လါယနူၤအါရံၤ(၂၉),၂၀၂၅နံၣ်
တနီသရံၣ်ကီၫ်ခီ,လိလိၣ်ကီၫ်ဆၣ်ပူၤ သုးကီၣ်ကးအသုး လဲၤနုာ်လီၤသုးကျိၤအဃိ ဒူသ၀ီ(၄)ဖျၢၣ်အပူၤ ပှၤလီၫ်က၀ီၤဖိတဖၣ် ဘၣ်ဃ့ၫ်ပူၤဖျဲးသးအဂ့ၫ် တၫ်သ့ၣ်ညါဘၣ်လၢ လီၫ်က၀ီၤတၢ်ကစီၣ်တဖၣ် ပၥ်ဖျါဃၥ်၀ဲအဖီခိၣ်န့ၣ်လီၤ.
အပူၤကွံာ် စးထီၣ်ဖဲလါယနူၤအါရံၤ(၂၁)သီအနံၤန့ၣ် သုးကီၣ်ကးအသုးလၢ လဲၤနုာ်လီၤသုးကျိၤ ဖဲယ့ၣ်ဖၠူၣ်ကီၫ်ဆၣ်, ထံယိာ်ကဘီသန့ဟီၣ်က၀ီၤပူၤတဖၣ်အံၤ လဲၤနုာ်လီၤကဒီးသုးကျိၤဆူ လိလိၣ်ကီၫ်ဆၣ်ပူၤ ဖဲလါယနူၤအါ ရံၤ(၂၄)သီအနံၤန့ၣ်လီၤ.
သုးကျိၤလၢဂံၫ်ဘါပာ်ဃုာ် (၂၀၀)ဂၤအံၤ နုာ်လီၤသုးကျိၤဖဲ ထံယိာ်ကဘီသန့ဟီၣ်က၀ီၤ, နဘူးလဲၣ်ဟီၣ်က၀ီၤ ပူၤ၀ံၤအလီၫ်ခံ လဲၤနုာ်လီၤ၀ဲဆူလိလိၣ်ကီၫ်ဆၣ်,သ၀ီတဖၣ်အပူၤ လၢပှၫ်ပူၤကျဲတကပၤန့ၣ်လီၤ.
သုးကီၣ်ကးအသုးကျိၤလဲၤနုာ်လီၤအဃိ စခါကၠံ,မၠိးဟီ,ဘူခၠဲၤဒီးမဲၣ်အိၣ်အလီၫ်ခံ သ၀ီအပူၤ ဒူဖိသ၀ီဖိတဖၣ် ဘၣ်ယိၣ်ဘၣ်ဘှီတၫ်အဃိ ဘၣ်ဃ့ၫ်ပူၤဖျဲးသးလၢကစၢၫ်ကလိအကျါန့ၣ်လီၤ.
သုးကျိၤ၀ဲအံၤ ဖဲလါယနူၤအါရံၤ(၂၄)သီအနံၤန့ၣ် နုာ်လီၤခး၀ဲ ကမျၢၫ်တၫ်ဒီသဒၢသုး အသုးကလၢၤတဖျၢၣ် လၢအိၣ်ဖဲမူဒူမုၫ်ထီၣ်သ၀ီအဃိ PDFသုးဖိဘၣ်သံ(၃)ဂၤန့ၣ်လီၤ.
သုးကျိၤအံၤဒွဲၣ်အူကွံာ်၀ဲ မူဒူသ၀ီဖိအဟံၣ်(၁)ဖျၢၣ်၀ံၤ လဲၤနုာ်လီၤမၤဟးဂီၤတၫ်လၢ ဟံၣ်တဖၣ်အပူၤအသိး, သးနံၣ်(၁၂)နံၣ်အိၣ်ဖိသၣ်တဂၤစ့ၫ်ကီး က့ၤဖီၣ်ကိးဃုာ်၀ဲဒီးသုးကျိၤအဂ့ၫ် လီၫ်က၀ီၤဖိတဖၣ်တဲ၀ဲလီၤအဂ့ၢ် ပၥ်ဖျါဃၥ်၀ဲန့ၣ်လီၤ.
အပူၤကွံာ် လါဒံၣ်စ့ဘၢၣ်အပူၤန့ၣ် တနီသရံၣ်ကီၢ်ခီ,ဒ၀ဲၫ်ကီၫ်ရ့ၣ်ပူၤ သုးကီၣ်ကးအသုးတဖၣ် ခးလီၤကျိဖးဒိၣ်ဒီး ဟဲထီၣ်လၢသုးကျိၤတဖၣ်အဃိ လီၫ်က၀ီၤကမျၢၫ် (၂၅၉၀၀)ဂၤဘျဲၣ် ဘၣ်ပာ်တ့ၫ်တၫ်အိၣ်ဆိးလီၫ်ကျဲ ဃ့ၫ်ပူၤ ဖျဲးသးအဂ့ၫ် လီၫ်က၀ီၤတၫ်ဃုထံၣ်သ့ၣ်ညါကရၢလၢအမ့ၫ် FE5 Thanintharyiအလံာ်ဘိးဘၣ်ရၤလီၤ အဖီ ခိၣ်တၫ်သ့ၣ်ညါဘၣ်လီၤ.
Photo: FBR
