လါယနူၤအါရံၤ(၂၃)သီ,၂၀၂၅နံၣ်
၂၀၂၅နံၣ်, လါယနူၤအါရံၤ(၂၂)သီအနံၤန့ၣ် ခ့ၣ်အဲၣ်ယူၣ်-လီၢ်ခၢၣ်သးတၢ်ကစီၣ် ပၥ်ဖျါဃၥ်၀ဲလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့နီၣ်ဂံၢ်(၃), ကီၢ်ရ့ၣ်ချၢၣ်လွံၢ်ထူၣ်ဟီၣ်က၀ီၤအပူၤ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်ကးအသုး ခးကျိဖးဒိၣ်ဒီးဒြိတဖၣ်အဃိ သီခါ ဘၣ်သံ၀ဲ(၁)ဂၤအသိး ကမျၢၢ်ဘၣ်ဒိ၀ဲ(၁)ဂၤဒီး ကမျၢၢ်လၢတၢ်ကမၣ်တအိၣ် ဘၣ်တၢ်ဖီၣ်အီၤ(၃)ဂၤအဂ့ၢ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ,ကီၢ်ရ့ၣ်ချၢၣ်လွံၢ်ထူၣ်, မူကီၢ်ဆၣ်အပူၤ လါယနူၤအါရံၤ(၁၈)သီအနံၤ, ဂီၤ(၆)နၣ်ရံၣ်အဆၢကတီၢ် သုးကီၣ်ကးခိၣ်ဖလးလ့သုးကလၢၤပှၤသုးဖိတဖၣ်အံၤ က့ၤဆှၢ၀ဲ အသကိးလၢဘၣ်ဒိ(၅)ဂၤအဆၢကတီၢ် ဟဲက့ၤနုၥ်လီၤလၢတရ့ၣ်ခိၣ်သ၀ီပူၤ၀ံၤအလီၢ်ခံ က့ၤဖီၣ်န့ၢ်ဆူၣ်၀ဲ ဒူသ၀ီဖိသၢဂၤအဂ့ၢ် စံး၀ဲန့ၣ်လီၤ.
တၢ်က့ၤဖီၣ် ဒူသ၀ီဖိ သးစၢ်(၃)ဂၤလၢအမ့ၢ် စီၤဟၣ်န့ၢ်ထူ သးနံၣ်(၂၅)နံၣ်, စီၤဘုးဘ့ၣ်သးနံၣ်(၂၃)နံၣ်ဒီး စီၤဒါဒါ သးနံၣ်(၁၈)နံၣ်တဖၣ်၀ံၤ တၢ်ပျၢ်ကဒါက့ၤတအိၣ်ဒံးဘၣ်အဂ့ၢ် ပၥ်ဖျါဃၥ်၀ဲန့ၣ်လီၤ.
တကးဘၣ် လၢၢ်ဒိၣ်ကီၢ်ဆၣ်ပူၤတခီ ဖဲလၢလါယနူၤအါရံၤ(၁၇)သီအနံၤ, ဟါ(၆း၁၀)နၣ်ရံၣ်အဆၢကတီၢ် သုးကီၣ်ကးသုးလၢဆီလီၤဃၥ်သးဖဲ ကွ့ခၠီ၀းအံၤ ခးလီၤ(၁၂၀-မမ)ကျိဖးဒိၣ်အဃိ လဲၤလီၤတဲၥ်ပိၢ်ဖးထီၣ်၀ဲဒၣ်ဖဲ တီကၠီၣ်ပီးသ၀ီအကပၤအဂ့ၢ် တၢ်သ့ၣ်ညါဘၣ်န့ၣ်လီၤ.
ကီၢ်ရ့ၣ်ချၢၣ်လွံၢ်ထူၣ်, ဆီထံးကီၢ်ဆၣ်အပူၤ လါယနူၤအါရံၤ(၂၁)သီအနံၤ, ဟါ(၃)နၣ်ရံၣ်အဆၢကတီၢ် သုးကီၣ်ကးအသုးလၢအိၣ်ဖဲ ယ့ၣ်ကၠံၣ်ခၠီသီခါဖၠၣ်တဖုအံၤ တ့ၢ်လီၤဒြိမ့ၣ်ပိၢ်အဃိ လဲၤလီၤတဲၥ်ပိၢ်ဖးထီၣ်၀ဲဒၣ်ဖဲ မီၣ်ဖၠါသ၀ီပူၤ ကိၣ်မ့ထဲးဟံၣ်အမဲၥ်ညါ၀ံၤ ဘၣ်ဒိ၀ဲကိၣ်မ့ထဲးအစုဒူၣ်န့ၣ်လီၤ.
တကတီၢ်ဃီ လဲၤတ့ၢ်လီၤကဒီးဒြိမ့ၣ်ပိၢ်ခံဘျီတဘျီအပူၤ လဲၤလီၤတဲၥ်ပိၢ်ဖးထီၣ်၀ဲဒၣ်ဖဲ ကွ့ဒလးကၠံၣ်သ၀ီ, တီယးကၠီသီခါဖၠၣ်အဖီၣ်၀ံၤ သီခါ ပၣ်န၀ သးနံၣ်(၅၀)ဘၣ်သံ၀ဲဒီး သီခါ တ့ၣ်စး သးနံၣ်(၄၉)နံၣ်စ့ၢ်ကီး ဘၣ်ဒိ၀ဲအကံၢ်ဒူၣ်အထွဲတပၤအဂ့ၢ် စံး၀ဲန့ၣ်လီၤ.
တနံၤဃီဖဲဂီၤ(၁၀)နၣ်ရံၣ်အဆၢကတီၢ် သုးကီၣ်ကးအသုး(၂၆၄)လၢအိၣ်ဖဲ ၀့ၢ်ပ့းစလိး ခးလီၤကျိဖးဒိၣ်အဃိ လဲၤလီၤတဲၥ်ပိၢ်ဖးထီၣ်၀ဲဒၣ်ဖဲ ပၠ့ၣ်ယ့ၣ်မုၢ်နုၥ်သ၀ီပူၤ၀ံၤ ကိၣ်စီၣ်အူအဟံၣ်ခိၣ်ဒုးတနီၤ ဘၣ်ဟးဂီၤကွံၥ်၀ဲအဂ့ၢ် ပၥ်ဖျါဃၥ်၀ဲန့ၣ်လီၤ.
လၢန့ၣ်အမဲၥ်ညါအပူၤကွံၥ်၂၀၂၄နံၣ်,(၁)နံၣ်အတီၢ်ပူၤခ့ၣ်အဲၣ်ယူၣ်ကညီဒီကလုၥ်စၢဖှိၣ်ကရၢ,ကီၢ်ရ့ၣ်ချၢၣ်လွံၢ်ထူၣ်ဟီၣ်က၀ီၤအပူၤခီဖျိသုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်ကးအသုးတၢ်မၤကမၣ်ပှၤဂ့ၢ်၀ီခွဲးယၥ်တဖၣ်အပူၤလီၢ်က၀ီၤကမျၢၢ်လၢတၢ်ကမၣ်တအိၣ်ဘၣ်သံ၀ဲ(၉၇)ဂၤဒီး ဘၣ်ဒိ၀ဲ(၃၆၄)ဂၤအဂ့ၢ် တၢ်သ့ၣ်ညါဘၣ်လၢ ကီၢ်ရ့ၣ်ချၢၣ်လွံၢ်ထူၣ် တၢ်မၤနီၣ်စရီတဖၣ်အဖီခိၣ်န့ၣ်လီၤ.
