လါယနူၤအါရံၤ(၂၅)သီ, ၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်က၀ီၤ, သုးက့(၇)ဘ့ၣ်အပူၤ ၂၀၂၄နံၣ်, (၁)နံၣ်အတီၢ်ပူၤ တၢ်ဒုးကဲထီၣ်တ့ၢ်သးလၢ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(K.N.L.A),ကညီဒီကလုၥ်ဂၢၤသးကရၢ(K.N.D.O) တီခိၣ်ရိၣ်မဲ တၢ်ပၢၢ်ဆၢသုးပၥ်ဖှိၣ်ဒီးသုးဟံးန့ၢ်ဆူၣ်ထံကီၢ်တၢ်စိတၢ်ကမီၤအသုးအဘၢၣ်စၢၤ ခဲလၢၥ်ပၥ်ဖှိၣ် အိၣ်၀ဲ(၃၂၂၉)ဘျီအဂ့ၢ် ခ့ၣ်အဲၣ်ယူၣ်-လီၢ်ခၢၣ်သးတၢ်ကစီၣ်ပၥ်ဖျါဃၥ်၀ဲန့ၣ်လီၤ.
တၢ်ဒုးတဖၣ်အပူၤ သုးကီၣ်ကးအပှၤလီၢ်လၤအိၣ်ဒီးသုးဖိဘၣ်သံ၀ဲ တစှၤန့ၣ်(၃၁၃၆)ဂၤ၀ံၤဘၣ်ဒိ၀ဲ(၂၂၂၅)ဂၤ တကးဘၣ်တၢ်ဖီၣ်န့ၢ်စ့ၢ်ကီး သုးကီၣ်ကးအဒုးယၤခိၣ်ဒီးတၢ်ဖီလၥ်ပှၤသုးဖိလၢ အကယၤတဖၣ်အဂ့ၢ် ပၥ်ဖျါဃၥ်၀ဲန့ၣ်လီၤ.
ဒ်န့ၣ်အသိး တၢ်ဒုးတဖၣ်အပူၤ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(K.N.L.A),ကညီဒီကလုၥ်ဂၢၤသးကရၢ(K.N.D.O)တီခိၣ်ရိၣ်မဲ တၢ်ပၢၢ်ဆၢသုးပၥ်ဖှိၣ်တပၤစ့ၢ်ကီး ဘၣ်သံ၀ဲ(၁၀၀)ဂၤဃၣ်ဃၣ်ဒီး ဘၣ်ဒိ၀ဲ(၃၂၅)ဂၤအဂ့ၢ် စံး၀ဲန့ၣ်လီၤ.
လၢန့ၣ်အမဲၥ်ညါ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်က၀ီၤတဖၣ်အပူၤ သုးကီၣ်ကးအသုးတဖၣ် မၤထီဒါကမျၢၢ်ထံဖိကီၢ်ဖိခွဲးယၥ်တဖၣ်လၢ ကျဲအကလုၥ်ကလုၥ်အိၣ်ထီၣ်၀ဲ ကိးမုၢ်နံၤဃၣ်ဃၣ်န့ၣ်လီၤ.
