လါယနူၤအါရံၤ(၂၈)သီ,၂၀၂၅နံၣ်
တရူးထံကီၫ်ပၢ ကဘီယူၤခီပနံာ် AVICတကပၤ ပကတုာ်ကွံာ် တၫ်ဆီၣ်ထွဲမၤစၢၤပယီၤသုး တၫ်စုက၀ဲၤဧါ (မ့တမ့ၫ်)ကပတုာ်ကွံာ်တၫ်မၤဃုာ်သကိးမုာ်ကျိၤ၀ဲၤကွာ်ဧါန့ၣ် အသိၣ်မှံၤ Airbusခီပနံာ်အပှၤဘၣ်မူဘၣ်ဒါ ကကွဲး ထီၣ်လံာ်ဟ့ၣ်တၫ်ဆီၣ်သနံးအဂီၫ် ကရၢဟူးဂဲၤလၢ ကီၫ်ပယီၤဂ့ၫ်၀ီလၢအိၣ်ဖဲယူၣ်ခ့ၣ် တဲဆီၣ်တခူ ထီၣ်၀ဲ ဒံၣ်မိၣ်ကရ့ၣ်စံၣ်ဂံၫ်ဘါကရၢတဖၣ်န့ၣ်လီၤ.
တရူး AVICန့ၣ် ဖဲအပူၤကွံာ်နံၣ်အပူၤ ဆါလီၤန့ၫ်၀ဲ ပယီၤသုး ကဘီယူၤအသီ(၈)ခိၣ်အဂ့ၫ် တဲ၀ဲလီၤ. သ့ၣ်ညါ၀ဲလၢကဘီယူၤတဖၣ်အံၤ တၫ်သူလၢတၫ်မၤသံထံဖိကီၫ်ဖိကမျၢၫ်အဂီၫ် ဘၣ်ဆၣ်သနာ်က့ ဆါလီၤန့ၫ် ၀ဲ၀ံၤ တၫ်ပညိၣ်ခးလီၤကမျၢၫ်န့ၣ် မ့ၫ်တၫ်မၤကမၣ် ထံဂုၤကီၫ်ဂၤတၫ်ဘျၢအဂ့ၫ် Burma Campaign UKပာ်ဖျါ၀ဲ လီၤ.
ကလံၤကျါဂံၫ်ဘါန့ၣ် ပယီၤသုးကပူၤဖျဲးထီၣ်အဂီၫ် မ့ၫ်တၫ်အရ့ဒိၣ်တခါ၀ံၤ လၢသုးဟံးန့ၫ်ဆူၣ်ထံကီၫ်တၫ်စိ တၫ်ကမီၤလံၤလံၤ တ့ၫ်လီၤမ့ၣ်ပိၫ်လၢကမျၢၫ်အိၣ်တၫ်အလီၫ်အဃိ ပှၤ(၄)ကကွဲၫ် ဘၣ်ပာ်တ့ၫ်ဟံၣ်ဃီ ဃ့ၫ်ပူၤဖျဲးသးအဂ့ၫ် တဲ၀ဲလီၤ. Airbusခီပနံာ်န့ၣ် မ့ၫ်ထံဂုၤကီၫ်ဂၤသိၣ်မှံၤခီပနံာ်လၢ တရူးအ AVICခီပနံာ်အဂီၫ်န့ၣ်လီၤ.
တၫ်န့ၣ်အဃိ AVICန့ၣ် သုတဆါန့ၫ်ပယီၤသုးတၫ်စုက၀ဲၤ တၫ်ကဆီၣ်တခူထီၣ်အဂီၫ် Airbusပှၤဘၣ်မူဘၣ်ဒါ တကပၤ သူ၀ဲအတၫ်စိတၫ်ကမီၤန့ၫ်သ့အဂ့ၫ် Burma Campaign UKအပှၤနဲၣ်တၫ် Mark Farmanerတဲ၀ဲလီၤ.
တၫ်ကမၤပူၤဖျဲးသးသမူဧါ(မ့တမ့ၫ်)ကမၤသကိးဃုာ်ကဒီးတၫ်ဒီး ခီပနံာ်လၢဘၣ်ထွဲလိာ်သးဒီးတၫ်မၤကမၣ် ထံဂုၤကီၫ်ဂၤတၫ်ဘျၢတဖၣ်ဧါန့ၣ် Airbusပှၤဘၣ်မူဘၣ်ဒါ Guillaume Fauryန့ၣ် ဃုထၢ၀ဲသ့အဂ့ၫ် တဲ၀ဲလီၤ.
Ref: RFA
