လါယနူၤအါရံၤ(၂၂)သီ,၂၀၂၅နံၣ်
အမဲရကၤကီၫ်ခိၣ်ဒီနၢၣ်ထြဲးန့ၣ် အတၫ်ဖးတၫ်အၢၣ်လီၤလၢ ကဟးထီၣ်လၢ WHOကရၢလီၤန့ၣ် ဒုးအိၣ်ထီၣ်၀ဲအမိၫ်လံၤမိၫ်ပှၫ် န့ၫ်၀ဲလံန့ၣ်လီၤ.ဆိၣ်တၫ်အၢၣ်လီၤ၀ံၤအလီၫ်ခံ ကီၫ်ခိၣ်တၫ်ကလုၫ်တဖၣ်အပူၤ ဘိးဘၣ်ရၤလီၤစ့ၫ်ကီး၀ဲလၢ အမဲရကၤန့ၣ် စးထီၣ်တၫ်ဖံးတၫ်မၤလၢ ပတုာ်ကွံာ်တၫ်ကဲကရၢဖိလၢ ဘီမုၫ်စၢဖှိၣ် ကရၢ တၫ်ပၢဆှၢရဲၣ်ကျဲၤဟီၣ်ခိၣ်ဒီတဖျၢၣ်ဆူၣ်ချ့တၫ်ဂ့ၫ်ကီAgency န့ၣ်လီၤ.
ထြဲးဒီးWHOတၫ်တဘၣ်လိာ်ဖိးဒ့န့ၣ် ဖဲခိၣ်ဘံး(၁၉)တၫ်ဆါဘၣ်ကူဘၣ်ဂာ်အကတီၫ် ဆူၣ်ထီၣ်၀ဲလီၤ. WHOန့ၣ် လၢတၫ်ခီၣ်ဆၢဘှါရှဲ တၫ်ဆါအပူၤ ဃၢဒိၣ်မးဒီးကရၢန့ၣ် ဘၣ်တၫ်ပၢဆှၢအီၤလၢတရူးအဂ့ၫ် အ၀ဲစံးအၢ၀ဲတလီၫ်လီၫ်န့ၣ်လီၤ.
“ဟီၣ်ခိၣ်ဒီဖျၢၣ်ဆူၣ်ချ့ကရၢန့ၣ် မၤဆံးလီၤစှၤလီၤပှၤ”အဂ့ၫ် ဖဲဆဲးလီၤစုမုၫ်ကျၢၤလၢ ကီၫ်ခိၣ်တၫ်ကလုၫ်တဖၣ် အကတီၫ် Trump တဲဘၣ်ပှၤဟံးန့ၫ်တၫ်ကစီၣ်ဖိတဖၣ်လီၤ.
Trump အတၫ်အၢၣ်လီၤ ကကဲထီၣ်ဖိးသဲစးအဂီၫ် ကဘၣ်ဟံးန့ၫ်တၫ်ဆၢကတီၫ်(၁)နံၣ်န့ၣ်လီၤ.တၫ်အံၤန့ၣ် လၢ၁၉၄၈နံၣ် ဖဲအမဲရကၤနုာ်လီၤဆူ ဟီၣ်ခိၣ်ဒီဖျၢၣ်ဆူၣ်ချ့ကရၢပူၤ အကတီၫ်, တၫ်ပာ်ပနီၣ်ဃာ်တၫ်ဆၢ ကတီၫ်လၢ ဘၣ်ထွဲခါဆူညါ တၫ်ကထုးဖးသးတၫ်အိၣ်သးတၫ်ဂ့ၫ်န့ၣ်လီၤ.
လၢအမဲာ်ညါတဘျီဖဲTrump ကဲကီၫ်ခိၣ်အကတီၫ် ပတုာ်ကွံာ်၀ဲ တၫ်ဆီၣ်ထွဲမၤစၢၤWHOစ့ပာ်ကီၤ၀ံၤ စးထီၣ် ၀ဲ တၫ်ကဟးထီၣ်တၫ်ဖံးတၫ်မၤန့ၣ်လီၤ.ဘၣ်ဆၣ်သနာ်က့ တနံၣ်အတီၫ်ပူၤ တၫ်ဟးထီၣ်တၫ်ဖံးတၫ်မၤ တချူး၀ံၤဒံးဘၣ်န့ၣ် ဘၣ်တဲၣ်ကဲထီၣ်ကီၫ်ခိၣ်၀ံၤ မၤဟးဂီၤကွံာ်၀ဲ တၫ်ဟးထီၣ်တၫ်ဖံးတၫ်မၤတဘျီဃီန့ၣ်လီၤ.
ဖဲလါယနူၤအါရံၤ(၂၀)သီနံၤ Trumpအတၫ်ဘိးဘၣ်ရၤလီၤန့ၣ် ကဲထီၣ်တၫ်ဘၣ်ဒိဘၣ်ထံးဖးဒိၣ်လၢ WHOအဂီၫ်လီၤန့ၣ် အိၣ်ဖျါ၀ဲလီၤ. WHOကရၢန့ၣ် အကရၢဖိထံကီၫ်လၢအဒိၣ်ကတၢၫ်ဒီး ဆီၣ်ထွဲမၤ စၢၤတၫ်အါက တၢၫ် လီၤမၫ်ကွံာ်အီၤန့ၣ်လီၤ.အမဲရကၤန့ၣ် ဖဲ၂၀၂၂နံၣ်ဒီး၂၀၂၃နံၣ်အပူၤန့ၣ် ဖၢနုာ်စ့မၤဘူၣ် လၢWHOအအိၣ် အမဲရကၤဒီလၣ်(၁.၂၈၄)ဘံၣ်လံၣ်ယၣ်၀ံၤ တၫ်အံၤန့ၣ်အါဒိၣ်န့ၫ်ဒံး ပှၤဟ့ၣ်မၤဘူၣ်တၫ်အအါကတၢၫ် ခံဂၤတဂၤ ကီၫ်ကၠၢမနံၣ် ဒီလၣ်လၢအကကွဲၫ်န့ၣ်လီၤ.
