ်မၤအါထီၣ်ကဒီး၀ဲ(၁)နံၣ်အဂ့ၫ် ဖဲလါဖ့ၤဘြူၤအါရံၤ(၆)သီအနံၤ ပာ်ဖျါ၀ဲလီၤ.
တၫ်ဂ့ၫ်လၢဘၣ်ထွဲဒီးကီၫ်ပယီၤ တၫ်အိၣ်သးတဖၣ် လီၤဆီဒၣ်တၫ် ဖဲ၂၀၂၁နံၣ်,လါဖ့ၤဘြူၤအါရံၤ(၁)သီနံၤ သုးန့ၣ် ထုးလီၤတဲာ်ကွံာ် ကမျၢၫ်ပဒိၣ် လၢဘၣ်တၫ်ဃုထၢထီၣ်အီၤဒ်ဒံၣ်မိၣ်ကရ့ၣ်စံၣ်သနူအသိး၀ံၤ ပဒိၣ်ခိၣ်နၫ်တဖၣ်,ပှၤထံရူၫ်ကီၫ်သဲးဖိတဖၣ်,ပှၤဟူးဂဲၤလၢပှၤဂ့ၫ်၀ီခွဲးယာ်တဖၣ်,ပှၤဟံးန့ၫ်တၫ်ကစီၣ်ဖိတဖၣ်ဒီးတၫ်ဘူၣ်တၫ်ဘါခိၣ်နၫ်တဖၣ် ဖီၣ်ဒုးဃာ်၀ဲလၢတဖိးသဲစးအပူၤ ထီဒါကမျၢၫ်အတၫ်မိၣ်န့ၫ်သးလီ၀ံၤ မၤဘၣ်ဒိဘၣ်ထံး ထံကီၫ်အဒံၣ်မိၣ်ကရ့ၣ်စံၣ်တၫ်ဆီတလဲဒီးသဲစးတၫ်ဘျၢတဖၣ်န့ၣ် လၢတမ့ၫ်ဒ်ညီနုၫ်အသိး မၤပျံၤမၤဖုး အမဲရကၤအဒီကလုာ်တၫ်ဘံၣ်တၫ်ဘၢဒီးထံဂုၤကီၫ်ဂၤတၫ်ဘျၢတဖၣ်အဃိ Executive Order 14014 န့ၣ် ပာ်ပနီၣ်အါထီၣ်ကဒီး၀ဲ(၁)နံၣ်အဂ့ၫ် ပာ်ဖျါ၀ဲလၢတၫ်ဘိးဘၣ်ရၤလီၤအပူၤန့ၣ်လီၤ.
Ref: RFA
